Pastor Pl Biakchhawna Bible thudik zawk hmanga ka chhanna. (Part 5)
By. James Puia.
** Sabbath chung chang **
Sinaitlang a thuthlung kha Israel te tan chauh a ni . Deut 29:2.
Tun țumah pawh Pastor Pl Biakchhawnan thu dik ang ve deuhdeuh dik chiah si lo te hmanga Bible hrula a thu chhut dan dik hlel tak mite a zirtirna, chhanletna ka rawn nei leh dawn a ni. Zau taka a mah Pu Biaka ngei pawhin a inhawnna ropui a sawi tawh ang khan.
Deut 29:14 he lai thu hi, tar chhuak in, Israel mite tan chauh sawina bik a ni lo, anhnena awm ve lo te tan pawh a thlung a ni ti zawngin, hnam dang mi tanpawh a ni tih ni awm takin a sawi a ni. Deut 29:2, Deut 29:2 Tichuan Mosian Israel mi zawngzawng a ko va, an hnenah, .....tih lai te hi a chhiarkan vangin a belna tur dik lo taka va bel tum mai a lo ni tih hi a lang chiang a ni. Chang 14 thu sawifiahna chu chang2 na hi a ni.
Heilai chang 14 thua he chhechham leh thuthlung thu hi in hnenah chauh thlung ka ni lo va..... he lai tak hi Pu Biaka hian, hei in hnenah ah chauh thlung ka ni lova, a ti a lawm, tiin khawvel mi zawngzawng te hnena thlung ni awm taka hmehbel a tum ni vawm tak in a lang a ni.
Sinaitlanga thu anthlun lai hian Sinaitlang bulah Aigupta mi emaw, hnamdang mi rengreng an(an awmpui an bawite tiam lovin) an rawn punkhawm ve thu lam rengreng hi record a awm lo a ni. Bible erawh chuan ti hian a ti Exod 31:16-17 Pathian leh Israel inkara kumkhaw thuthlung a ni.
Engvang in nge Israel te SABBATHNÎ serh tur thupek a pek ni?
Chhanna:
Deut 5:15 Nang pawh Aigupta ramah khan bawih i ni tawh a, LALPA i Pathianin chuta ta chu kut chak tak leh ban phara a hruai chhuah che i ni tih hre reng rawh; CHUVÂNG CHUAN A NI, LALPA I PATHIANIN SABBATHNÎ SERH TÛR THU A PEK CHE NI.
Hman hun apiangin kan rawn chhangthla zel dawn a ni, chhiartu zawngzawng Lalpan thudik hriatfiah thiamtheihna pe mawlh che u rawh se..... chhiarchhuak loin comment ve loh hram tur.
Comments
Post a Comment