Pastor Pl Biakchhawna ka chhanna chhunzawm (Part 10)
By. James Puia
**Sabbath chungchang**
Vawiinah chuan Pathian thu Bible tihziak, dik lo taka Bible ziak ang lo taka asawina a dikzawk hailanna, kawhhmuhna a ni ve thung ang. Number 9:14.
Pastor Pl Biakchhawna hian Israelte leh ramdang te tan dan hran awm lo ang in a sawi a, Pathian in Israel te leh ram dang te tan hian dan hran a siam loh thu video ah ngei hian a sawi ta pup pup mai.
Aw le, tunah hian Pu. Biakchhawna te ram hian Israel te dan hmanghian em ni an inkaih hruai le? Hei hi a rawnsawi leh hunah rawn chhangfiah ve deuhse a va țha dawn em! Chu tiang hmehbel a tumna, a Bible chang lakchhuah hi han en ve ang u hmiang. Number 9:14 a ni a.
Number 9:14.....Tin, hnam dang mi in hnena awmin LALPA tana kalhlen kuta tel ve an duh chuan kalhlen kuta tih tur ruat leh a dan angin an ti tur a ni, he rama mi reng reng leh hnam dang mite tan dan angkhat in nei tur a ni, tiin sawi rawh, tiin.
TIN, HNAM DANG MI INHNEN A AWM IN Number 9:14
Bible chuan ti hian a ziak a, he lai changa a context hi hmu ve reng si a, he tiang a dik lo taka a han sawi thei ta hi a mak deuh a ni. Ram dang nen a va hmehbel leh ta zaihzaih mai hi 😁 in hrethiam em le?
Bible chuan he lai a sawifiahna lai hi HNAM DANG tiin Israel te hnena awm hnam dang te sawi nan a hmang.... Pu Biakchhawn erawh in a ziak pel in Ram dang mi tia puh in Ramdang mi daih va bela chu tiang a sawi nan a hmang thung. Bible hian Ram dang mi a ti lo va, an hnena awm Hnam dang mi a ti chauh zawk a ni. Number 9:14
Deut 4:5 Ngai teh u, in va luah tur ramah pawh in zawm zel turin LALPA ka Pathian thu min pek ang takin dânte leh rorêlte chu ka zirtir che u a.
Deut 4:14 Tin, chu mi lai chuan luah tura in va kaina rama in zawm turin dânte leh rorelte zirtir turin LALPAN thu mi pe a.
Deut 4:40 Kumkhua atana LALPA in Pathianin a pêk che u ramah chuan nangmahni leh in thlahte tana țha tur leh in chên rei theih nân a dânte leh a thupêkte, tûna ka pêk che u hi in zawm tur a ni.( Ex 21:1---)
Pu Biakchhawnan ram dang mi tanpawh heng Israel te hnena dânte a pek te hi, Ram dang mite tan pawh a pe ti zawng a lo phuahzau chawp mai a nih thu hi heng Bible te hian an chhangfiah hle mai. Heng Israel te hnena Pathian in a puanchhuah sak dânte hi, an va awmna tur (an va luah tur) ram Kanaan a an in kaih hruaina tur dan mai a ni.
Chu vangin OT huna Israel te hnena Pathian in dâte , rorêl dânte a pek te kha Kanaan rama an va thlen huna, an va chen huna an ram inawpna dan a tan anhman tur a ni. Chu tiang tana a Pathian in a ruahmansak a ni tih hi kan hrethiam tur a ni, Israel te kha Kanaan ram an luhhnua a taka heng dan te anva hman taktak chinah pawh khan kawvel a RAM DANG te hian Israel te dan anga an inkaih hruai ve thu hi eng historical ah mah a awm lo, Israel te, Number 9:14 thu hi Israelte hnena awm or cheng hnamte chanchin a ni.
Mahni ramah mi ram dan an zawm ve uaruar ngai lo, Isreal rama pemlut a piangte chuan Japan an ni emaw, Koria an ni emaw, Indian, Myanmar, Englang anni emaw, Israel ram dan hi anzawm ve mai tur a ni.
Chu an valuah tur ramah chuan hnam dang mi te leh Israel te hian dan dang dang (dan hran) an nei tur a ni lo, Israelte hnena awm hnam dang mite pawn Israel in kaih hruaina dan tho kha an zawm ve tur ni... tih, Isua lo lan hmaa, Thuthlung hlui hun chanchin liam tawh a kha a ni e.
Ka rawn chhunzawm zel ang. Pastor Pl Biakchhawnan Thudik hrula a bumbo zel loh nan che u, mi tam tak te chhanchhuah in nih ngei Lalpa ah chuan ka beisei hle a, ka țawngțaina bik pawh a ni.
Chhhiarchhuak lo chuan mihring taka in beihna hawizawng a lo comment loh a țha.
Comments
Post a Comment