Pastor Pl Biakchhawna ka chhanna , chhunzawm (Part 9)
By. Jamse Puia
** Sabbath chung chang**
Sabbath serh thupek hi mi zawngzawng tan nihtir tuma a sawina lamah Isaia 56:6-7 thuziak te, dik lo tak a sawi in apawtfan ni in alang, he mi thu bik chhanthlakna a ni leh dawn a ni.
Isaia 56:ah hian chang 6-7 thu chauh hi thu inziak a ni lo va. Isaia 56: 1-12 , ah hian chang 1 a țang in chang 12 thleng a awm a ni.
Pu Biakan chu tiang a sawi lovang tia ringhlel tu alam țangten a sawingei a ni, tih inlo finfiah theihnan a hnuaiah hian asawina video te dah zel a ni.
Amah Pu Buaka chauh lo pawn, 7th Day te hian Isaia 56:7 thu hi, Van rama mi zawngzawng sabbath serha an awm dan tur sawinan in hmang lar țhin in, insawi lar nasa țhin hle mai a,
Isua Theology bikah chuan, Isua khan Isaia 56:7 tihziak hi la chhuakin, amah Isua hunah ngei pawh khan Israel ten an Temple anlo tihbawrhban zia te demnan, ti hian a zilh, Matthaia 21:13 ka in chu țawngțaina in an ti ang, tih ziak a ni, nangni erawh chuan; suamhmangte pukah in siam zawk țhin a ni, a ti a.( Mark 11:17; Luke 19:46),
Jerusalem Țempal Israel ten antih bawrhban zia sawinan Isuan Isaia 56:6-7 ziak hi a hmang a ni tih chu , tihziak ah ngei kan hmu chu a nih hi, chu vangin Isaia 56:6-7 thu hi Vanram a sabbath serhtur thu sawina a ni hauh lova, he chanchin Isaia leh Isua inkar Thuthlung hlui huna thilthleng tawh daih kha a ni.
Isaia 56:7 he hmunah hian, thilhlan leh halral a inthawite a awm dawn tiin Isaia hian a ziak, he hmun hi Pu Biakchhawna te Vanram tur taktak a nih chuan a buai hle ang, halral a inthawi a awm dawn avang hian, leh thil kal liamtawh , Isua he khawvela a lo kal hma a mi a nihtawh a vang khan.
Mizoram pawh India rama awm a nih avang hian Indiaram chhung inkaih hruaina dan pui zawm anbat a ni. Myanmar a mizo awm ve ten mizo chu nive ngei mahseng india dan zuzawm ve kher an ba lo. Chu tiang deuh chuan, Isaia 56:1-7 He lai thuin asawi zawka chu Israel zinga khawsa Israel rama cheng, ramdang(hnamdang) mi tamtak anawm a ni tih hi kan hre hmasa tur a ni. Deut 5:14-15
Chung ramdang mite chuan (Leviticus 24:22; Numbers 9:14) Israel rama awm annih avangin Israel ram inawpna dan hnuaia awm ve anduh a , an tih ang serhlehsang lampawh ti teh ang, engkim țawmpui an duh chuan Israel te tih dan a piang, an țawmpui ve theih dan tur sawina a ni zawk. Deut 5:14-15.Israel ramchhunga awm ramdang, hnamdang mite leh Israel te hian dan thu hmun , dan angkhat an neitur a ni , tih hi Lalpa thupek a ni.
Israel ten inthawina an hlan țhin angin, Israel inawpna hnuaia an tlukluh ve phawt chuan Ramdang mite pawn inthawina an hlan ve thei ang a, rammi nihna neitu an ni ve thei dawna Pathianin Israel te ang thoin an halral inthawi thilhlan engkim kha a pawm ve dawn tihna a ni. (Thuthlunghlui hun laia , inthawi hun chanchin a ni.)
Thu belh: India ramah mizo mifing hnamhmangaih te chuan Chief minister an ni ve thei ta ang hian, Israel mi ni thei te chuan Israel ram minister hna pawh anthawk ve thei dawn tih te in sawi ta ila a chiang leh zual awm mang e.😁
Chu vangin Pathian fapa Isua he khawvela Thuthlung thar thlungtu a a lo lan tawh avangin hnam vokbik Israel mi, nihna emaw, sabbath serh leh serh loh emaw in, Gentail mi nihvang emaw in awmzia a nei tawh lo. Mark 13:37; Rom 15:10-11; 10:12; 3:29-30. Khawvel mi TUPAWH Johana 3:16,36 Fapa Isua ringtu apiang Pathian fa chatuan nunna chang thei vek kan lo ni ta a ni.
Chhiartu zawngzawng Lalpan thudik hriatfiah thiamna pe mawlh che u rawhse....
Chhiarchhuak lo te chuan comment loh hram a țha ang...... ka rawn chhunzawm leh thuai ang....
Comments
Post a Comment