oness doctrine bihchianna

ONENESS DOCTRINE BIHCHIANNA

Pa leh Fapa hi minung pakhat Isua nihna ve ve a ni em? 

An hrilhfiah dan chu - nang pawh i pa tan fapa i ni a. I fate tan pa i ni. Pa leh fapa nih i fawm. Chutiang bawkin Isua pawhin Pa leh Fapa nih a fawm, tiin an sawi ṭhin.He tiang zirtirna (doctrine) hi a biblical lo hle.  

1. Ka pa tan fapa ka ni a, ka fate tan pa ka ni. Fapa leh pa nih ka fawm. A dik, keiin "Ka pa" tia ka koh ṭhin hi pa ka nihna kha a ni ngai lo a. Minung hran ka pa zawk kha a ni. "Hei hi ka fapa a ni" tia mite hriata ka introduced hian fapa ka nihna sawi ka ni lo a. Minung hran ka fapa ka introduced zawk a ni. Pa leh fapa nih fawm mah ila, "ka pa" emaw "ka fapa" emaw ka sawi reng reng hian keimaha awm nihna ka sawina a ni ngai lo. Keimah ni lo minung dang ka sawi zel a ni zawk. Mah leh mah ka insawina a nih loh zia ka inhre chiang hle bawk. 

Chutiang bawkin Lal Isuan, "Ka Pa" a tih hian Pa a nihna a ko/au lo a. Minung hran a Pa kha a au a ni zawk. Pathianin "Hei hi ka Fapa duhtak a ni," a tih chuan Fapa a nihna a sawi lo a. A Fapa chungchang a sawi a ni zawk.

2. Pa leh fapa nih ka fawm. Mahse, pa ka nihna leh fapa ka nihna an inbe ngai lo a. Pa ka nihna in fapa ka nihna a hmangaih emaw a hua emaw thei bawk hek lo. Inbiak (communication) te, inhmangaih tawn te hi minung leh minung inkarah (person to person) chauh a thleng ṭhin. Nihna leh nihna inbia kan hre ngai lo. Nihna pakhatin nihna dang pakhat a hmangaih thu kan hre ngai lo. 

Fapa Isua in Pa Pathian a biak hian nihna leh nihna (title and title) inbia an ni lo. Minung leh minung (person and person) inbia an ni zawk. Pain Fapa a hmangaih a tih pawh hi nihna inhmangaih thu ni loin minung leh minung inhmangaih thu sawina a ni zawk. 

In interpretation reng rengah "tihna a nih khi"  tihte "Pa hrang tak tak a nei turah ngaih chi a ni lo" in tih hian Bible in ring zo tak tak lo tih a lang reng. In rindan mil turin in hrilhfiah chawp tih a hriat bawk. Isuan ka Pa a tih chuan lem chang a ni lo. Dawt phuahchawp a sawi a ninlo. A Pa tak tak a ni. Bible khawiah mah hian Pathian chu Fapaah a rawn chang tih zawnga ziak in hmu lo ang. Pathian Fapa mihring a chan thu chauh i hmu ang. Pathian Fapa khawvelah a lo kal thu te, Pathianin a Fapa khawvel tan a pek thu te.... kan hmu.