Pathian Fapa Isua

Tirhkohte 3:13, 15 (MGB)  Abrahama te, Isaaka te, Jakoba te Pathian, min thlahtute Pathian chuan a Chhiahhlawh Isua a chawimawi ta a nih hi; ani chu in mantir a, Pilatan chhuah a tum pawhin a hmaah in lo duh loh kha. 

Nunna Siamtu chu in that a; nimahsela Pathianin ani chu mitthi zing ata a kai tho leh a; chu chu a hretute kan ni e. 

Luka 10:21-22 (MGB)  Tin, chu mi lai tak chuan Isua chu Thlarau Thianghlimah a lawm em em a, "Aw ka Pa, lei leh van Lalpa, nangin mi fing leh mi bengvarte hnenah heng thu hi i zep a, nausente hnena i puan avang hian ka fak a che; a ni, ka Pa, chutiang tih chu i ngaihin a tha a ni. 

Ka Pain engkim mi kawltir tawh, Fapa chu tunge a nih, Pa lo chuan tuman an hre lo; Pa pawh chu tunge a nih, Fapa leh an hnena Fapain a puan duhnate chauh lo chuan tuman an hre lo," a ti a.

Thupuan 3:5 (MGB)  A hnehtu apiang chutiangin puan varte sintir an ni ang; tin, Nunna Bu ata an hming chu ka thai bo tawp lo vang a, ka Pa hmaah leh a vantirhkohte hmaah chuan an hming ka tan zawk ang. 

I Johana 2:22-23 (MGB)  sua chu Krista a ni tih awih lotu aliama dawthei tunge awm? Krista dodaltu chu Pa leh Fapa awih lotu hi a ni. 

Tupawh Fapa awih lo chuan Pa pawh a pawm chuang lo; Fapa awihtu erawh chuan Pa pawh a pawm a ni.

I Johana 4:15-16 (MGB)  Tupawh, “Isua Pathian Fapa a ni,” tia tan apiang chu, amahah chuan Pathian a awm reng a, ani pawh chu Pathianah a awm reng bawk a ni. 

Matthaia 10:32-33 (MGB)  Chutichuan, mite hmaa mi tan apiang, ka Pa vana mi hmaah ka tan ve ang.

Nimahsela, tupawh mite hmaa mi phat apiang, ka Pa vana mi hmaah ka phat ve ang.

II Korinth 13:14 (MGB)  Lalpa Isua Krista khawngaihna te, Pathian hmangaihna te, Thlarau Thianghlim pawlna te chu in zaa hnenah awm rawh se.

I Timothea 1:2 (MGB)  Rinnaa ka fa tak tak Timothea hnenah: Pathian kan Pa leh, Krista Isua kan Lalpa hnen ata, khawngaihna te, zahngaihna te, remna te lo awm rawh se.

Ephesi 5:5, 20 (MGB)  Inngaih hmang leh mi bawlhhlawh leh mi duham reng reng chuan (mi duham chu milem betu a ni a) Krista leh Pathian ramah chuan chan reng an nei lo a ni tih in hre hle si a.

Kan Lalpa Isua Krista hmingin, Pathian, Pa ngei hnenah chuan engkim chungah lawmthu hril fo rawh u. 

Ramhuai maimai te pawn Isua hi tu fapa nge a nih an hre lutuk tlat. Marka 5:6-7 (MGB)  Tin, hla tak atangin Isua chu a hmuh veleh a tlan a, chibai a va buk a;

tin, aw ring taka auvin, "Isu, Pathian chungnungbera Fapa, kei leh nang engnge kan inzawlna awm? Mi nghaisa lul lo turin Pathian hmingin ka ngen chiam a che," a ti a. 

Matthaia 16:13-16 (MGB)  Tin, Isua chu Philipa Kaisari bial chu a lo thlen chuan a zirtirte hnenah "Miten Mihring Fapa hi tunge a ni an tih?" tiin a zawt a. 

Tin, anni chuan, "Thenkhatin, ‘Baptistu Johana a ni,’ an ti a; thenkhatin, ‘Elija a ni,’ an ti; thenkhatin, ‘Jeremia emaw zawlnei tua emaw a ni,’ an ti," an ti a. 

Matthaia 16:15-17 (MGB)  Ani chuan an hnenah, "A nih leh, nangnin tunge a ni mi tih?" a ti a. 

Tin, Simon Peteran, "Krista, Pathian nung Fapa chu i ni," a ti a, a chhang a. 

Tin, Isuan a hnenah, "Simon Bar-Jona, i eng a thawl e; tisa leh thisen in a hriattir che a ni si lo va, ka pa vana miin a hriattir zawk che a ni. 

Kolassa 1:15 (MGB)  Ani chu hmuh theih loh Pathian anpui, thil siam zawng zawnga piang hmasa ber chu a ni a; 

Johana 19:7 (MGB)  Judate chuan a hnenah, “Kan dan kawng khat a awm, chu mi dan ang zelin Pathian Fapaa a insiam avangin a thi tur a ni,” an ti a, an chhang a. 

Johana 5:24 (MGB) “Tih tak meuhvin, tih tak meuhvin ka hrilh a che u, tupawh ka thu hriaa mi tirtu ring chuan, chatuana nunna a nei tawh, thiam lohvin a awm lo va, thihna ata a chhuak a, nunnaah a lut ta zawk a ni.

(John 5:26)

Pain mahnia nun a nei ang bawkin fapa pawh mahnia nun neiin a siam.

(John 6:57)8

Pa nung chuan min tira, Pa zara nung ka ni.

John 17:4-5

Nangin tih tur mi pek kha ka ti zo a, khawvelah ka chawimawi tawh a che.

Aw ka pa, khawvel awm hmaa i hnena mawina ka neih khan, tunah nangma hnen ngeiah mi chawimawi rawh.

(1John 4:14)

Pain fapa chu khawvel chhandamtua awm turin a rawn tir tih kan hmu tawh a, kan hriattir a ni.

II Petera 1:16-18, 20 (MGB) Kan Lalpa Isua Krista thiltihtheihzia leh a lo kal lehna thu chu ka hriattir lai che u khan, thawnthu fing taka ngaihtuah chhuah maite zawm kan ni lo va, a ropuina hmutute kan ni zawk asin. 

Ani chuan Pa Pathian hnen ata chawimawina leh ropuina a hmu a, chu mi lai chuan ropuina nasa tak atang chuan hetiang aw hi a hnenah a lo thleng a: “Hei hi ka Fapa duh tak, ka lawm em ema chu a ni,” tiin. 

Tin, tlang thianghlimah chuan a hnena kan awm lai khan chu aw chu van atangin a lo chhuak keimahni ngeiin kan hria a ni.

Pathian Lehkhaa thu hril lawk reng reng hi mahniin hrilhfiah tur a ni lo tih hre hmasa phawt ula. 

Matthaia 17:1-7 (MGB)  Tin, ni ruk achinah chuan Isuan Petera te, Jakoba te, a unau Johana te a hruai a, ahrangin tlang sang takah a kal chhohpui a; 

an hmaah chuan ahmel awmzia chu a lo danglam ta a; a hmai ni angin a lo eng a, a silhfente chu eng angin a lo var ta a. 

Tin, ngai teh, Mosia leh Elija chu amah nen inbiain an hnenah an inlar a. 

Tin, Peteran Isua a bia a, "Lalpa, kan tan heta awm hi a tha; i duh chuan hetah hian bawkte pathum ka khawh ang; i tan pakhat, Mosia tan pakhat, Elija tan pakhat," a ti a.

A la sawi lai mekin, ngai teh, chhum var takin anmahni a rawn hliah ta a; tin, ngai teh, chhum atang chuan awin, "Hei hi ka Fapa duh tak, ka lawm em ema chu a ni; ama thu ngai rawh u," a ti a. 

Tin, zirtirte chuan chu chu an hriatin an tlu bawkkhup a, an hlau ta em em a. 

Tin, Isuan anni chu a rawn dek a, "Tho ula, hlau suh u," a ti a. 

Philipi 2:5-11 (MGB) He rilru, Krista Isua pawha awm bawk kha, nangmahniah awm rawh se; 

ani zawngin Pathian anga awma Pathian tluka awm chu thil thlakhlelh hleih theihah a ruat lo va, 

mihringte anga lo piangin, bawih angah a insiam a, amah leh amah a intitlawm ta zawk a. 

Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu. 

Chu mi avang chuan Isua hmingin mi tin – vana mite, leia mite, lei hnuaia mite nen –

an thingthit nan leh Pa Pathian tihropuina turin, “Isua Krista chu Lal a ni,” tiin lei tinrengin a puan nan,

Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a.

I Johana 5:8, 10-12 (MGB) Hriattirtu chu pathum an awm, Thlarau leh tui leh thisente chu; chung pathum chu an inthurual a ni. 

Pathian Fapa ringtu chuan mahniah hriatna a nei a ni, Pathian ring lo tu chuan amah chu dawtheiah a siam a ni, Pathianin a Fapa chanchin a hriattir a rin loh avangin. 

Hriattirna chu hei hi a ni, Pathianin chatuana nunna min pe a, chu mi nunna chu a Fapaah a awm a ni. 

Fapa chu neitu chuan nunna chu a nei; Pathian Fapa nei lotu chuan nunna chu a nei lo.

Hebrai 4:14 (MGB)  Tichuan, vanahte kal tlang tawh Puithiam Lalber ropui tak, Isua, Pathian Fapa chu kan neih avangin kan thurin hi i pawm tlat ang u.

1 KORINTH 8:6 MIZOVBSI

keini tân erawh chuan Pathian pakhat chauh (Pa chu) a awm a, ama hnên aṭangin engkim a chhuak a, keini pawh ama tâna awm kan ni; Lalpa pakhat chauh (Isua Krista chu) a awm bawk a, amah avângin engkim a awm a, keini pawh amah avâng bawka awm kan ni.

King James Version

9:20 He said unto them, But whom say ye that I am? Peter answering said, The Christ of God.

American Standard Version

9:20 And he said unto them, But who say ye that I am? And Peter answering said, The Christ of God.

Bible in Basic English

9:20 And he said, But who do you say that I am? And Peter, answering, said, The Christ of God.

Darby's English Translation

9:20 And he said to them, But ye, who do ye say that I am? And Peter answering said, The Christ of God.

Douay Rheims

9:20 And he said to them: But whom do you say that I am? Simon Peter answering, said: The Christ of God.

Noah Webster Bible

9:20 He said to them, But who say ye that I am? Peter answering, said, Christ of God.

Weymouth New Testament

9:20 'But you,' He asked, 'who do you say that I am?' 'God's Anointed One,' replied Peter.

World English Bible

9:20 He said to them, 'But who do you say that I am?' Peter answered, 'The Christ of God.'

Young's Literal Translation

9:20 and he said to them, 'And ye -- who do ye say me to be?' and Peter answering said, 'The Christ of God.'