TRINITARIAN TE

I Timothea 1:2 (MGB)  Rinnaa ka fa tak tak Timothea hnenah: Pathian kan Pa leh, Krista Isua kan Lalpa hnen ata, khawngaihna te, zahngaihna te, remna te lo awm rawh se.

TRINITARIAN APOSTLE MARKA.

New testament bu ziak hmasa bertu ni ngeia ngaih apostle Marka hian AD 65–68 emaw 64–70 vel a ziah ni ngei a anngaih, Isua chanchin te hi eng tin nge a lo record han thlir ila .Marka 5:6-7 (MGB) Tin, hla tak atangin Isua chu a hmuh veleh a tlan a, chibai a va buk a;

tin, aw ring taka auvin, "Isu, Pathian chungnungbera Fapa, kei leh nang engnge kan inzawlna awm? Mi nghaisa lul lo turin Pathian hmingin ka ngen chiam a che," a ti a. 

Ram huai maimai te pawh hian Isua hi tu nge a nih tih chu an hrechiang khawp mai, a chhan ni tura lang chu ramhuai kan tihte hi vantirhkoh lo ni ve thin te kha an ni a Lucifera zuitu te an ni a, Lucifera a hel hma khan van a an lo awmkhawm hun lai khan, an lo chawinawi leh fak ve hreptawh a nih vang a ni. Marka record a kan hmuh ah hian Isua hi ramhuai ten Nang Pathian chungnung bera Fapa ti in an au chhuahpui nalhnalh thei a ni. Bakah Pathian pawh an hrechiang ngang mai Pathian fapa Isua hnenah Pathian hmingin nghaisa lo turin an dil a ni .

TRINITARIAN APOSTLE MATTHAIA LEH PETERA.

Petera hi tunge a nih kan hriat vek kha, Isua hmangaih emem tu, Isua chhana mibeng hial satthla tu kha a ni. Petera hian Isua hi tu nge a nih a hria em? Hei hi a mah Isua hian a mah zuitura a thlan a zirtir ten an hrechiang nge hrechiang lo a fiahna a ni bawk a. Matthaia 16:15-17 (MGB) Isua chuan an hnenah, "A nih leh, nangnin tunge a ni mi tih?" a ti a. 

Tin, Simon Peteran, "Krista, Pathian nung Fapa chu i ni," a ti a, a chhang a. 

Tin, Isuan a hnenah, "Simon Bar-Jona, i eng a thawl e; tisa leh thisen in a hriattir che a ni si lo va, ka pa vana miin a hriattir zawk che a ni. Matthaia leh kha bu hi AD 80–90 in kar bawra ziah a ngaih a ni a. Oneness te ai hian Petera hian Isua hi a hrechiang zawk, a chhan chu hriatchian tirtu Isua pa Petera hian a neih bik vang a ni .

TRINITARIAN ROPUI APOSTLE PAULA

II Timothea 1:12 (MGB) Chuvang chuan a ni, heng thil pawh hi ka tuar ni; nimahsela ka zak lo ve; ka rina chu ka hria, a hnena ka kawltir chu, chu mi ni atan chuan a vawng tha thei tih dik takin ka hre bawk a. Ka rina chu ka hria ti tu tirhkoh Paula hian a rin Isua hi tu nge a nih a hre chiang taktak ang em? 👇👇👇II Korinth 13:14 (MGB) Lalpa Isua Krista khawngaihna te, Pathian hmangaihna te, Thlarau Thianghlim pawlna te chu in zaa hnenah awm rawh se. E khai a lo hrechiang ve mang e. 

A rina hi chu a lo hrechiang lutuk tlat, Pa Pathian pawh a hrechiang a, Lalpa Isua pawh a hrechiang lutuk. I Timothea 1:2 (MGB) Rinnaa ka fa tak tak Timothea hnenah: Pathian kan Pa leh, Krista Isua kan Lalpa hnen ata, khawngaihna te, zahngaihna te, remna te lo awm rawh se.I Timothea 2:5 (MGB) Pathian pakhat chauh a awm a, Pathian leh mihring inkara Palai pakhat chauh a awm bawk a, amah chu mihring a ni, Krista Isua, 

Ekhai, a ropui em mai a, chhunzawm leh a tan duh tawk phawt ang aw.