UPC te hnena zawhna leh an chhan dan
A zawt tu hian a va zawt thiam em aw...
_*(Kan tunlai boruak in a zir vangin âw!)*_
Q: Isua hi Pathian a ni em?
UPC: Ni e.
Q: Isua kha Kros-ah a thi em?
UPC: Thi e.
Q: Pathian a thi tihna em ni?
UPC: Ni lo.
Q: Isua a thi bawk sia?
UPC: Kha chu a lei taksa chauh alawm.
Q: A lei taksa chu Pathian a ni ve lo tihna em ni?
UPC: Ni tho e.
Q: Anih chuan a thi bawk si a?
UPC: Thi kha chu Pathian a ni hleinem, a thlarau a pa hnena a kawl tîr khan a Pathiannain a chhuahsan a lawm.
Q. Ni thumnia a thawh leh khan a chhuahsan tawh taksaah khan a lo lut leh tihna em ni.
UPC : A niang, ka hre tawh bik lo.😂
Q: Anih chuan Pathian chhandam ni loin mihring pakhat ve mai, Pathian thlarau chhuahsan tawh hnu chhandam kan ni tihna a ni maw?
UPC: Min chhandam hleinem. Min chhandam turin a rawn kal a, min chhandam hmain vânah a lawn leh daih.
Q: Chuti chu Chhandamtu ni loin Chhandamtumtu chauh a ni tihna em ni?
UPC: Ni lo e, Chhandamtu a ni.
Q: Min chhandam hman lo kha i ti bawk si a?
UPC: Chhandam hman reng nang.
Q: Chhandamtu ni bawk si, chhandam hman bawk si lo chu engnge a awmzia?
UPC: Chhandamna kawng baptisma chan dan min kawhhmuhtu a nia, chuvângin Chhandamtu kan ti ve mai mai. Chhandamna tak tak chu tuia baptisma hi a ni.
Q: Aw le. Anih leh nichin khan 'A thlarau a Pa kutah a kawltîr' kha i tia, Amah bera chu engnge anih? A Thlarau leh A Pa te pawh chu?
UPC: Amah chu Isua kha ania, a Thlarau pawh amah kha ania, a Pa pawh amah tho.
Q: Anih a thlarauin a chhuahsan hma pawhin Ka Pa tiin vawi tam tak a ko a, A Pa lahin Ka Fapa tiin a sawi bawk sia?
UPC: Engkim tithei ania, duh leh amah leh amah pawh ka nu, ka u, ka pu pawh a inti thei. Duh leh vân aṭangin nikher lo, leihnuai emaw kawlkil aṭang pawhin Ka fapa/fanu/nî pawh a inti thei, a thu thu a ni. Leia a lo kal khan Fapa angin a lo kal a ni mai, Fapa tak takah ngaih tur a ni lo.
Q: Anih chuan Fapa lem changin Isua angin a lo kal a, amah tho kha amah leh amah a inkawl tîr tihna a nita ber a ni maw?
UPC: Nimai e. Fapa nihna leh hun chu vâna a lawn leh aṭang khan atawp tawh.
Q: Amah Isua'n a kal san tâk kha amah Isua tho a la ni em?
UPC: Ni tho e.
Q: Anih chuan Kros-ah khan a thi ta sia?
UPC: Thi kha chu Pathian a ni lo.
Q: Thi kha Isua tho i tia, thi kha Pathian a ni lo i ti leh bawk sia? Isua hi Pathian a ni lo i tihna nge, thi tak tak loin a lo thi der mai mai zawk?
UPC: Thi der lo e, thi kha Isua ngei a ni, mahse Pathian a ni lo. Amaherawhchu Isua hi Pathian a ni.
Q: Ava buaithlâk ve aw! Anih leh vana a lawn hnuah Fapa hun a tawp kha i tia, vân aṭanga rorêl tura a lo kal leh hunah, a dinglama mite hnenah "Ka Pa vohbikte u..." te a la ti dâwn sia?
UPC: Mihring zingah Fapa angin a lo inlâr laklawh tawh sia, Fapa hun tawp hnuah pawh mihring zîngah chuan Fapa angin a rawn inlâr leh vel mai mai.
Q: Chutiangin Fapa ang, Thlarau ang, Pa ang tih vel hi Bible-ah a inziak si lo a. Pa, Fapa, Thlarau Thianghlim tih a nimaia, engtia 'ang' tih hi sawi mai nge i nih?
UPC: Aaaaa, in hrethiam pha ve lo ang....kan tirhkohten an sawi a. Nichin khan tui leh baptisma vel kan sawi kai dawn emaw ka tia, ka lo phur hman tehreng nen, Pathian chungchang hlir min zâwt a a ninawm riau.
Q: Tunah chuan Good Friday te ania, kan tana tuartu leh chhandamna tura nun hlantu Lal Isua chungchang hi thupuiah kan neih vang a ni e.
UPC: Min chhandam hman lo ka tih tawh kha. Isua hre lo leh nei lo nuai maktaduai tam tak an awm, an hriat loh leh neih loh vangin an thih phah lo. Tui tel lo chuan tumah an awm thei lo, chuvângin chhandamna leh nunna chu TUI hi a ni.
Q: A lo nih tak chu 😂😂😂.
He zawhna leh chhanna tluka dik tih leh ka nuih la tiza hi an awm lo vang
whatsapp group pakhat a ka hmuh ani a,an in zawt thiam em a, ka rawn c/p ve mai mai a ni a, tuma huat awihloh
Comments
Post a Comment