NT HUNA SABBATH SERH LO PIAN CHHUAH DAN

Seventh Day Adventist (SDA) kohhran ah SABBATH SERH tura an inzirtir tan dan leh alo pianchhuah dan..

Kan hriat tur pawimawh em em mai chu Tuna SDA ah kan rawngbawltu zahawm tak tak leh tawngkam hmang thiam taka Sabbath chungchang thahnem ngai tak taka lo zirtir mek te hi Bible an chhiar leh tawngtaina atang emaw pathian hnen atanga Sabbath serh hi tul ani tia an dawn ani hauh lova,,tun hma an lo zirtir sa leh an zirtirna ziaka an hnutchhiah te chu thahnem ngai takin an zirtir ve mai ani tih kan hriat reng a tul ani..

Khaile thusawm pek zinga palina SABBATH serh tur tia Israel fate hnena Lalpan amah leh a hnam thlan Israel fate inkarah chhinchhiahna atana alo pek chu khawvel mi zawng zawng atana pek ani ti zawnga zirtirna alo chhuahdan mak tak mai chu kan zirchiang dawn ani....

15,2,1792 khan WILLIAM MILLER chu America hmarchhak lam ,Pittsfield,Massachusetts ah alo piang a,amah hi unau sawm paruk zinga upa ber ani.

1816 ah Baptist kohhran a zawm a,1822 ah Baptist kohhran ah (Lay preacher) a lakluh ani..

Tichuan MILLER-A chuan Isua Lokal lehna lam chu a tuipui em em a,,ama thiam ang tawk tawka buaipui ve in a zirtir nasa thin em em a,,tichuan a zirtirna chu an hun laia mipui beng  verhtu leh mipui titi na ber anih avangin Miller thusawi chu an ngaihthlak chak zawng tak alo ni ta a,zuitu pawh a ngah phah em em ani.

Tichuan Miller-a chuan Daniala hapta 70 te chu amahin thiam dan leh mite chhutdan te lakhawm ve in a chhut ve ta a,,

Daniala 8:14 ami King James Bible in Ni 2300 tia adah Hebrai lama Tlai leh zing tia adah chu kuma chantirin Isua Lokal hun chu a chhut chhuak ta hmiah mai a,

 March 21, 1843 atanga a kum leh March

 21,1844- ah Isua Lokal lehna (Second Advent) a thleng dawn tiin thutlukna a siam hmiah mai a.

1818 atang Khan Miller-a chuan Isua Lokal lehna chu hrechiang inti em emin a sawi tan ta a,

Mipui te chu an ngaihven zawng leh an tuipui ber thu anih avangin anlo awih em em nghal mai hlawm a,amah Miller-a pawh ngaihdan a hlawh phah em em mai ani.

Tichuan 1843 March 21 chu alo thleng ta a,phur tak leh hlim takin Isua chu an hmuak a,mahse Miller-a sawi ang chuan engmah a thleng ta lo ani.  Miller-a chuan beidawnsan mai a tum bik lova,

A kum a sawn lehin 1844 March 21 hi ani e tihin mipuite chu a hnem a,mahse chumi niah pawh chuan engmah a thleng Chuang lo ani.

Miller-a chuan a chhutdan tihdanglam lehin Juda Rabbinic calendar aiah Juda Karaite calendar hmangin a chhut lehin Appril 18,1844 tur zawk ani e tihin a puang leh ta a,mahse chumi chu alo thleng an beisei ang engmah thleng lovin Miller-a hrilhlawkna chu dawta alo chang ta ani..

Chutih lai chuan a thawhpui SAMUEL SNOW-A chuan Daniela 8:14 hi Miller-a hian a chhut sual ani, Chuvangin October 22,1844 zanlai ah zawk tur ani e tihin arawn puang chhuak ta a,chu thu chu Miller-a pawhin alo pawm ve hmiah a,chu thu chu a thawhpuite nen chuan an puang darh ta a,He hriattirna thu pawm lo apiang chu an boral ang",tiin mipuite chu an vaukhan nghal bawk a, 

An nghahfak 0ctober 22,1844 chu alo thleng ta a,chung lamah lakchhoh beiseiin vankai kawr te hain inchungah te an lawn a,

Mahse an beisei ang chu a thleng reng reng lo ani.chu mi tumah zet chuan mipui nuai Chuang zet chu mualpho leh zak takin an awm THE GREAT DISAPOIMENT tiin an sawi zui ta ani.

Amah Miller-a pawh a lawina kohhran Baptist atang hnawlin a awm phah hial nghe nghe ani.

Tichuan Miller-a pawlte chu hlawm thumah rindan bik leh ngaihdan hran hran neiin an lo in thendarh ta ani.

An zinga pawl pakhat Joseph Turner- pawlte chuan khawngaih hun a tawp tawh tihin an inzirtir a,

Joshua Himes-a kaihhruai pawlte chuan chu chu an ring lova 1844 hnuah pawh Vanram kawng chu khar ala nih lohzia an rawn sawi chuan thlawptu a ngah ta zawk a, Albany Conference an neihna atangin Advent Christian Church alo ding ta ani..

Chutih lai chuan an member pakhat HIRAM EDISON_A chuan an in lamah a haw kawngah vaimim hmun a kaltlang laiin Vanram maicham bulah Isua ding a hmu thu a sawi a,(,hei ngei hi nakinah Ellen G white in ama hmu anga a sawi vak vak kha ani dawn ani)

Ani chuan tih hian a rawn sawi a, Miller-a chhut dan kha adik ngei a,mahse a awmna hmun lam adiklo ani.. October 22 khan Isua chu Hebrai 8:1-2 in a sawi angin Van hmun thianghlim ber( Holy of holies)ah alut zawk alo ni tihin a sawi ta a.

Chu Thu thar chuan Miller-a pawlte zinga hotu pakhat lawng captain pension tawh Joseph Bates-a rilru chu a rawn Chawk tho zual bika,An thurin chungchang chu bu pan tete ( pamphlet) a ziak a,chu pamphlet chuan an zinga hmeichhe tleirawl kum 17 mi rilru chu a khawih bik em em a,chu nula ngei chu ani Seventh Day Adventism kalphung sawi danglam vek thei khawpa huhang rawn nei tur chu..

Miller-a'n a hnungzuitute a chhuahsan hnuah chuan an zingah khan rindan leh pawm dan thurin thar makpui pui Bible nen inmil lo Bible pawn lam thil alo piang a,

An hotu pakhat Joseph Bates-a'n mi thuziah alo chhiar fuh atangin Sabbath serh thurin a rawn puang chhuak a,

Chutih laiin Stor-a leh Litch-a ten Mithi Thlarau muhil ( soul sleep) thurin an lo vawrh chhuak thung a.

Chu bakah chatuan hremhmun a awmlo tih te,

Misual te chu nung velo turin tihlum an ni vek dawn tih te,

Mi an thihin Thlarau chhuak tur awmlo tihte,

Thih hnuah hriatna a awmlo tihte,

Thlarau khawvel a awmlo tih te an rin dan danin anlo thlasik mauchang puah pui ve bawk a..chutak chu ani tuna SDA pastor zahawm tak tak te anmahni hmuhchhuah ni awm taka inla chal tak taka hahipa dawt anlo sawi thin chu.

An zawlnei la ni tur ELLEN HARMON WHITE- in Doctor hnena a inentirna atangin hriselna lam Ei leh In chungchang dan alo vawrh chhuak ve bawk a,chunglai chuan an zinga zawlnei nih tum ran mai mi inlarna pawh amah hmuh anga insawi hmiah hmiah tu Ellen Harmon white alo awm ve bawk a,

Ellen G white-i hi a hming pum chu Ellen Harmon Gould white ani a,

26,11,1827 ah khan apa Robert Harmon leh anu Eunice Harmon te inkarah alo piang ani..

26,6,1842 khan piantharna a chang ve a,John Hobarta in Baptishma a chantir ani.

Kum Kua (9) mi anih laiin a lehkha zirpui naupang pakhatin a lu ah lungin a vawm thruai mai a,kar engnge maw zat chu nikhaw hre lovin a awm nghe nghe ani.A damchhuah hnuah pawh a hnar chu a piangsual hlen phah ta ani..

August 30,1846 khan rawngbawltu tlangval Springer White nen inneiin fa pali an nei ani.

1863 ah a pasal James Springer White leh an rawngbawlpui thenkhatte nen Seventh Day Adventist kohhran an din.

Lehkhabu 40 Chuang leh thuziah tawi (Articles) 5000 zet a ziak a,

A damchhung in vawi 2000 zet inlarna hmu angin a insawi a,

Thluak lam zirchiangtu (Neurologist) lam te chuan a naupan laia a lu-a hliam a tuarna khan a mit ati vaiin thil hmuh sual theihna ( hallucination)a neih tir a,a ngaihtuahna leh suangtuahna rilruah awmte chu Thlarau a inlarna hmuh angin a sawi ani an ti hial bawk ani.

INLARNA A HMUH DAN.

Khatia Miller-a hova 1844 kuma(kum 14 mi anih laia) Isua an hnuah thlawn hnu atang Khan thlarauva inlarna a hmuh thu a sawi tan a,

Seventh day Adventist te chu chhunglam Jerusalem khawpui pana an kal dial dial a hmuh thu a sawi a,1845 atang chuan inlarna a hmuchhunzawm reng thute a puang tan a,

An kohhranah chuan Bible ziak ai mahin Ellen G white-i inlarna chu thupui ber an nei deuh ber a,Ellen G white-i inlarna a hmuh hmasa a,chumi hnuah an pi inlarna nena mil thei turin Bible chu an keu chauh ani..

James Harmon nen an innei hnu lawkah hian Miller-a pawlte zinga an hotu pakhat Joseph Bates-a' te inah an nupa in an leng lut ve thin a,,an lenluh apiangin Bates-a'chuan Sabbath serh a ngaihpawhmawh thu alo sawipui thin a,a tir lamah chuan tupui vak lo mahse an nupa in pa anga an ngaih tlat avangin Bates-a chuan Ellen G white-i te nupa rilru chu alo hmin ta a, Bates-a thu zawm chuan inrinni chu Sabbath chawlhni angin alo serh ta ani.

Methodist anih laia Sunday ah lo inkhawm thin Ellen G white-i chu nasa takin Sabbath serh a tul thu chu sawiin a inlarna a hmuh ah pawh Sabbath serh lo chu hremhmunah a hmuh treuh thu alo puang nghe nghe ani..

Adventist tih hi awmzia a nei thui hle in ka hria,,Isua hmuak tute tihna ani a,,

March 21, 1843 ah te,March 21,1844 ah te,April 18,1844 ah te,0ctober 22,1844 Zan lan laiah te Isua an lo hmuak sual tawh ani...

Mahse an kohhran hming erawh chu Isua Lokal lehna nghaktute an la inti tho ani....

Zahna lam kan tlachham deuh tepawh ani mahna le,,

Khatia Isua an hmuah sual hnu ah khan pawl thumin ngaihdan leh rindan hrang hrang neiin an keh darh kan ti tawh kha,,

Miller ngei pawh a tihsual te pawmin a thupuan kha adiklo thu a sawi ani...

He tiang hian a sawi a.

Ka ti diklo tih ka inpuang a,a beidawnthlak zia pawh ka pha lo; Amaherawhchu Lalpa lokal leh hi chu a hnai tawh ani..kawngka bulah a ding reng tawh ang; ati a,,kha a hrilhlawkna te kha a bansan hmiah ani...

Tin amah Miller-a hi chu SDA ah alut lo bawk....

Mahse a hnung zuitute khan rindan leh pawm dan thar hrang hrang an rawn nei ta hlawm a,

Investigative Judgement te, Sabbath serh te, Hremhmun meipuiin chatuan a daih dawnlo tih thute,Ei leh in chungchanga zirtirna thar phuahchawp hmangin Seventh Day Adventist kohhran chu alo piang chhuak ta a,,

1850 atang khan Ellen G white-i te nupa chuan Magazine pakhat, The review & Herald chanchinbu an chhuah tan a,

Tah chuan Adventist leh Sabbath thurin te an vawrh darh tan ta a,

An thuchhuak lo ngaihven tu Miller-a pawl darh sarh taka awmte chu pawl khatah an hip khawm a,,

Kum sawm hnu 1860 khumah chuan chu Pawl hming atan Seventh Day Adventist Church an lo sa ta ani...

SABBATH an inzirtir tan dan.....

Kum zabi 17 na lai khan A.D 1631 khan England ah Seventh Day Baptist an lo awm ve tih record a awm ta a,

Heng mite atang hian Seventh Day Adventist dintu hmasaten Sabbath chungchang an lo hmelhriat chhawng ani..

Joseph Bates-a leh Seventh Day Adventist Tobul

Joseph Bates-a hi July 8,1792 ah Rochester, Massachusetts ah a piang a.

Kum engnge maw zat lawng captain a thawh hnu in a pensiyta a,chutih lai chuan William Miller-a chanchin alo hre thuai a,Isua Lokal lehna thuai tur atana inbuatsaihna Miller-a Movement chu a zawm ve a,chu pawlin 1840 a General Conference a nei naah pawh a hruaitu hmasa mi 16 zinga a pakhatna ani pha ve nghal.

Miller-a thusawina tur leh Conference hrang hrang an buatsaihnaah te a hmahruaitu chairman ah te a tang zel a, Miller-a hrilhlawkna chu a ring em em bawk a,

A tulna apianga sum leh pai tepawh a thawh hlawk hle thin ani..

Bates-a nuna thilthleng pawimawh tak chu kha lehkha phek hnih khat leka ziah 'pamphlet' pakhat alo chhiar ve atangin ani..

Chu pamphlet chuan Sabbath ni hi Kristian ten an serh tur ni diktak ani tih thu hi ani a,

A ziaktu chu T.M Preble-a Seventh Day Baptist kohhran thuhriltu ani..T.M Preble-a chuan Frederick Wheeler-a leh Racheal Preston-i te hnen atanga alo dawng ani veleh chhawng a,,

Preble-a thu ziah chu: A Track, Showing that the Seventh Day Should be Observed as the Sabbath, Instead of the first Day, ` According to the Commandment By TM Preble tih ani..

Chu thuziak chu Bates-a chuan a tuipui em em mai a,,Isua hmuah sual avanga a rilruin arbo zawnlai alo ni nen chu Idea thar chu alo pawm hmiah mai ani..

Tichuan ama thei ang ang a zir zau ve in lehkhabu pan tete ( Booklet) a ziak ve ta a,Chung zinga pakhat 1846 ah chhuak " The Seventh Day Sabbath, a perpetual Sign tih chu a chhuah zui ve ta a,, chu chu mitam takte Sabbath serh tura fuihtu leh mite thinlung kaiharh tu tangkai tak alo ni ta ani..

Mahse Sabbath serh tura thuchah rawn ziaktu Preble-a kha chuan a hnu lawk, 1847 ah khan Sabbath kha a hnawl leh a,, Seventh Day Adventist thurin do zawng a awm leh daih thung ani...

He Sabbath serh tura bul intan dan hi a pawimawh avangin Chiang leh zuala tarlan leh tulna a awm a,, Miller-a hoten 1844 a Isua an hmuah thlawna beidawng taka an awm a,an pawl kehdarh tawh si,kal zel dan tur hre lova an vai ruai ruai lai khan ,

Nikhat chu Ellen G white-i leh a pasal James White-a te chu an zinga mi neinung leh pa Hausa Bates-a chu an pan rawih mai a,anni White-i te nupa chu 1846 a innei hlim deuh hlawk khawsak harsa ve tak ,bul intan ve dawn chauh tan chuan Mi Hausa Bates-a chu alo pawimawh em em dawn ani...

White-i te nupa chuan Bates-a bulah chuan White-i chu inlarna a hmuh thin thu te,Pathian zawlnei anih thu te an hrilh mawlh mawlh ta a,

Mahse an hmalam kawl eng theihna turah an hmatheh zawlnei nia inchhal white-i kha Bates-a khan alo ring vak lo ani..

White-i te nupa chuan thil engemaw tia Bates-a rilru hneh chu an ngai ta ani.

A lehlamah chuan Bates-a pawhin white-i te nupa chu Sabbath serh tir ve turin an rilru hneh alo tum ran bawk a,, hun engemaw Chen an sawi ho hnuah chuan Bates-a duhdan ang chuan Sabbath ni chu Inrinni zing 6:am atang inrinni tlai 6 : pm Thlenga serh ve turin White-i te nupa chuan phur vaklo chung thutlukna an siam ta ani..

Juda danah chuan zirtawp ni tlai 6:pm atang Inrinni tlai 6:pm thlenga Sabbath ni ah chhiar tur ani....

Chutia an nupa ngeia Bates-a Sabbath thurin an pawm ve tak hnu lawkah chuan White-i chuan Bates-a tih lungawina leh Bates-a ngaihdan tih diknan inlarna a hmu ta thruai mai a.

Hetiang hian alo hmu ani..

Upa Bates-a chu Inrinni ah alo chawl thin a,chawlhkar ni Sarih ni chu.

Chu chu Sabbath diktak ani tih min hrilh a.A pawimawh a vak pawh ka lo hrelova,

Thupek sawm zinga palina chu adang pakuate aia a ngaipawimawh bik chu a tihsual niin ka ngai a,,

Mahse Lalpa chuan vanah biakbuk chu min han thlirtir a,

Vana Pathian temple chu alo in hawng a,tah chuan Pathian Thuthlunna bawm zahngaihna thuthlengin a hliahkhuh chu min entir a,

Angel pahnih chu a sir tawn veveah an ding a,an thla chuan zahngaihna thuthleng chu an khuh a ,an hmai chuan chu lam chu a hawi a

Min hruaitu Angel chuan hei hi van mipui te zawng zawng aiawhin pathian dan,pathian kutzung ngeia a ziah chu,an zahzia entirna ani tihin min hrilh a,Isua chuan Thuthlunna bawm chhin chu a hawng a,a chhungah lunga inziak .Thupek Sawmte chu ka hmu a,

Thupek palina chu Thupek Sawm zinga a lai takah lo awmin ,engno tak hian alo chhun kual raih mai ka hmu chu mak ka ti ngei mai  tihin a sawi ani. 

Mi lehkhabute chhiar atanga an hmuhchhuah chu kan pi Vari hian sum leh pai lamah an harsatna sutkian anih theihnan a inlarna chu alo hmang tangkai ve mai ani tih a hriat hle a,,

SABBATH lo tuipuitu hmasa zawk chu Joseph Bates-a ani ..

Bates- a kha Seventh Day Adventist kohhran ah Sabbath pu lut tu anih avangin Apostle of Sabbath an ti ta nghe nghe ani