Beram No lehkhabu phelhtu Isua

Thupuan 5:1-2, 7-8 (MGB)  Tin, lalthutphaha thua kut ding lamah chuan lehkhabu, chhung lam leh pawn lama ziak, chhinchiahna pasariha chhinchhiah tlat ka hmu a. 

Tin, vantirhkoh chak tak, aw ring taka, “Tunge lehkhabu hi hawnga a chhinchhiahnate hi phelh tlak awm?” tia, tlangauvin ka hmu bawk a. 

Tin, ani chu a lo kal a, lehkhabu lalthutphaha thua kut ding lam ata chu a la ta a.

Tin, lehkhabu chu a lak veleh Thilnung pali leh upa sawmhnih leh palite chu, tingtang leh rangkachak berhbu rimtuia khat keng theuhvin Beram No hmaah chuan an bawkkhup ta hlawm a; chung rimtuite chu mi thianghlimte tawngtaina a ni.

Thupuan 14:4 (MGB) Chung chu hmeichhe laka intibawlhhlawh lote chu an ni; nula thianghlim ang an ni si a. Chung chu Beram No a kalna apianga zuitute chu an ni. Chung chu Pathian tan leh Beram No tan rah hmasa ber ni turin mihring zing ata tlan an ni. 

Thupuan 12:11 (MGB) Nimahsela, Beram No thisen avang leh an hriattirna thu avangin ani chu an hneh a ni, thih ngam khawpin an nunna an ngainep bawk a.

Thupuan 5:7, 9, 13 (MGB)  Tin, ani chu a lo kal a, lehkhabu lalthutphaha thua kut ding lam ata chu a la ta a.

Tin, “Nang, lehkhabu chu laa, A chhinchhiahnate phelh tlak i ni e; Talhin i awm tawh a, Chi tina mi te, tawng tina mi te, Mi tina mi te, hnam tina mi te, Pathian tan i thisenin i lei a,

Tin, van leh lei chung leh lei hnuai leh tuifinriat chunga thil siam tinreng awmte leh, chungho chhunga awm zawng zawngten, “Lalthutphaha thua leh, Beram No hnenah chuan, Malsawmna te, chawimawina te, Ropuina te, rorelna te, Chatuanin awm rawh se,” an tih ka hre bawk a. 

Rom 8:1-3 (MGB) Tisa avanga Dan chu a chak loh va, a tih theih rual loh chu Pathianin ama fapa ngei, tisa sual ang puin, sual thawi nan rawn tirin, tisaa sualna awm chu thiam loh a chantir ta a ni;