Lungphek a Ziak

2Kor 3:👇👇

 

3 Hi ca a ngantu cu Khrih amah a si ih kannih hi a phurtu kan si. Cuih ca cu cati in nganmi a si lo, a nungmi Pathian ih Thlarau in nganmi a si; lungpheng parih nganmi a si lo, milai thinlung sungih nganmi a si.

4 Hitiih kan phuannak cu Khrih ih zarah Pathian lamah ralòhatnak kan neih ruangah a si.

 

5 Hi hnaòuan hi a òuan theitu kan si tiih phuan ngamnak kanmah taksa parah zianghman a um lo. Kan òuan theinak hmuahhmuah cu Pathian hnen ihsin a rami a si.

 

6 Thukam thar a riantu kan si theinak cu Amah in thazang in pek ruangah a si. Cuih thukam thar sungah ca in nganmi Thukham a um lo; Thlarau sawn a um a si. Thukham cun thihnak a thlenter, sikhalsehla Thlarau cun nunnak a pek.

7 Thukham cu cafang pakhat hnu pakhat lungpheng parah nganmi a si ih cuih thukham pek a si lai ah Pathian ih sunlawinak a lang. Moses mithmai parih a tleumi cu zamrangih a ziammi a si ko nain a tleumi a tleu zet ruangah Israel mi pawl in a mithmai cu hmaiton in an zoh ngam lo. Thihnak a thlenpitu thukham hman cubangtuk sunlawinak thawn a ra asile,

 

8 Thlarau hnaòuannak cu ziangtluk sunglawi sinsin in so a ra ding?

 

9 Minung mawhphurh thuòhennak thu hmanah cutluk sunlawinak a um ahcun, minung rundamnak a thlenpitu thu ahcun ziangtlukin so a sunlawinak a tum sinsin ding?

 

10 Hlanlaipi ih a rak tleu zet vemi sunlawinak cu atu ih a tleu sinsinmi sunlawinak ruangah a tleunak a ziam zo ti ding a si thlang.

 

11 Tikcu tawite sung a tleumi kha a sunglawi zet kan ti a si ahcun kumkhua a awhmi cu ziangtlukin so a sunglawi sinsinmi a si ding?

12 Hibangtuk ruahsanmi kan neih ruangah kan ral a òha zet.

 

13 Kannih cu Moses vek kan si lo. Moses cun a mithmai tleu a ziam vivo kha Israel mi pawl in hmu thei hlah hai seh tiah a hmai cu puan in a khuh aw.

 

14 Ziangti a si khalle an thinlung sangka cu a pit thotho a si. Tuih sun tiangin thukam hlun cabu an siar tinin an thinlung cu puan in a khuh lai a si. Minung cu Khrih thawn an pehzom awk tik lawngah cuih puan cu a hawk aw a si.

 

15 Tuih sun tiangin Moses ih Daan an siar tikah an thinlung cu puan in a khuh thotho lai.

 

16 Sikhalsehla cuih puan cu hlonhlo a theih; Ca Thianghlim khalin, “Moses cu Bawipa lamih a her tikah a puan cu a hawk aw,” tiah a ti.

 

17 Hitawkih, “Bawipa,” a timi hi Thlarau a ti duhnak a si. Cule Bawipa ih Thlarau umnak kipah cun zalennak a um.