THU THLUNG HMASA A RAL TAWH, THUTHLUNG THAR AWMZIA ,SABBATH SERH HI CHHANDAMNA A NI EM?

Khang Thuthlung hlui huna Dan te kha, thupek sawm leh dan dang neuhneuh te pawh kha a ni ang. Pathian in evangin nge a lo pek?  Paula chuan ti hian a sawi a.Galatia 3:19 (MGB) A nih loh leh, engtiziaa Dan chu awm nge ni le? Bawhchhiatna hi sual a nih tilang fiah tura thutiam belhchhahna a ni a, Thutiamin Chi Thlah (Isua tihna) a tih lo kal hmaa hman tur, vantirhkohte hmanga palai kuta pek a ni. Paula hian Dan ropui tak kha Isua a lo kal hmaa hman tur tiin a sawi a, thutiamin Chi Thlah a tih hi Isua sawina a ni a, Khang Ninai tlang dan thupek kha chu thutiam in Chi Thlah a tih Isua lo kal hnuah erawh Paula vekin Galatia 4:2, 4-5 (MGB) a pa ruat hun chu a lo thlen hma loh chuan vengtu leh enkawltute hnuaiah a awm zawk a ni. 

nimahsela a hun bi a lo kim khan fa nihna kan hmuh theih nan Dan hnuaia awmte chu tlan turin Pathianin a Fapa, hmeichhe hrin, Dan hnuaia lo piangin a tir chhuak ta a. Aw le Tunah chuan Paula sawi dan Bible a kan hmuh ang khian Dan aiah a taka hman tur Isua Krista chu khawvelah a lo kal tawh si a, a lo lang tawh si a, A poimawh zawk a lo lan hnuah chuan, chu mi hmaa hman tur a tih te kha chu, chu poimawh zawk lo langa chuan a rawn ti bang ta , ti tawpt a a ni tawh ber mai. Paula vek khan Rom 10:4 ah chuan,  

A ring apiangten dikna an chan theih nân, Kristaah chuan dân ram a tla* tawh si a. Rom 10:4-5 (MGB) Krista chu a ring apiangte tan felna an hmuh theihna turin Dan tibangtu a ni si a.

chang: 5na ah chuan, Mosia chuan, “Dana felna zawm chu, chu felna avang chuan a nung ang,” tiin a ziak a. 

Thuthlung hmasa hi eng vangin nge thlun nawn a ngaih?

Hebrai 8: 7 Thuthlung hmasa chu sawisêl bo ni ta se, thlun nawn a ngai lo tûr. 8 An tlin lohna hmu reng chungin tihian a sawi a: 

“Ngai teh, nî te chu a lo thleng mêk e, LALPAN a ti, 

Israela chhûngkua leh Juda chhungkua te 

Thuthlung thar ka siampui hun tûr chu–9 An thlahtute Aigupta ram aṭanga hruai chhuak tûra 

An kuta ka chelh nia an hnêna ka thlun ang kha a ni lo; 

Ka thuthlungah chuan an awm reng ta si lo va, 

Chuvângin anni chu ka ngaihsak ta lo a ni, LALPAN a ti. 

Thuthlung hmasa thhusawm pek leh sabbath serh tih ang te kha, kan sawi tawh ang khan OT hunah khan, Israel Hnambil te tan chauha an kumkhaw thuthlung a tan Pathian in a lo pek a nih avang khan, Israel te lah khan tumah sabbath serh leh thu sawm pek zawm avanga thiam chan thei leh thafamkim thei an awm chuang bawk si lo, Israel te tan thusawmpek hi zawhloh nghawngkawl a ni ringawt mai a. A tha lo tihna a ni lo chu ti angin lo la kawisuh u, thusawm pek hi a tha famkim Pathian mizia famkim puanchhuahna a ni. Israel te mah khan chu thusawmpek Dan thu rema awm reng thei an awm lo. (Sinai tlanga han la tu , a mah Mosia a ngei pawn, Pathian thupek a zawm thei lo, a thih phah )

Mark 14:24 (kjv) Amah vêk chuan an hnênah, “Hei hi ka thisena thuthlunna thar, mi tam tak tâna chhuak tûr chu a ni.

Matthaia 26:28( kjv) Hei hi ka thisena thuthlunna thar, mi tam tak sual ngaihdam nana chhuak tur chu a ni. 

Matthaia 26:28 (MGB) hei hi ka thisen, sualte ngaihdam nana mi tam tak tana chhuak tur, thuthlunna chu a ni. 

Hebrai 8:9-13 (MGB) An thlahtute Aigupta ram atanga hruai chhuak tura An kuta ka chelh nia An hnena ka thlun ang kha ni lovin; Ka thuthlungah chuan an awm reng si lo va, Tichuan anni chu ka ngaihsak ta lo a ni, Lalpan a ti.

Chung ni hnuah chuan Israela chhungte hnena Thu ka thlun tur chu heng hi a ni, Lalpan a ti; An rilruah ka thupekte ka dah ang a, An thinlungah ka ziak bawk ang a, Tin, anni tan Pathian ka ni ang a, Keia tan anni chu ka mite an ni bawk ang;

Tin, mi tinin ‘Lalpa chu hre rawh’ tiin, Mahni tualkhatpui leh, Mahni unau an zirtir dawn tawh lo va; A te ber atangin a lian ber thlengin, An zain mi hre theuh tawh dawn a ni.

An bawhchhiatnaahte zah ka ngai ang a, An sualte pawh ka hre reng dawn tawh si lo,” tiin.

“Thuthlung thar,” tiin a sawi avang khan a hmasa chu a tihlui ta a ni. Tichuan lo hluia lo upa tawh chu a ral dawn dawn a ni.

SABBATH SERH HI CHHANDAMNA A NI EM?

Pathian ringa Sabbath serh tura a thupek Sabbath serh te chauh Sabbath ni a chhinchhiah an ni dawn, Sabbath serh ve lo te chu rorelna ni ah chhandam an ni ve dawn lo, tih anga chhandamna tehfung a tana Sabbath ni hmanga zirtirtu te hian Pathian thu hi a bukthelh mai ni lo, a rampum in an thelh a ni.