Falam vrs Hakha

Mino Tampi Ih Theih Lomi Hakha le Falam Karlak Remawk Theilonak Cu

Tulai kan Chin ram boruak zoh tikah Falam le Hakha karlak thuhla siar ding a tam, riahsiatza a si. Khatlam khatlam mawhthlukawknak ca a tam.

Falam le Hakha buainak hi kan pilepu, palepawl puh lo hram uhsi, anmah ruangah a si lo hmang ee... A bulhram cu (iksiknak le duhhamnak) ihsin a thokmi a si in a lang.

Tampi lakah mallai kan zoh hnik ding...

1977 ahkhan rampi cozah in ဒေသကောလိပ် ( Tu ih University kan timi) cu hmun 3 ah an pe. 

1) ကယား (လွယ်ကော် ) 

2) ကရင် (ဖါးအံ) 

3) Falam, Chin State an si.

Kum khat sung mahte zirhawk ding cun cozah in paisa pe in College saksak ding ti asi. Falam kha College Saya khal an tiar aw thluh zo, kum khat pumpe aw ding in Mite Nu tla a tel.

Cumi cu Bawi an hun ah Chuncung khua rori in Falam Khawlipi ih College um duh lonak an rak sandah piah ciamco ih Falam ih College um ding cu a ziamta.

Chin ram Khawlipi (Capital) sinak Falam ihsin Hakha ah mi an long, Falam sizung ih mina tuamhlawmnak thilri thatha Hakha sizungah an thawn ciamco, CNA sungah thuneihnak kha hrilawknak in silo, hriamhrei sirhsan thawn lonawk a si beet...

Falam ih Nurse tlawng kha Hakha ah laksak an tum naan himi cu an hlawhsam, rampi huap Chin aiawh TV thuthanmi ah Falam tong hmanmi kha Hakha tong I thleng le than dingin an zuam ciamco, hi khal tu hrih tiang cu an hlawhsam.

Chinram ah vanzam tualrawn tuah tum a si ih Falam ih Surbung tlangah siseh tin rampi cozah ih a zohhliah mi duh loin Hakha lamah tuah siseh tiah an kankuat nasa lala naan hi khal an hlawhsam.

Tuni Falam khawpi ih inmi Laiva tili (Dam) khal Hakha ah la dingin nasa zetin an buaipi, an hlawh a sam ruangah Timit tiva an dawl fang a sikha. Ramleng ihsin le Chinrawn lam ihsin hivek thuhla IKSIKAWKNAK neuhneuh aum mi hi Nan rak theih a har, nan mawh lo.

2015 ah Hakha lei a min a cim nasa, culai ah Dr. Lianhmung Sakhong (CNA hruaitu) in tuni ah kan Hakha a cim a minnak San cu Falam pa KAP CUNG NUNG in Rungtlang ih thing hlamtu pawl a rak control neh lo ruangah a si a ti daih.

Hakha politicians hrekkhatin Hakha le Falam rem aw lonak hi NTK ruangah tin dik lozetih vorhdarh an um. Hakha mino lawng silo, Falam milesa sungin rak zum luailo ve khal bo lo. 

Falam mino, US ih um pakhat tiangin Facebook ah live thlah in NTK hi Hakha le Falam remawk lonak tuah thoktu vekah puh in a au nasa ruangah Falam Humhual Pawlkom in ralrinnak tiang a rak pe hngehnge asi kha.

Rel ding a tamlai, Falam le Hakha karlak buainak hi thil pahnihkhatte le upa pahnih khat men in a thokmi a silo, NTK pian hlanpi ihsin thuhla a rak feh rero zo tikha minopawl in THUDIK theih a tul.

Curuangah Falam le Hakha karlak ah rualremnak aum theilo hi ziangdang a si lo, mi pahnih khat Ruang men khal a silo, mi neihcia le umcia mi va long duhtu le lon siang lotu karlak buainak a si. (Kan pale kan pilepu kha va mawhthluk an theih thluh lo.)

A tlun ih thuanthu dik rak um le feh zomipawl hin a fiangter micu Falam parah Iksiknak hi um lo sehla, Hakha le Falam karlak buainak hi a reh mai ding. 

Falam hin Hakha ih ummi Falam ah thawn ding in vei khat hman hmalakmi aum dah lo, neihcia cu sung-hlo lo dingih kilhim cu milai covo a si ko.

Thuanthu cipciar theilo mihrekkhat ih pawrak menmi zum le kan um theu ruangah asan hi theih a tha.

Tu khalah chinram ah hriamkai an ding surso, pa-mum keuh in hmuntin ah an keuh. Pengdang a keuh vekin Falam peng khalah a keuh, CNA hnuai ih lut duh lo hi Falam lawng a si aw lo. CNA hnuai ih luh lo hi MAH duh tinak khal a si lo. 

Thil ziangkim hin thuanthu an nei thluh tikha thuruat thiam cun ruat cih ko uh. Curuangah Falam le Hakha karlak hmuhthiamaw lonak hi IKSIK AWKNAK an neih nawn lo tikah amahtein a rualrem aw leh mai ding.

Hihi huatawknak hrang nganmi a silo, kan rualrem theilonak ASAN (REASON) theilo thangthar mino lakah an tam. Thuanthu cu beet ding asilo ih laak ding khal a silo, asinak vekin sim le ngan ding asi.