Sabbath vr Sunday Part 1.

SABBBATH vs SUNDAY

BY. JAMES CHERPUI THANGA

A hmasa berin engkim siam tu Lalpa Pathian hming chu fakin awmrawhse, 

Sabbath leh Sunday chung chang han sawi ve ka tum a ni a, he ka thu sawi lo ngaithla tu zawng-zawng te hnenah Lalpan fiahzawkin hriat thiamtheihna pe vek che u rawhse,

Ngaithla tu ten, thinlung leh tih tak zetin min lo ngaihthlaksak a, Bible a țang in min lo finfiah pui tur in leh, heng Ka sawi tak te hi Bible tih ziak nen a in mil em tih te, ngaihtuah chunga min lo zirpui turin ka ngen duh che u a ni , 

Sabbath leh sunday chungchang debate thu hi thu tawp thei lo a lo ni ta a, Tun hun Kristian hun, Atak Isua thisen ngei a thuthlung thar thlun thar a nih tawh hnu ah hian sabbath serh chhun zawm zel a la țul reng tho em? Aw țul reng tho, ti tu leh a țul tawh lo ve, ti tu te kan lo awm ta chu a ni a. khawilam ve ve te pawh hian Dik kan in ti ve ve chu a ni a. Amah erawh chu he thu ah hian sabbath serh zel, a țul leh țul tawh loh thu, A nih dan tur dik tak a kal phung chu a awm ngei mai a, Amah erawh chu, a eng nge dik zawk ang tih thu dik inphum chu , kan hriat chhuah mai theihlohna chhan a awm a, mi tam zawk te hi chuan Bible ah keimahni ngei in chikna chang , finfiahna chang kan hriat loh vang a ni in a lang, chu bak ah a sawitlawr thiam- leh, a dang nal zawk-zawk ang te hi, a bukrit zawk, thu dik sawi ta ni ngei tur ang a kan va ngaih thin mai vang te hian, a ni thei bawk awm e. 

He thu Ka rawn sawi ve na chhan hi zau deuh zawk in, min hriat suala mindem mai lohnan  han sawifiah hrimhrim a țha in ka hria a, Mitin mai hian media hi kan hmang thiam tawh vek mai a, zirtirna himtawk lo hian Facebook leh youtube lam a luahkhat hnehsawh tawh ta emem si a. Evan leh speaker mai chu sawi loh Kristian Kohhran, kohhran chhung huap inrelbawl dan te chen a beihna hmuh tur hial a lo awm nasa tawh ta a.

Thuthlung thar hun ah hian, Thuthlung thar bu ziaktu, tirhkoh te leh, mi dang dang te hian Thuthlung thar hunah hian, NT Bible bu chhung ah pawh, Sabbath serh tur thupek, Kristian te tan an zirtir loh laiin, tunhnai lawk kum 1860 vel ațang khan, Apostol leh Ringtu hmasa Krsitian mi hmasa te zirtir loh, sabbath serh a țul tia zirtirna thar a rawn chhuak ta a. Sabbath serh ve lo te chu chhandamna kawngah pawh, a tluantling la chang pha ve thei dawn lo ang hial ten an rawn zirtir mai bak ah, sabbath serh hi chhandamna kan ti lo, ti si a, a serh lo te chu chhandam ni ve thei dawn lo ang hiala ngai a sawi leh lawi bawk si in, chu tiang chu hriat tur a lo tam tawh ta emem a.

Chu vangin heng kan unau it Seventh Day Adventist, sda ti in lam tawi ta mai ila. Kohhran rawngbawltu miropui taktak te hian, youtube hmun tamtak a, an sermon an upload ang ah te hian kohhran dang chanchin, an sawi nasa țhin khawp a. Kohhran dik awmchhun remnant kohhran, ang te pawn an in ngai a, Kohhran dik awmchhun chu anmah ni chauh hi ni awm ngei a, an in ngaihna te.

Mi kohhran thurin pawh a kawizawnga mi ten an lo ngaih sual theih dan tur, an zawngin hman țangkai leh sawi dan vel hi an thiam thiam țhin hle bawk a, An thurin tluangtlin erawh va hriatthiam sak tum si lovin, a khawimaw lai hmanga, lo tihhnawk sak dan hi an thiam țhin hle. Kohhran țhen khat te phei chu an hotupa sakawlha puhsakin, chu kohhran chu Setana zirtirna zuitu anga , ngai in anbei na țhin khawp mai bawk a.🎬🎬🎬🎬🎬🎬🎬🎬🎬🎬🎬🎬🎬🎬🎬(Pastor Pl Biakchhawna RC kohhran thu a sawina Vd kha) 

Pathian thu pangai pawh sawi hman lem lova, A tu a te kohhran chanchin vel mai mai leh a chhuanchhe zawng a, Kristian te chanchin englai ah pawh mai, setana nen kaihhnawih tir țalh tuma an sawi fo țhin thei ta hi, an mizia tur chu a hriat thiam theih tho awm e. He tiang hi unau SDA te rawngbawl dan leh hmalak dan ber a nih lai in, Kristian Kohhran tamtak te hian chhanlet hi an tum lem lo ni hian a lang bera , Tu kohhran mah hian He tianga SDA unau ten ansawi chhiatna hi, thu dik tawk a ni nge ni lo tih pawh, in sawifiah tum leh a dik zawk phochhuah tum, engkohhran mah hi hmuhtur rengreng lah an awm ngai meuh si lo va, (((××××Unau SDAte thusawi hi bengkhawn tlak lutuk leh chhanlet tlak a ngai lem lo kan Theologion te hi an lo ni deuh vek bawk si nen.××××))))

Kan Theologion mi thiam taktak te lah hian heng Kristian CULT an tih mai 

The Four Major Cults: Christian Science, Jehovah's Witnesses, Mormonism, Seventh-Day Adventism, SDA ang te hi . Heng ho hi mak vakah ngai a ngaih ven tlak lutuk a dah lem lo hi an lo ni deuh tlangpui bawk si a. He tiang a CULT ho Thu maimai ti a an lo ngaih thah mai Mai Lai hin an ni ho lah hian YouTube lamah nasa takin ram an lo zauh zel bawk si a.

Kawng lehlamah chuan sda te sawi dan ang taktak hian, Kohhran dang zawngte hi chhandamna leh rinna, kawng engkimah mai ah hian sakawlh Setana lam țang tur leh hnungzui tuvtur kan lo ni tak tak dawn em ni le? 

Tih hi, rin na kawng a mi chak lo zawk te hian , thudik a ngai in an lo thle dualdual mai ang a, tih hi ngaih tuahna luah khat tu a lo ni ta a . Heng kan Unau te lah hian, beng lut zawng taka thu sawi lah an thiam narawh bawk si nen. Mi tamtak an hruai sual thei dawn tih hi a chiang reng mai si a, chu vang chuan, kei ma mimal țhahnem ngaihna mai in, he tiang hian rawngbawlna han buaisaih ve ta mai ka ni, tih ka han sawi hmasa duh a. 

Mithiam leh zirsang theologian erawh ka ni hauh lo mai va, mi theihnghilh zat pawh hre lo mah ni ila, Pathian thutak hi, Pathian thu dik hi te pawh ti ta ila, han hai lan ve hrimhrim a țul tak meuh tawh in ka hria. Amah erawh chu A Greek , a latin , a Hebrew , ti ang hi, ka innghana a ni ve dawn lo va. Pathian thu tak, Pathian thu dik,  hriat thiam theih na tur hian, Hebrai Greek kawikhat mah thiam a ngai in ka hre ve lem lo, Tu te thluak suk nan emaw a, Hebrai Greek tih ang reng hmanga, mahni thusawi tih awihawm chawp a țulin ka hre ve lo. A hrelo te hnenah țhipawl a zuar tih ang deuh khan, a greek chuan chu tin a ti a, a hebrai chuan chubti chuan, tih ang vel tactics hniam lutuk hmangin a hrethiam pha ve lo te kan bawl ve dawn lo a ni. Amah erawh chu Mizo Bible a thu hriatthiam harsa deuh te chu a awm ve bawk ngei a ni tih chu, kan hre tho ang a, chung te chu Mizo țong pawn a sawifiah theih vek tho awm e. Eng pawh nise, Bible hi innghahna a tan chuan a tawk berah ngai phawt ta ila. Tu pa tih dan emaw tupa thu sawi dan emaw, tu nu thusawi leh tih dan emaw thuziak emaw Inlaran tih ang vel hi innghahnan ka hmang ve dawn lo va. Bible chauh hi ka inngahna a ni bur dawn a ni.

Tu mah ka haw lova, mihring zawnga in beihna a ni lo tih min lo hriat thiam sak bawk ula. Sabbath leh Sunday thu ah hian thudik ziktluak sawichhuah a ngai tawh tak meuh mai a, Unau SDA te hian an duh tawkin Youtube lamah mi kohhran chanchin an duhlaite pawhfan sakin an sawichhe nasa thin mai si a,  chungte a vang pawh chuan Pathian thu dik hi han sawi chhuah ve, a tul ta, a ni ber . A bikin pastor lar tak leh, thusawi thiam, ngaihsan awm tak mai Pastor pl Biakchhawna hian, mi tu te emaw, te thusawi youtube a tang hian a duh tawkin, a lo debate kan ti dawn nge? a lo react kual nasa thin a, chhang lettu awm lo na nana chu. A ti fuh thin khawp mai, 

Presbyterian kohhran ka ni a, A mah erawh chu eng kohhran aiawh a rawn sawi ka ni lo va, eng kohhran emaw, eng pawl aiawh emaw a rawn sawi ka ni lo va, Pathian thu a, kei ma mimal thahnem ngaihna a vang mai a rawnsawi mai ka ni e.

Pastor zahawm tak leh theologian mi ril leh mi thiam tak Pastor Pl Biakchhawnan sabbath chanchin a zirtir dan leh a thu sawi dan ang te hi, amah vek hian a ma thu sawi hi dik ber angah a ngai ni deuh te hian , chu ti anga ngaih theih tur hian a lang tlat mai a, Chu tianga a ngaih loh chuan mi thusawi te hi he tiang hrep taka buai pui reng hian a react kual vak vak dawn in a rin awm si lo va.

Bakah A thu sawi dan hi a danglam thin emem mai a, kei ni kohrran chuan chu ti ang chuan kan ring lo han tih ve mai tur ang chi ah hian, An kohhran ni ve lo, pawl dang te thusawi chu, A ngaihdan a alo vawnnghet sa nen a lo inkalh tlat chuan, thu dik tawk lo sawi ta angah va ngaihsak deuh ngawt thin, in dawt angah hian a puhsak deuh bol bol thin zel mai a. Amah erawh chu, Tu tehna ah mah hian tumah hi tlinzawh tak tak, tling zo taktak, a lo awm thei lo a ni, tih hi hriat thiam hramhram erawh a fuh ber ang.

Pastor Pl Biakchhawna hi mithiam tak chu a ngei e, amah erawh chu a zirtirna fuh ve chiah lo lai a awm nual mai a, Bible a tanga, lo finfiahfiahve lem lova He ti a han ngaithlak thuak hi chuan Pathian thu ang ve taktak hi a tam mai a, a chhan chu Bible tihziak chan ve te hi, a zirtirna ti awihawm tu atan hman dan lak kawih dan a thiam emem țhin si a. Bible a tang chauh lo chuan a sawi țhin thu tamtak te hi a dik lohna hriatthiam theih rual a ni thin lo a ni ,

Youtube lamah hian an sermon hi ka hmu țhin a, ka han ngaithla ve zeuh țhin a, chung an sermon te chu Pathian thu ni ve ngei si in lang țhin mah se, amah erawh chu Bible nen ka han khaikhin hian tihziak Bible nen erawh a lo in mil lem thin si lo va, ka ngaih tuah țhin chu Bible chhiar lem lo leh chhiarthiam ve lo mi tamtak te chu, an thu hian a va hruai bo thei nasa dawn ve, tih hi a ni țhin. 

A KHUH HAWN NAN

Sabbath leh sunday thu ah hian hriat chian ngai tamtak a awm țhin a👉👉👉🎬🎬🎬🎬🎬🎬🎬🎬🎬🎬🎬🎬🎬🎬 Pastor Pl Biakchhawna chuan mihring ni ve lo kan awm em, sabath erawh mihring ka ni ti tu te tan a siam a nia,  ti ang reng te hian a sawi a,  sabbath siam a ni, tih thu hmanga mihring zawngzawng sabbath serh tir te tum ta mai țhin a. Amah erawh chu, kan hriat tur chu Sabbath ni hi mihring te tan siam a nih leh nih loh lam ni lovin,  Sabbath ni, Ni serh chungchang thu zawk hi tute hnena pek nge a nih tih hi sawi a hlawhna lai chu a ni thin a, he tiang a unau Sevent Day Adventist te hian sabbath ni hi mihring zawng -zawng te tan serh tura Pathian in thu a pe vek emaw, an tih leh, sakawlh chhinchhiahna lak a ta sabbath serh tu te chu he sabbath ni hi a chhinchhiah bikna tur, vanram kaiturte chhinchhiahna tur emaw te an ti a ni awm a.🎬🎬🎬🎬🎬🎬🎬

Kha ti ang kha anhan sawi dan chu a ni ta a. 

Ringtu te hi Isua ring theuh theuh kan, ni (day)hman in ang lo leh Bible pakhat chauh hmang in ti si a , rinna kawngah pawh inpumkhat thei lo, kan ni deuh fur hlawm bawka, Eng pawh nise, sabbath serh tur thu pek leh Sunday chungchang thu te hi chipchhiar deuh a thu dik kan hriat chhauh theihna turin rawn sawi ka tum a ni deuh a . Kawng leh lamah chuan Unau SDA ten sabbath ni hi Mihring zawng-zawng te hnenah serh tura thupek kan ni, tianga ansawi țhin ang hian Bible tihziak ah hian a lo awm ta tak tak em le? a lo awm tak-tak te a nih phei chuan kristian mitam zawkte hi chu Sabbath serh lo kan ni leh nghal si a.

A dang leh ah chuan Sabbath serh hreh vang emaw, Sabbath serhtute huat vang emaw, Sabbath ni duhloh va dodal vang hrimhrim emaw, chu tiang vanga heng hi rawn sawi ka ni lo va, Thu hi a kawi zawng a min lo laksa a min lo ngaih sak lo hram turin, ka ngen duh che u a. Heng te hi thu poimawh tak leh a tu te tan pawh a poimawh tak an ni a.

👇👇👇👇👇👇👇👇👇🤙🤙

Pastor Pl Biakchhawna chuan Sunday ni hi mihring siam chawp a ni ti in a sawi nasa țhin khawp mai a🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬

Kha ti anga a sawi dan ang tak khan, Sunday ni hi Pope siam chawp emaw, mihring siam chawp emaw , Setana siam chawp emaw, chu tiang chu a ni tak tak ang ngem? 

Bible a țanga a chhanna chu,

Tuna Isua thawhlehna ni unau SDA ten mihring siam chawp anga an sawi țhin Sunday ni hi, Pathian siam ngei a ni, tih hi Bible chuan a sawi dan a ni 

(((Genesis 1:1-5 thu ah (MGB)  A tîrin Pathianin lei leh vân a siam a. *** tih kan hmuh mai bakah, thim leh eng, te a siam a, thim chu Zan ti a vuah in, eng chu chhun ti in a lo vuah, fel diam ta bawk a. Chu tiang chu a awmzia chu a ni zawk a. Chu thu chuan Sunday siam tu chu Pathian ngei a ni tih, hailuih theih rual lo khawp in a ti chiang a ni .

Sabbath ni siam a nih dan a awm zia pawh hi,

Sabbath tih hi, hebrai țawng a ni a, chu mi awmzia chu Ni sarih tihna a ni lo va, chawl tihna emaw, chawlhni tihna mai a ni a, Pathian khan ni khat a țangin ni ruk thleng khan thil engkim hi a lo siam a, A ni sarih ni ah chuan, Bible chuan ti hian a sawi a****

Genesis 2:2-3 (MGB) Tin, Pathianin ni sarih niah chuan a thil siam chu a ti zo a: ni sarih niah chuan a thil siam zawng zawng chu a chawlhsan ta a.

Tichuan Pathianin ni sarih ni chu mal a sawm a, a serh ta a: chu mi niah chuan Pathianin a thil siam zawng zawng, thu ngawta a siam leh kuta a siamte chu a chawlhsan tak avangin.*** ti in, Chu ti ang chu sabbath ni siam a nih dan chu a ni a. 

Chu tiang chuan Pathian in nikhat a țanga ni sarih  chawlhkar khat, a siam fel vek tawh mai bakah ni leh thla kum hun bi chhiarchhut dan te thlengin asiam fek vek a, a lo ruahman fel vek tawh a ni,

Pathian in sabbath ni hi a serh a a ti thianghlim a ni, tih chu kan hre vek hlawm awm e , chu bak chu, ni khat a țanga ni sarih ni, a eng ni mah kha, mihring a siam hmasak ber Adama ten emaw, tu hnenah mah Aigupta a țanga a hruaichhuah Israela thlahte hnenah bak tih loh chu Mosia hun hmalam a mi zawng te khan an serh ve a ni tih thu hmuh leh hriat tur a awm lo a ni.

Chu ti ang chu thil awmzia a nih lai in, Isua thusawi la kawi in Mihring zawng zawng sabbath serh vek tur anga ngai tawk an lo awm ve tak si ah chuan,

👆👆👆👆👆👆👆👆👆👆

Tuntumtah hian mitamtak ten anngaih ven țhin, zawhna awm thin te hi kan han zirchho dawn ang a, Part 1 ah chuan a lengvek lo mai thei a, a tul a nih chuan Part dang te pawh kan siam chho zel ang a, Sabbath chungchang ah hian zawhna te hi tamtak a awm thin a, a mah erawh chu chung zawng-zawng te chu, a zawng a za chuan kan chhang vek thei kher lo ang a, a zual pui leh a pawimawh chin deuh Facebook a tanga zawhna kan hmuh thin te hi, han belchiang deuh bik dawn ta ila.

1. SABBATH SERH THU PEK

A hmasaber leh pakhatna a tan.

Sabbath serh tur thupek hi tu te tana pek nge a nih ? mihring zawngzawng a huam em? tih hi han chhui hmasa ber dawn ta ila. Sabbath serh tur thupek hi tu te tana pek nge a nih ? mihring zawng-zawng a huam em? tih chung chang ah hian. Pastor pl Biakchhawna chuan ti hian a sawi a. 🎬🎬🎬🎬

👇👇

Nova hun laia mi te kha, mi hring tih an ni vek ti a, sabbath siam tu, Pathian biak duh loh vang leh, khang hun lai a mi te khan, Ni dang serh an lo neih ve tawh a vang a sabbath serh duh lo mai ang ah te khan a puh ta kha a ni a,🎬🎬🎬🎬🎬🎬🎬🎬🎬🎺🎺🎺🎬 chu mai bakah, Sabbath ni hi Israel te tan, Juda te tan chauh tih hi Bible ah hian a awm reng-reng lo,  mihring kan nih chuan kan serh ve mai tur a ni, ti ang zawnhin mihring nih chuan serh ve tur anga ngai in a sawi ta kha a ni a, he tianga a sawi mai bakah hian.....

 🎬🎬🎬🎬Adama te hnenah pawh a thu in Pathian in a lo hriat tir tawh, Nova te pawh a thuin a lo hriat tir tawh, Abrahama pawh a thuin a lo hriat tir tawh, ti in, thupek sawm thuthlung leh Dan thupek ang te hi Sinai tlang chauha Pathian in a pek chauh țan chauh , thuthlung thu te hi, Adama te, Nova te, Abarahama te pawh a thu ang zawng a thupek, lo pe ve vek tawh ang ten a sawi kha a ni a. A mah erawh chu Kha ti ang kha chu Bible tihziak a țang a finfiahna tur awm miah lo rinthil thu mai a ni, tih chu kan hre vek tho awm e.

Sabbath ni hi Israel te tan Juda tetan chauh tih a awm lo, ti ang a, A hnialhrat , zawnga a tih ang a, kan ti zel talh dawn a nih chuan in , Israel mi ni ve lo te tan pawh, sabbath serh ve vek tura thupek an ni , tih ziak pawh, Bible ah hian kawikhat mah hmuhtur a awm chuang hlei nem, Chu vangin eng order mah awm lo nana na, Sabbath ni hi mi hring ni tawh phawt zawng- zawng ten mahni duh dan dan a an lo serh ve ngawt na chhan tur a awm lo. Khawi lai ziakah mah hian Israel mi ni ve lo te hnenah, sabbath serh tura thupek an nih ve na a awm si lo va. Chu mai bak ah, mi hring zawng zawng ten an serhna chhan tur a chhan leh vang finfiah theihna tur, eng emaw Pathian in serh turin chu mi hunah chuan mihring te hnenah sabbath serh turin thu a lo pe tawh tih ang te, chu mi hun lai chuan an lo serh thin tih ang te, chu ta tang chuan sabbath serh an bansan tih ang te emaw finfiah theihna tur, history hmu tur lo awm te chu ni se, thu hran. Chu tih a ni lai in Israela thlah te hnenah erawh hi chuan sabbath ni hi an serhna chhan tur leh serh tura pek an nihna, nen lam, chiang kuang takin, Bible ah recored hmuh tur a awm țeuh si a. Pathian hi sabbath siamtu a ni tih hriat ri-ngawt te hi mi hring zawng-zawng ten sabbath an serhna chhan tur a va bel ngawt theih chi a ni lo.

Sabbath ni a awm leh awm loh lam leh, mi hringte tan siam a nih leh nih loh lam hi he thu ah hian, buaina a ni lo va, heng Sabbath ni siam a nih thu leh Biblea a awm thu te chu tupawh mai hian kan hre vek a lawm. Mi hring zawng- zawng, heng Gentail mi te hnenah pawh hian sabbath serh turin thu pek, pek an lo ni ve ,ti ang a ,in sawi țhin na lai hi , thu dik tawk a ni lo ve, kan ti mai chauh a ni a.

Gentail te hnenah sabbath serh tur thupek a awm lo ve, Israel thlah te tih loh khawiram te mah in sabbath serh tura thupek an lo dawn thu emaw, hriat tir an nih ve thu emaw, chu tiang hmuhtur leh hriat tur a awm lo a ni, ti hi kan sawi țhin dan chu a ni a. Eng history ah mah hian Israel mi ni ve lo te hnenah sabbath serh thupek an nih ve thu leh an lo serh ve țhin thu a awm lo. 

Pathiam hian Sabbath ni (Day) lo pawh hi Ni khat a tanga ni ruk thleng a vai hian mihring zawng-zawng te tan a siam vek tho an ni a, tu te tan mai pawh hian Ni khat a țang in ni sarih thleng hian ni poimawh vek an ni a, nungcha leh khawvel leh a chhunga awm zawng-zawng te tan a, heng ni leh thla hun engkim mai hi Pathian hian a siam vek an ni tih hriat a tha a ni. Sinai tlang a Israel te hnena,  thu "thlunga, a pek hma zawng kha chuan tu te hnam leh ram mah in sabbath an lo serh thu a awm lo.

Chu vangin Sabbath ni hi mihring kan nih chuan, mihring zawng-zawng te chuan sabbath ni kan serh ve vek mai tur a ni, tih anga ngaih dan lo siam ang chi te hi chu, zirtir him lo a ni tih hi hriat chian a țha hle. Mihring zawng-zawng ten sabbath serh an ba lo. 

Mi hring zawng-zawng te tan, ti a, sawifiah nan hian Bible khawi lai lai a mi tihziak chan ve te la chhuak in, Bible a awmmiah lo te nen, hei hi chu a ma ngaih dan leh irawm chhuak ngei a ni, tih han hriat ngawihngawih ang chi te, chu ti ang hmanga ngaihnawm taka thu han bawlkual vel hi a thiam em em mai țhin a, Bible en ve lem lova ngaihthlak thuak chuan, a ni ve thei tak ang a, han tih ve mai turl ang chi te hi a awm nual mai bawk a.

Chu tiang hmanraw zing a tan a, a chang hman thin pakhat chu , Mark 2:27 thu hi a ni a, Sabbath hi mihring tana siam a ni tih lai te kha, la kawi thin in, mihring zawng-zawng tawhphawt chuan sabbath an serh tur a ni, tia mi zawng-zawng sabbath serh tir nan va hman a tum mai thin a, Mark 2:27 thu, He thu in a kawh tum chu thu hran ah dah ta ila, He lai thu hi sabbath serh thupek bul a lo in tanna emaw, sabbath serh thupek a context a ni lo hrim-hrim, tih hriat a tha a . Isuan a sawi dan ah pawh khan sabbath hi mi hring zawng-zawng ten an serh tur a ni, a ti lo va. Chu ti ang a ngaihtheih tur pawhin, Isua thusawi khan a kawk lo bawk, Mi hring tana siam a ni, a ti mai zawk a ni a. Kha laiah khan Isuan sawi a tum leh a sawi chhan leh vang kha sabbath serh tura thupek lam a ni lo va. Kha thu kha eng vang a sawi nge a nih, mahni duh dan hawiher zawnga a lo kalpui mai lo in, dawnchian a ngai a ni.

A chang in zawm chiah ah pawh khan Isuan chuan mihring hi Sabbath tan siam a ni lo, ti in a sawi leh mai a. Kha lai thu Mi hring tana siam a ni tih lai te kha mah ni ngaih dan sawhngheh nan a, lo lak kawih a, mi hring zawng-zawng sabbath serh tir lo tum ve zawng, a fuh lo vang. Mi hring erawh sabbath tan a siam a ni lo, tih a chang zawm hi a thupui zawk chu a ni , mihring chungah sabbath a awm lo, sabbath hian mihring chungah thuneihna a nei lo, a tihna a ni zawk. Chu vangin sabbath aia poimawh zawk chu mihringte hi kan ni a, mihring chungah eng holiday mah hian emaw, eng rest mah hian emaw, eng off day te mah hian emaw , thu an nei lo. Sabbath lal Pa, Lalpa Isuan a sawifiah dan mihring erawh sabbath tana siam kan nih loh thu hi sabbath ai a, a chung a thu nei tu zawk, a mah Isua a poimawh tawh zawk zia a sawina a ni, ti hi hre thiam hram ta ila . kan hriat tur chu Mark 2:27 thu hi Sabbath serh tura thupek na a ni lo va, Sabbath serh thupek a context pawh a ni hek lo tih hi.

Sabbath serh tur thupek hi tute hnenah nge Pathian in a pek? Tih thu ah hian, Israela thlahte hnenah tih hi a context chu a ni a. Israela tlahten he sabbath hi, Israela thlah te hnenah bak tu ram te hnenah mah pek an ni lo, Israela thlah ten chawlh ni a an hman tanna pawh Aigupta ram a ta an chhuah a chin thlahnihna, ni sawm leh ni nga niin, Elim hmun leh Sinai tlang inkara Sin thlaler (Arab thlaler) an va thlen khan a ni a, kha tah khan Ei leh in thu a lungawi lo Aigupta ngaia Mosia leh Arona chunga phun nawi reng, Israela thlahte hnenah khan a ni a Exd 16:4 a kan hmuh chu Pathian in Mosia kal tlanga a hruai chhuah israela thlahte kha, Pathian khan fiahna a nei a.

Kha tah khan khawvel mihring zawng zingah tu te hnenah nge, Pathian in sabbath serh tur a thupek a lo pek? tih sabbath serh bul lo in tan dan chiang takin kan lo hmu tan ta a ni, Exd 16:23-27 ah chuan

23 Ani chuan an hnênah, “LALPA thû chu hei hi a ni: ‘Naktûk hi Sabbath chawlhni,

LALPA Sabbath thianghlim a ni. Chhang ur tûr chu vawiinah ur ula, chhum tûr in neih chu chhûm rawh u; chumi bâng zawng chu a tûk atân dah ṭha ang che u,’ tih hi,” a ti a.

He mi hma zawngah hian tute mah in, tu te thlah mahin, ramdang khawi ram mahin , khawvela mihring lo awmtawh zawng -zawng te pawhin sabbath an serh thu hi khawi ah mah hriat tur leh hmuh tur a la awm lo a ni. kha ta Mosian sabbath ni chu Lalpa tan sabbath a nih thu leh chu mi a tuk sabbath ni ah chuan mana a tlak loh tur thu a han puan chhuah khan chang: 27ah 👉 Nimahsela, mi ṭhenkhat chu ni sarih niin chhar khâwm tûrin an kal chhuak a, mahse chhar tur reng-reng an hmuh zo ta lo va. A ti ta a, he mi awmzia chu Mosian sabbath ni chuan mana a tla lo vang, a tih kha, ring lo kan ti dawn nge ringhlel tu te kha an awm a ni. A chhan chu israela thlah te kha, sabbath ni serh la hre ngai lo , voite khatmah la serh ngai lo leh hmang ve ngai lo an ni tlat a, chu vangin mana chhartur zawng atuk sabbath ni a chhuak lui  kha an awm a nih kha. Mahse a tuk sabbath ni ah khan mana a tla lo. Aw le Kha tah khan eng vangin nge Israel mite khan Mosia thusawi kha an awih loh eng nge a chhan ni ta ang ? E le, A hma in ni serh an lo neih ngai loh vangin maw le, tih hi a chhanna chu a ni a.

Sabbath serh bul a lo in tan dan leh Israel te hnenah chauh thusawmpek thuthlung hi Pathian in a lo thlung a ni tih Bible chuan a sawi lai in, 

Bible tihziak ah a awm a lawm , hei, 

🎬🎬🎬🎬🎬

Nova a tanga Mosia inkar a mi te khan sabbath an serh ve tih a duh avangin, chu tianga puhluih belh luih na hmanrua a tan, Israela thlah te khan Aigupta Sal an nih avang leh hrehawm taka chhawr an nih na te kha sabbath an serh theih tawh lohna chhanah, sabbath serh an theih nghilh na chhanah, an bosal na chhan ah, chu ti ang chuan a lo phuah ve ta mai kha a ni a. Hei, en teh u, Bibleah chu tiang chuan a awm a nia, tih ni miah si lo, Bible thu thenkhat te kha la chhuak in kha ti ang khan a han cher chawp ta mai kha a ni a , Adama thlah Abela a tang a Mosia inkar a Pathian mi te khan sabbath an lo serh ve vek ti a, a chher thawnthawn ti awiawm tu a tan, kha tiang khan

Hmanrua ah a hmang ta kha a ni a. 

Adama a țanga Mosia inkar ah khan Pathian hian a ma mi, mi rinawm leh a thu awih tu chatlak lovin a la nei reng, sabbath serh hi an ni hnenah lo pe ve tawh ni dawn tase, a ni tihna ni lovin, chu tiang a theihnghilh mai chi a ni lovang. 

Amah erawh chu Pathian thu kan sawi hian kha tianga rinthil thu ngawt sawi lo deuh in, an serh ngei ngei ang tih hi thilchiang sa a ni, tih ang a va ngaihruat a rinpuh deuh chawt lovin. Pathian thu kan sawi rengreng hian emaw, kan zir rengreng hian tihziak ah a awm em, tih ziak nen a in mil em?  tih hi thupui berah dah ila a tha. Abela Setha Nova Abrahama ten sabbath an lo serh ve tih ang reng, rinthil thu zawng sawi lo ang u, a sawifiah nan pasarih lai chherchhawp a ngai dah ang e. dawt pakhat sawi chu a sawimawi nan pasrih phuah belh leh angai tuh ang deuh khan.

🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬🎬

Pathian in thusawmpek ang te kha Nova, Abarahama Mosia hun hmalama mi te ang, te pawh kha a lo hriattur vek tawh, Sinai tlanga Israel te ang khan Ranthisen nen a thlunpui lo mai chauh a ni , ti in Ama ngaih dan mai in Abela, Nova, Abrahama, Isaka, Jacoba te kha sabbath serhtir ve phet a tum in a bei zel a. Thupeksawm leh sabbath serh dan lo awm tanna hi kum zali chuang Aigupta bawih a tang Israela thlah te, Aigupta a tanga Pathian Kut chak tak an, a hruai chhuah hnu lam a tang chauh a lo awm ve chauh a nih thu Bible a tang chuan kan hmu a ni a, chu tih lai in Abela Setha Nova Abrahama khang hun tawh reng a sabbath lo serh tawh, ang a sawi țalh tum ang hi chu, sal nih vanga serh tgei tawh lo, theihnghilh tawh anga zeldin ang te hi chu, hriat sual vang ve liau liau chuan a lang si a, Bible he ti khawpa hrebel tu, leh mithiam tak ni si hian 👉👉Deut 5:2-3 Thu a** heng thu te hi kan pipute hnenah khan a thlung ve lo*** ti a Mosian a sawi kha, a ni lo zawnga lak kawi talh a, Abraham Isaka Jocoba te hnenah ranthisen nen chuan a thlunpui lo reng a lawm mahse thu hmangin a lo hriat tir tawh a ni, ti a țan han khawh luih talh talh hi chu, 

Sabbath ni hi, anpi le pu ten chawlhderna ni a lo hmang a, lo serh thin tawh ang ,ni dawn tak-tak ta se, (an lo serh thin a ni tihna ni lovin) ta se tihna a nih chu, Mosian, nak tuk hi Sabbath chawlhni, Lalpa sabbath thianghlim a ni, niruk chhung in in chharkhawm thin anga, a ni sarih ni, Sabbath ni ah chuan pakhat mah hmuh tur a awm lo vang, Exod 16 :26-27 thu a, Mosia Israel te a hrilh hriat lai khan, ring hleltu, an awm dawn lo.

Eng vang a, khang mipui te khan Mosian sabbath ni a mana a tlak loh tur thu Israel te zing a, a sawi kha ringhlel ta nge an nih kan tih chuan, Ele, sabbath Ni serh an hriat ngai loh vangin maw le. 

Kha lai Sin thlaler a (Arab thlaler) Israel te hnena Pathian in sabbath serh tura a hriat tir hma zawng kha chuan, mihring lo awm tawh, Adam a tanga Mosia inkara mi te khan eng ni mah serh an lo neih thu rengreng hi Bible ah hian a awm lo a , khang lai a mihring lo awmtawh a hrim-hrimte pawh khan Bible ah hi chuan tute ram mah khan ni serh bik nei an awm thu kan hmu reng-reng bawk lo a ni.  chu vangin he tiang a Bible a lang lo suangtuahna thil, zeldina Adama te Nova Abrahama Isaaka te lamlam Sinai tlang a tang chauh a, lo ințan thupeksawm sabbath serh thupek te hi, an ni te kha va serh tir ve phet i tum lo ang u.

A biblical lo deuh em mai.

Sabbath serh thuthlung leh ,thupek sawm te hi, tute hnenah nge a pek? tih chu Exd 31:13 (KJV Mizo)👈ah chuan👉“Israel fate chu hrilh rawh: ‘Ka Sabbathte hi in serh tûr a ni, kei hi nangmahni tithianghlimtu LALPA ka ni tih in hriat nân, in thlah kal zêlte thlenga kei leh nangni inkâra chhinchhiahna a ni si a***ti in kan hmu a, he tah pawh hian mahni duh dan dana India leh Japan ram ten emaw, ram ang te reng-reng pawh hian mi hring zawng-zawng tan a ti lawm ti a, lo serh ve ngawt theih a nih loh zia chu, Pathian hian sabbath serh hi Amah leh Israel te inkara chhinchhiahna tur a nih thu a sawi kan hmu a.

Chu ti ang tho chuan Exd 31:16 ***ah chuan ti hian kan hmu leh a***16 Chuvângin,  Israel faten Sabbath an serh tûr a ni a, kumkhaw thuthlung angin an thlah zawng zawngten Sabbath an serh tûr a ni, ti in,*** Israela thlah zawng-zawng ten tih hian ramdang a huam ve lo, an ni Israel te chuan kumkhaw thuthlung anga an hman tur, tih hi Pathian thu chhuak chu a ni a, 

Chu mai a ni lo,Exd 31: 17 **ah chuan **** Keimah leh Israel fate tân kumkhuaa thuthlung chhinchhiahna a ni ang; ni ruk chhûngin LALPAN lei leh vân a siam a, a ni sarih niin a châwl a, a intiharh si a,’ a ti e,” a ti a.*** ti in ,  Kei mah leh , Abrahama, Isaka, Jacoba te inkarah, tih ni lo in, Kei mah leh Aigupta mi te in karah tih pawh ni lo in, Kei mah leh hnamdang te inkarah tih lah ni hek lo in, Ramdaih daih te chu sawiloh, Kei mah leh Israel fate in karah tih a ni a, Israela fate ti hi ramdang mite va kawh ve tir theih a ni lo ve.  Israel fate thlah kalzel te tana kumkhaw thuthlung chhinchhiahna a nih reng tur thu, Pathian ngei in a sawi a, hnamdang ramdang daih lo sawi kai ve chi a ni lo ***

Ezekiela 20 19-20**ah chuan *** Kei hi LALPA in Pathian ka ni a: ka dân thuruatte hi pawm ula, ka rorêlna thûte hi vawng ula, zawm rawh u; ka Sabbath nite hi serh ula, kei leh nangni inkâra chhinchhiahna a ni ang a, tichuan, kei hi LALPA in Pathian ka ni tih in hria ang,’ ka ti a*** ti in Pathian in Ezekiela hunah pawh khan sabbath ni serh hi a rawnhriat nawn tir leh a .

Heng sabbath serh tur thupek leh a kaih hnawih kan hmuh zawng-zawng te hi khang hun vel ah khan ram tamrak leh thil ti thei ram ropui kulh nghet taktak nei te pawh kha an lo awm ve nuk tawh nual a ni, mahse, Israela thlah te hnenah tih lo sabbath serh ve tur a Pathian in ramdang mi te thu a lo pek ve na, hi hmuh tur a awm lo a ni, chu chu thu dik tumaha hniak theih loh a ni tawp. Pathian leh Israel te inkar a chhinchhiahna chauh a ni,tih hi tun chin ah chuan hrethiam tlang tawh thei ila.

Chipchiar deuh leh chiang leh zual zawk in hansawi zel dawn ta ila, Israela thlah te hnena sabbath serh tura thupek an lo nih chhan leh, Sabbath an serh chhan hi, Israela thlah te kha Aigupta sal ah tang in, nasa taka rahbeh leh rimtaka chhawr an ni a. Chu sal an nihna din hmun Aigupta lal Pharoaha leh a mite rahbehna hnuai atang chuan zalena an lo hmu ta a, Israela thlah te khan zalena an lo hmuh dan kha a dang lam tak a ni. Entirnan ramtin te hian emaw, a hnam zawng te pawhin emaw a sawi theih tho awm e, mi, tu te emaw Ram chak zawk le thil ti thei zawk te, awpbehna hnuai, chu tiang a țanga a ta, chhuah zalen kan lo nih hian emaw, tu ma awpbeh tawh loh ram, ram zalen kan lo nih tak chin ah chuan , chu tiang awpbehna hnuai a țanga zalenna kan lo hmuh na ni chu kan ngai hlu in kan ngai sang ta emem thin a, chu tiang ni chu Rampum huap zalenna ni a tan Ni serh ah te kan siam thin a, kan hmang thin ani. Israel te hian zalenna anhmuh dan hi ramdang ten zalenna kan hmuh dan ang hi a ni ve lo a. Kawlram chuan zalenna kan hmuh dan chu General Aung Sana leh a țhian ten nasa takin silai nen an rammu a, an bei a, a sual in an sual chhuak a ni ber a, chu tiang chuan ramdang te hi chuan zalenna kan hmuh dan te chu, a țhen te chuan politic an thiam vangte in emaw, an țan rual thiam vang leh an mahni awpbettu a do a an do hneh vang hrim-hrim te in emaw a ni thin.

Israela thlah te erawh hi chuan zalenna an lo hmuh ve dan hi, An mahni rapbet a awpbet tu Aiguta te an do hneh vang emaw, Aigupta te ai a politic an thiam zawk vang emaw , an chah em em vang in emaw leh an tanrual thiam em em vang emaw, chu tiang avanga (vang awm a) zalenna hmu an ni ve lo a ni. Deuteronomy 5:15 ah chuan kan hmuh chu Pathian kut chak tak a chuan an mahni chu a hruai chhuaka, Pathian thiltih theihna a vang liauliau a Pathian in a hruaichhuah a, chu ti ang a zalena hmu chu an nih thu kan hmu a ni. Chu an nihna chu, engtiang din hmun a tanga zalenta nge an nih, an hriat chhuah reng theihna turin leh Pathian in ni sarih sabbath ni hi an zalenna ni a tan, kumkhua an hriat reng turin leh an serh turin a pe ta a ni.

A bible thu kha han chhiar nawn leh ta ila, Deut 5:15**Aigupta ramah khân sal in ni a, LALPA in Pathian chuan kut chak tak rawn phar chhuakin, chuta ṭanga a hruai chhuah in ni tih hre reng ula; chuvâng chuan a ni, LALPA in Pathianin Sabbath ni serh tûra thû a pêk che u ni. ***Chu vang chuan a ni, a tih chuan , hrereng ula a tih, Aigupta ah khan sal in ni, Lalpa in Pathian kut chak tak rawnphar chhuakin, chu ta țanga a hruai chhuah te in ni tih,*******!!!! chu lai an dinhmun chu englai pawh a an in hriat chhuah reng theihna turin, sabbath ni hi a pek chhan chu a ni ta ni. 

Aw le thusawmpek sabbath serh thuthlung chungchang hi tu te hnenah ah nge Pathian in a lo pek?, tih tun țuma a tawpna ber a tan, pakhat in han belh leh ila, chu mi atan Pastor Pl Biakchawna thu sawi ngai thla ang aw.

Deut 5:3 thu la chhuak a, Khang Abel a tang a, Nova Mosia Abrahama Isaaka Jacoba te hnenah pawh thupeksawm pek thuthlung sabbath serh tur thu an ni hnenah pawh a lo pe ve vek tawh a ni, Ranthisenin sinai tlanga Israela thlah te a thlunpui ang erawh kha chuan an ni hnenah a tlunpui ve lo mai a ni , ti a Pastor Pl Biakchhawnan a sawi țhin leh khang sawifiah nan a hman thin Sam78 thu Nova Abraham te chanchin emaw ti a a va sawi zawm dan ang kha, A bikin Pastor Pl Biakchhawnan An thlahtu te henah a thu in a lo hriat tir tawh, a lo pe ve vek tawh, tih nan a hman thin, Sam 78: thu hi  A sawi dan ang tak khan Sam 78: an thlah tu a ti Abela te Abrahama te pawn sabbath an lo serh ve thin a ni tihna a ni thei ang em? 

Sam78 a chhung thu a chang pumpui in a sawi te chu han chhui dawn ila👈 A fiah fai deuh theih nan ,a Bible chhung thu Sam 78 : hi tamdeuh in in han chhiarchhuak phawt ta ila, A chhan chu a chhung thu ah hian eng chanchin nge lo awm, Adama a tanga Abrahama Isaaka te Jacoba te chanchin sawina a ni reng em? tih finfiah a aawm a, kan hriat chian leh zual zawk theih nan.

Sam 78:3 Chûng chu kan hriata kan ngaihthlâk tawh,Kan pute min lo hrilh ṭhin kha a ni.4 An fate lakah kan zêp lo vang a,

Ṭhangthar lo la awm turte hnênah LALPA fakawmzia te,

A chakzia leh a thil mak tihte chu kan hril zawk ang.5 Jakob-ho tân hriattîrna a tihnghehsak a,Israel ramah dân thû a pê a,

An fate hnêna an hlan chhâwn zêl theih nân Min thlahtute chu zâwm tûrin thû a pê a.

Chang: 6 Ṭhangthar lo la awm turten an lo hriata,Nau lo la piang tûrte pawhin an hriata,

Chûngte chu lo thovin, an fate an la hrilh chhâwn zêl tûr thû a ni a,7 Pathiana beiseina an nghah theih nân te,Pathian thiltihte an theihnghilh lohva,A thupêkte an zawm zêl theih nân;8 An thlahtute an chhun lohva,Chhuan luhlul leh hel hmang ni ve lo va, Chhuan thinlung dik lo pu mi pawh ni bawk lova,Pathian tâna rilru rinawm lo pu an nih hek loh nân a ni.9 Ephraima thlah râlthuama inthuam, thalngul kengho chu,Indo nî chuan an tlânchhe ta si a.10 Pathian thuthlung chu an zâwm lo va; A dân angin an nung duh bawk si lo.12 An thlahtute mithmuhah thil mak takte a ti ṭhîn a, Aigupta rama Zoan phaizâwlah khân.13 Tuipui chu a tiṭhen phawk a, anni chu a kal kaitîr a; Tuite chu thil intiang vûm thûr angin a dintîr luah a.14 Chhûnah chuan chhûmin a hruai a. Zanah mei êngin zan khuain a hruai ṭhîn a.15 Thlalêrah chuan lungpuite a tiphel a,Tui thûka tui ang maiin hnianghnâra in tûr tui a pê a.16 Lungpui aṭang chuan luite tui a luantîr a, Luipui ang maiin tui chu a luan thlâktîr a.

Ti in Sam 78:12-17 thleng thu hian , sraela thlah te mit hmuh ngei ah Pathian in thil mak rapthlak tak te a tihsak thu , Tui finriat a tih then thu te. Chhunah chhum zanah MEI ENGA a hruai thin thu te, Thlaler ah Lungpui a tanga tui a pek thu te kha a sawi chu a ni a, chung te chu Exod leh Number bu ah khan Mosian Aigupta a tanga a hruaichhuah Israel te chanchin te kha a ziak nih kha. Khang chanchin kha Exd 7:12, 12:32, Exd 14:21-22, Exd 13:2121-22, Exd 17:1-7; Num 20:2-13; Exd 16:2-15; Number 11:4-23,31:35; John 6:31, ang ah khan a chipchiara ziah hmuh theih in a awm a ni.

Sam 78:18 a tangin chhiar leh ang *** An ei châk zâwng tak dîlin An thinlungin Pathian an fiah a.19 Ni e, Pathian an sawi chhia a:

“Thlalêrah hian Pathianin ruai a ṭheh thei emaw chu?”an ti a.23 Chuti chung chuan chung lama chhûmte chu thû a pê a, Vân kawngkhârte a hawnsak a;24 An ei atân manna chu a sûrtîr a,Vân lam châwin a hrai ta a.25 Mihringten Vântirhkoh châw an ei a: Hnianghnâra ei tham châw a pê a.26 Khawchhak thlî chu vânah a tlehtîr a; A thiltihtheihnain chhim thlî a hruai a.27 Vaivut ang maiin sa ei tûr chu a sûrin a sûrtîr a, Sava thla neite chu tuifinriat ṭiauvut ang maiin an tam a;32 Chuti chung pawhin an la sual ta deuh deuh a, A thil mak tihte chu an ring chuang lo.34 Anmahni a tihhlum apiangin amah chu an zawng ṭhîn a, Inlamlêtin ṭhahnemngai takin Pathian an zawng ṭhîn. 35 Tichuan, Pathian chu an lungpui a ni tih an lo hre chhuak leh ṭhîn a, Pathian Chungnungbera chu an tlantu a ni si a. 36 Nimahsela, amah chu an kâin an fak der a, 

An leiin dâwt thû an hrilh ṭhîn.37 An thinlung chu a lakah a nghet si lo va, A thuthlungah pawh an rinawm hek lo.40 Thlalêrah khân an va han tithinur zingin, Ram rovah khân lungngaiin an va siam zing tak êm!41 Ni e, vawi tam tak Pathian an fiah a,

Israel Mi Thianghlima chu an timangang ṭhîn a ni.42 A thiltihtheihzia an hre reng duh lo va, Hmêlma laka a chhanhim nî te pawh an hre duh hek lo, *** Ti in he lai thu , Sam 78:18-42 thleng thu hian 👉 Thlalera Israela thlahte Aigupta ngaia an phunchhiar reng thu te, Pathian an chungah a thinurna thute , MANA van a tang a surtir thute, sa an chaka Vamin a pek thu te, chu ti ang a Pathian in a thlahthlam loh va a, a chhawmhlawm zel chung pawha Pathian chunga an hel reng thu te kha, Sam 78:18-42👈 hian a sawi chu a ni leh bawk a .

Sam 78: 43 Aigupta ramah khân thil mak tak tak a ti a, Zoan phaizâwla a thil mak tih te; 44 An luipui thisena a chantîr te, An tuikhurte pawh in theih loh tûra thisena a chantîr te kha an hre reng duh chuang lo.45 Anmahni ei kawnkâw vek khawpin tho a puantîr a; Chungû-te a tîr bawk a, chûngte chuan anni chu a tichhe vek a.46 An thlâite pawh pangang ei atân a pê a, An thlâi thar chu khaukhuap a pe bawk a.47 An grêp hruite chu rial a den chhiattîr a, An theipui kungte pawh chu vûrin a hmet hlum a.48 An rante pawh rial chhut tûrin a pê a, An ran rualte chu ṭêkin a dêng a.49 An zîngah chhiatna thlentu Vântirhkoh a tîr bawk a Thinrimna te, beidawnna te, manganna te nên, A thinurna râpthlâk tak chu an chungah a leih bua a. 51 Aigupta mite fa tîr zawng zawng a tihlum a, Chûngte chu Hama puan ina an chakna rah hmasâte an ni a. Chu vangin Sam 78: thu hian tu te chanchin nge a sawi tih chu a ruh lang in, Exd bung 7: a țanga bung 11 thleng a mi, Israela thlah te Aigupa a tanga chhuah phal lo tu Aigupata Lal leh a ram , a mi te Pathianin a hremna cahchin Kha a ni a , He lai Sam 78:43-51 hian a sawi chu , Aigupta Lal Pharaohan Israela thlahte Aigupta a tanga Chhuah tir a phalloh avang a Pathian in Aigupta luipui thisena a chantir thute, THO a puantir thu te, Ti chhe vek tura CHUNG U a tirh thute, An thlai te Pangang a ei chhiat tir thu te, An grap hrui RIAL a den chhiat tir thu te, an rante pawh RIAL leh TEK a, a den hlum vek tir thu te, Van tirhkoh tir chhuaka Aigupa fatir zawng zawng a tih hlum sak thute kha, Sam Bung 78: chang 43 a tangin 51 hian hla thu hmang a sawi chu a ni leh a .(((( Sam 78:44-60 referance Exd 7:17-21; Exd 8:1-6, 23-24; Exd 18:12-15; Exd 9:22-25; Ex 12:29; Ex 13:17-22; Ex 14:26-28; Ex 15:17; Josh 3:14-17; Johs 11:16-23; Ror 2:11-15; Josh 18:1; Jer 7:12-14 , )))

Sam 78:52 a tang hian han chiar thla leh i la*** Ama mite erawh chu berâm angin a hruai chhuak a, Ran rual angin thlalêrah khân a hruai zêl a. 53 Hmun himah a hruai a, engmah hlauh tûr an nei lo; An hmêlmâte erawh chu tuipuiin a chîm pil ta vek a ni 54 Anni erawh chu a ram thianghlimah a hruai thleng a, Chu tlâng, a kut ding lama a lo lâk tawh ngeiah chuan.57 An thlahtute ang thovin an hawi kîr a, vervêk takin an khawsa leh ta mai a; Thalngul kâwi ang leka rintlâk lohvin an kal kâwi a.59 Pathianin chûng thilte chu a lo hriatin, a thinrim êm êm a,

Israel-ho chu a ten ta hluah hluah a.**** ti in Irsaela thlah Aigupta a țanga chhuak te thlaler ramro a Pathian phatsan reng țhin te chanchin kha a ni leh a. Aw le Sam 78: thu te hi, a chang pumpui thu awmzia hi Pastor Pl Biakchhawnan thlah tu a tih Nova, Abrahama Isaka, Jacoba te chanchin emaw a tih kha a ni a. Mahse Sam 78: thu pumpuiin a sawi chu Israela thlah te Aigupta ramchhung a an khawsak chanchin te a ni a, thlaler a an chanchin te a ni a, 

Sam78 thu hi Khang Adama Nova Abrahama Isaka Jacoba te Mosia hun hmalam a mi te chanchin sawina a ni lo. He lai thu chu Jacoba thlah Aigupta sala Kum engemaw ti zah zu tang chu ta tanga chhuak leh te chanchin sawina zawk a ni si a,  

Pastor Pl Biakchhawnan Sam 78: chang 5 thu kha a bel lohna turah a bel a ni. Kha ti ang a He lai thu hi, Sam 78:5 hian Jakob-ho tân hriattîrna a tihnghehsak a,

Israel ramah dân thû a pê a,

An fate hnêna an hlan chhâwn zêl theih nân

Min thlahtute chu zâwm tûrin thû a pê a. A tih a vang hian, He lai a thlah tu tih lai tak hi, Adama Nova Abrahama Jacoba hun hmalam zawng a mi te kha emaw ang tur ah khan, a va mitthla, ta mai ni hian a hriat a, A mah erawh chu Sam 78: ah hian chung te chanchin a lang lo. Chu vangin in sawhsawn tum lo va kha tianga A kalpui zel dawn a nih chuan, Adama Nova Arahama Isaaka ang te hi Jacoba thlah an ni te tih law law zawk se,

I

Chu vangin SDA unau duh tak te u, i ngaih tuah, chiang ngam hram ang u, Zirtir tu pastor te hi a tu a pawh lo ni rawhse, kan pastor in a sawi dan a ni tlat a, kan kohhran rindan a ni miau a lawm, tih ang hi in nghah nan a tlak lo , Pathian thu hriltu zawng-zawng te thu sawi hi Bible nen a in mil em tih, chikna chang i hria ang u. Thu dik lo a nih chuan asawi tu chu a tu a te pawh ni ang hmiang, eng anga miril leh thiam te pawh lo ni mahse, Pathian thu Bible nen a in mil miau si loh chuan, a dik loh ang-ang zel in kan pawm ve zel dawn tihna em ni ang? , a dik lo tih hrereng chung a, dik ang ziazang a , kan lo pawmpui lui thei tho a nih zel chuan emaw, pawl thurin a nih vang mai a kan lo sahuai thing vawn țalh țalh zel thei tho dawn a nih chuan, kei mah ni thiam loh a ni dawn. 

Pathian thu kan zir reng reng hian, Chang hnihkhatah ngaih dan i siam mai lo ang u. Changhnih khat a fiah tawk lo hi a lo awm thei a nia, a changzawm a chang dawt leh thlengin kan chhiar thla zel tur a , chu ta a fiah loh cheu pawhin a chang pumpui in kan chhiar chhuak țhin tur a ni, A context , a historical background hriat chian a tha. A chhungthu hian engnge a sawi tihte hriat a ngai a, Divine and rule, a nihna tur ang taka thenfel thiam te pawh a thupui a sin.

 ****Joshua 5:6 **ah chuan ti hian***  Israel faten LALPA thû an âwih loh avângin Aigupta aṭanga lo chhuak mipa râl do thei chin zawng zawng an thih vek hmâ chuan thlalêrah khân kum sawmlî an vâkvai a: chûngho chu an thlahtute hnêna LALPAN chhe chhama pêk a lo tiam khawizû leh hnute tuia luang ram chu an hmu ve lo vang tia LALPA a lo intiam tawh vâng a ni. Joshuan a lo ti ve bawk a, chu vang in sawi leh sawi hnu Sam 78: thu hi Abrahama te chanchin a ni lo tih hi Pastor Pl Biakchhawna Ka pu duhtaka hian khawngaih takin hrethiam thei hramse ka va ti tak em, dik lo taka hrilhfiaha belh luih luh tumna hian, a dikphah tir zo dawn chuang si lo a. Bible hi kan ngai poimawh tak-tak a nih chuan a ziak nen a inmil ang deuh te hian i pawm ngam hram teh ang u.

Sangbera nupui tan Mawii pek a ni. Sangbera Pi leh Pu An thlahtu te hneah pawh a thu hmangin Mawii a lo pe ve tawh tih ang a ni.