Pastor PL Biakchhawna, Bible zirtirna dikzawk nena ka chhanna. (Part 6)
By. James Puia
** Sabbath chung chang **
Sabbath hi Israel ten kumkhuaa an serh tur a tan a pek a ni.
Bible chuan sabbath hi Israel te tan ankumkhaw thuthlung a tan Pathian in a pek a ni, tih thu hi a lo ziak chiang hle. Pastor PL Biakchhawna chuan Bible ah chu tiang a awm lo tiin video ah hian Mosia a hnial a ni ber mai. Bible chuan sabbath hi Israel te tan pek a nih thu, anthlah te thlenga kumkhuaa thuthlung a nih tur thu chenin Pathian hian Mosia hnenah a lo puangchhuak a ni. Tih hi Bible ah a awmchian zia a hnuaiah hian ringhlel in awm chuan in lo hmuhtheih turin ka han dah chhuak a ni.
Pathian in sabbath serh tura Israelte Thupek a Pek chhan chu...
Deut 5:3,15 .. Nang pawh Aigupta ramah khan bawih i ni tawh a,( nangpawh tih hi Israel te sawina a ni) LALPA i Pathianin chuta ta chu kut chak tak leh bân phara a hruai chhuah che i ni tih hre reng rawh; chuvang chuan a ni, LALPA i Pathianin sabbath ni serh tur thu a pek che ni.
Exod 31:12 Tin, LALPAN Mosia hnenah, Israel thlahte hnenah chuan, ka sabbathte hi in serh ngei ngei tur a ni; in thlahte thlenga keimah leh nangmahni inkara chhinchhiahna a ni si a,
Exod 31:16 chu tichuan Israela thlahte hian sabbathni chu an thlahte thlenga kumkhuaa thuthlun nan chu sabbath chu an serh tur a ni.
Exod 31:17 Keimah leh Israela thlahte inkarah hian kumkhuaa thuthlun chhinchhiahna a ni:
Tam tak a awm, duh tawk phawt teh ang, Pathian hian khawvel leh a chhunga thilawm tin reng a siamzawh hnuah khan a nisarihna ni ah chuan a thilsiam zawngzawng a chawlhsan vek a, a serh a , ati thianghlim a ni, tih hi ringtu zawngzawngte hian kan hretlang vekin ka ring.
Tun a kan sawi ho nalai tak hi chu sabbath serh thu pek hi a ni a, engtik a țangkhan nge sabbath serhtur thu a pek? tute hnenah nge? tih hi a ni a. Pastor Pl Biakchhawna hian dik lo taka mi thusawi lakkawih a thu dik ni rengpawh dawt anga sawi a thiamzia chu a video entu chuan kei aimahin in hrechiang hle ang.
Genesis 2:1-2 sabbath thu kan hmuhhmasak berna....he ti lai hian Israel hnam anla awm lo, mihring hmasa ber Adama le Evi chiah an la awm a ni. An hnenah hian sabbath serh thu pek hi pek annih ve thu Bible hian tlarkhat te mah a lo record lo a ni.
7day pastor te hian a bikin Pu Chhawna phei hi chuan sabbath serh thupuizia a ha bal leklek a a sawinaah sabbath serh avang in chatuan nunna chan theih hial ang in a sawi a, chu tianga sabbath serh pui thu chu Adama ten, Setha ten, Noa ten, Abrahama ten Isaak, Jacob, Joseph ten lo serh chu nise (ama zeldin anga zeldin vena mai aw) Genesis ziaktu Mosian a ziak hmaih miahin a rin awm lo.
In tu lo deuh mai pakhat Pu Biakanan hmehbel a tum chu Marka ziak a Isua thusawi .. Mark 2:27.Sabbath hi mihring tana siam a ni a, mihring hi sabbath tan siam a ni lo , tih lai hi a ni. Hei hi sabbath chungchang a rui😁 chu tiang zawttu te zawhna Isuan a chhanletna kha ni a. Sabbath hi mihring te tan a siam a ni, tia a sawi kha a zawttute a chhanna mai a ni, Adama te nena va hmehbel chiam tur a ni lo, a zawttu Israelte a chhanna mai a ni, tih kan hrethiam tur a ni, Mihring erawh sabbbatb tan siam a ni lo. Tiin fiah takin a sawi leh mai a ni. Chu tah lo intihrau bik vak a boruak lo siam vaktur engmah a awmhranpa lo.
Mosian Israel te hnenah nangmahni leh in thlahte hnenah kumkhaw thuthlung a pe a ni a tih hi Marka 2:27 ziak a Isua sawinen hian a context han bih chian hian a lo in rem thlap zawk a ni. Chu vangin sabbath serh thupek hi Israel te hnenah chauh ankumkhaw thuthlung atan pek a nih thu kan hmuh ang hian,Jocoba Israel thlahte zing a piang ve ni si loin Israel te sabbath hi ka tan pawh a ni, lo tih hi thil kawngkal dik tak a ni thei lo, Entir nan I țengawmpa nupui kha i țhenawmpa tana siam or pek a ni a, ka ta ve duh lo tih țalh tum ang a ni. Thil hlauhawm tak a ni zawk....
Chhiartu zawngzawng thudik zawk inhriat thiam theuh theih nan Lalpan Malsawm cheu rawhse..a țul ang ang in, hman hunah ka rawn chhunzawm zel ang.
Chhiarchhuak hmasa loin comment loh hram a țha.
Comments
Post a Comment