ka thiltawn mak (part1)

Ka hming hi Cherpuithanga, Saikhum Leilet khua ka ni.

Kan khua hi India le Myanmar inramri na țiau kam Myanmar lam Myanmar ram Chin state Saikhum Leilet khua a ni.

Ka naupan lai pawlthum ka kai lai bawrvel hian kan țhenawm kan chhungkhat hnai te ka pate fanu kum thum vel mi (a kumzah chiah hi ka hrechiang tawh lo) a dam lo va kan khua ah hian damdawi in a awm ve si lova khawdang damdawi in awmna Tui Bual damdawi in pan pui niin chu tah dah luh a ni, chawlhkar khat vel damdawi in a anawm hnu in dam takin kan khua ah an lo hawng leh thei ta, a lawm awm hle. 

Zan khat chu chu kan nau dam lo dam taka an lo hawpui hnu chu ta țanga a ni thumna zan ah hian , zanlai dar khat le darhnih inkar bawr vel ah ka muhil hi ka zunchhuak in min ti harh ta hlawl mai a, zun ram thiar tura ka han tho chhuak ta chu kan khum mawng lamah hian mihring ang hmuh ka nei ta thut mai a a tirah chuan ka nau ka chhangchhiah emaw ah hian ka ngai ta mai a, ka nau hming chuan ring vak lo hian kan ko va min chhang ta miah lo mai, a thawm hnawhak ka han enchian chuan mipa ni lovin hmeichhia naupang ngei ka pate a fanu ngei ni hian ka hria a, a hmai ka han enchiang a ahmel erawh ka hmu thei lo, chu tia ka koha min eih si lo ah chuan ko pah chung hian a mal chu ka han hai phei ta a tisa reng reng ka khawifuh ta lo, chu tah zet chuan thla a ni tih chu hrilhfiah ngai tawh lovin ka hrechiang kher mai a, mutna lam ah let nghalin rizai nen ka in lukhup ta a. A kal bo tawh em tih hriat tumin rizai tlem hawngin khum mawnglam chu ka bih thla a kan khum mawnglam a țang chuan kan ke lam ah chuan a kal phei zel a ka lamah a rawn chho a (a sirbera mu ka ni) ka bul ah a rawn ding ta, ka lu ka khup țha sauh a ka hlau kher mai.

Ka u hi harhchhuah tir tum in ka sik ka sik ta mai a, ka u lah chu a mutui em em mai a a harhchhuak zo ta rengreng lo mai, ka tih ngaihna hre lo hian ka u chu tih kan a a hnuai a țanga luh phei ka tum lah in ka u lah ka chawi kang zo si lo va, ka pa emaw ka nu erawm ka unau dang te hi rawn harhchhuak awm se aw ka ti a, duh thu ka sam na sa mai, a mak ka tih emem chu ka au chhuak ngam ta der lo mai kha a ni. Han auchhuak ngam ila chuan an harh chhuak vek ngei ang chu. A tawp atawp ah chuan chu tia rei fahran hlau emem a ka awm lai chuan Ka pa hi a rawn khuh chhuak thut a ka va lawm tak em, ka ko vat a kapa ka bul a ding hi tunge? chiteng (toslight) khan rawn chhun rawh ka ti a, ka pa chuan a rawn chhun a a zawnga engmah a awm lo a tia,

Thil awm dan ka hmuh dan engkim ka hrilh vek a, ka nu le ka pa chuan min thlamuan a, chu tiang lai hunah chuan kan khua ah hian kawlphetha (electric) a awm lo, khawnvartui bati eng hi kan hmang țhin, khaw var thlengin ka pa min chit en sak a.

A tawp na atan chu ta țanga chawlhkar khatna velah hian kapa te fanu chu dam lo leh thut in a bo ral ta nghal zui a ni. ka hlau rei kher mai a, Thla ruk dawn dawn chu hlau tak ka ni. Chu ta ka hlauhna a reh ni a țanga tun thleng ah hian kha zan ang ema ka hlauh zan thim kha tawnhriat tam tak han nei leh thrin mah ila kha tiang emem a hlauhna kha ka nei leh tawh lo, zanah hian ngawdur le luidung ram hla tak tak ka hriat ngai loh ram thlenga ka kal hi a tam mai, rem chan hunah ka la sawi zel ang.