Trinity

Trinity 

Thuthlung hlui vek atang tawhin Pathian pakhata minung Pathum hi hmutheih ani reng tawh a.

Thuthlung hluia Isua hi Vantirkoh angin a lo inlar tawh reng ani... 

In zir ho teh ang u..

                (Jacoba leh Vantirkoh inbuan)

Genesis 32:24-30" 

24Jakoba chu amah chauhvin a awm ta a; khawvâr hma chu mi pakhat hian a buan a. 25Jakoba chu a hneh tâk loh avângin a khêl a khawihsak a, a khêlruh chu an inbuanna lamah chuan a pelh ta a. 26“Ni a chhuak dâwn, mi thlah rawh,” a ti a. Jakoba chuan, “Mal mi sâwm hma chu ka thlah lo vang che,” a ti a. 27Ani chuan, “Tu nge i hming?” a ti a. “Jakoba,” a ti a. 28“Jakoba an ti tawh lo vang che, Israela i ni tawh zâwk ang. Pathian leh mihring i buan a, i hneh tâk zâwk avângin,” a ti a. 29Jakoba chuan, “Khawngaih takin i hming min hrilh teh,” a ti a. “Engati nge ka hming min zawh?” a ti a, mal a sâwm a, a kalsan ta a.

30Jakoba chuan chumi hmun chu Peniel ("el" hmun tihna) a vuah a, “A hmai chhanah Pathian ka hmu a; mahse, nungdamin ka la awm a nih hi,” a ti a. "

A Omzia chu Jacoba Vantirkoh a buan a, a hneh ta a 'Israel' a Pathaan buan tih alo nit a...

                         (Jacoba tawngtaina)

Gen48: 15-16 "15Hetiang hian anni chu mal a sâwmsak ta a:

Ka pa Abrahama te, Isaka te zui ṭhin Pathian,

Ka pian ni aṭanga tûn thlenga min vêngtu Pathian,

16Thil ṭha lo zawng zawng laka min tlantu  Vântirhkoh chuan

Hêng naupangte hi malsâwm sela,

Anni hi ka hming leh ka pa Abrahama leh Isaka hming pu zêltu ni sela.

Leiah hian lo pungin tam tak ni rawh se,” a ti a."

Tlantu=הַגֹּאֵ֨ל (hag-gō-’êl) tih  hmang a...

He thu hag-gō-’êl (הַגֹּאֵ֨ל) tih hi Pathian tlanna hmangina sawina  Sam 103:4 a hman ani bawk... 

Chulova "Vantirkoh chuan heng naupang te hi malsawm sela" ati a hi "malsawm" ati hi singular verb hman ani... Chumi onzia chu a tira  bung 15 na "Pathian" a ti leh "Vantirkoh in malsawm sela" hi singular verb ve ve mi inanglo, mi hrang ve ve in a sawi tihna ani...

Tichuan genesis 35:1 ah "Pathianin Jakoba hnênah, “Bethel-ah kal la, han awm rawh. I u Esauva i tlânbosan laia i hnêna inlâr Pathian kha maichâm siamsak ang che,” a ti a.

Chu Vantirkoh inlar chu Pathian anlo zunjireng a mawle...

Chang 7 na hian a chaing lehzual khai mah aw..."Tah chuan maichâm a siam a, a u a tlân bosan laia chumi hmuna a hnêna Pathian a rawn inlâr avângin chu hmun chu El-bethel a vuah a."

" Pathian a rawn inlar a " tih lai hian a hebrew contex chuan plural hmang tlat ani...

Hei te pawh hi mak tak ani...

Chuti he Vantirkoh hi tunge mo ani ringawt le? 

Jacoba mumang hi in em teh ang..

Genesis 31:11 "11Ka mumangah chuan Pathian Vântirhkohvin.......(Ranrual vel a sawipui a) " Chang 13 na ah Vantirkoh chuan 

"BethEL ("el" hmun)-ah i lungphun hriak i hnawih a, thu i tiam a, khata i hnêna inlâr Pathian kha ka nih hi."

Ava mak ngai em Vantirkoh chuan Pathian ka nih hi a ti ta tawp mai le..... Pui tak ani... 

Jacoba hian alo hrechiang ngei mai... a hnu zel a Genesis 48:15-16 ah khian minung hrang ve ve singular verb hran ve ve pe in alo then hrang hmiah mai le.....

Ava mak em.....!!!

Chutichuan he Vantirkoh hi Mosia hunlai pawhina anlo Chiang khopmai.

Zacharia3:3-4 "

Josua chu Vântirhkoh hmaah a ding a, a silhfên chu a bâl hle a. 4Vântirhkoh chuan a hmaa dingte hnênah, “A silhfên bâl kha hlihsak rawh u,” a ti a. A hnênah chuan, “En teh, i khawlohna ka la bo va, silhfên faiin ka thuam dâwn che hi,” a ti a. "

He Vantirkoh hian mi khawlohna te alo labo vel ani chu mawle? Ava mak em 

Mika 7:18 ah "Nang anga sualte ngaidama,

Rochan la awmte khawlohna la bo ṭhîn.

Pathian dang an awm em?" Tiin Midang an awmlo zia a sawi si a......

He Vantirkoh hi en leh ta ila 

Isiah 63:9 ah "An manganna tinrêng a tuarpui a,

Vântirhkoh ni lo, amah ngei chuan a chhan ta a,

A hmangaih a, a lainat êm avângin" 

Heta "Vantirkoh nilo" tia Vantirkoh ni chiahlo.. Vantirkoh nitur lek chuan a san lutuk vanga heyiankizo tawnga leh hi ani a... A original hebrai tawng  chuan( פָּנָיו֙) pā-nāw 'awmpuitu/awmpuina" awmpuitu "angel of his presence" tiin English bible a lehlin ani a...hemi isiah hian a sawi hunlai hi Mosia hunlai Pathian in Israel fate a hruai hunlai kha ani.....

Chu chu exodus ah han en ila

Exodus 33:2 ah "Ka Vântirhkoh chuan in hma a hruai ang a" 

Heta isiah63:9 leh exodus 33:2 a Vantirkoh thuhmuh "the angel of my presence a tih kha ani...

Exodus 33:14 ah "Ani chuan a chhâng a, “In zîngah ka tel ve zêl ang a, ka chhâwk zâng zêl ang che,” a ti a."

Pathian awmpui Vantirkoh hmang chuan pathian chu Israel fate zinga a lo tel ve zel ani...

Chu engzat nge aw... 1 Pa Pathian vana ropui taka awm.. kan nei a 2 Vantirkoh (angel of his presence, lutiawiloh haulo tur , ngaidam lo tur che, mi khawlohna ngaidama sual te hilsak theina thiltihtheina nei mi nung hrang .... Ama hmu chu Pathian hnu tluk Anga en tur, Bethel Pathian ka ni inti a kan nei bawka..a pa3 na kha in zawng vele teh ang.

Isiah 63:10 "Mahse, a lakah chuan an hel ta a,

A Thlarau Thianghlim rilru chu an tina a,

An hmêlmaah a ṭang ta a,A bei lêt ta a ni"

Pathian thlarau hetia hian kan hmu a... Rilru hran nei, ngaituahna thinlung leh feelings tih nat thei mining hrang bawkin kan hmu ani...

Chang 14 na Kan chhiar chu e

He Thlarau hian "Lalpan a Thlarauvin a thlamuan a,

A mite chu hruaiin hming ṭha a chher ta e."

Mahse minung hrang pathum te hi Pathian pakhat vek an ni exodus 33 ah Chuan Kan hmu lehsi ani...

Hemi awmzia chu tuna Christian ten kan rin chiah Trinity Pathian pakhat minung pathuam a rawn kawl chiah ani.....

Deutonomy 6:4 Aw Israel-te u, ngaithla teh u, Lalpa, Lalpa i Pathian chu Pathian pakhat ani"

Shema Yesrael YHWH Elohim, YHWH echad

 Tih ani a..heta "echar" a tih a hi plural one....

.thil pakhat aia tam pahat a sawi zawm na a thumal a  Hmang ani... 

Echad tih hi genis 1:9 ah hmundanga zawng zanwg aia  hmun khat pun khawm tura sawinan a hman ani a..

Gen1:5 he echad(one) bawk hi ni dang zawng zawng a ni pakhat(echad) sawina na hmang ani bawka.

Gen2:24 ah nupa,  mi pahinh, inkawp pakhat ani e tia sawi kawp nan "echad" tih chu hman ani bawk....

Hei hian Israel te Pathian Pathian pakhat(echad) an tih a hi singular one nilovin plural one a sawi tih Kan hmu thei ani....

Chuti chuan thuthlung hlui leh thuthlung thar i cross referencing pahnih han belh lawh ta ila

                     (Davida fakna hla)

Sam 110:11 Lalpa thuchhuak chuan ka Lalpa hnênah,

‘Ka ding lamah lo ṭhu rawh,

I hmêlmate i ke nghahchhanah ka han siam ang e,’ a ti."

 Lalpa pahnih an inbiak thu davida chuan a sawi a.... A original hebrew en in pahkha hi 

YHWH kan tih a kha ani a pakhat hi Elohim tiin a sawi ani... PATHIAN ve ve inbin an nih chu...

Chuti chuan Matthai zia isua heta Pathian (elohima) amah messia (isua) ani tiin rawn hmehbel hmak ani...

Matthaia22:41Farisai-te kal khâwm chu Isuan thu a zâwt a, 42“Krista chu eng angin nge in ngaih? Tu fapa nge ni?” a ti a. Anni chuan, “Davida,” an ti a. 43Ani chuan an hnênah, “Davidan engtizia nge thlarauva sawiin ani chu, ‘Lalpa,’ a tih si?

44‘Lalpa chuan ka Lalpa hnênah,

Ka ding lamah lo ṭhu rawh,

I hmêlmate i ke hnuaiah ka han dah ang e,’ a ti si a. 

45Davidan ani chu, ‘Lalpa,’ a tih si chuan, engtin nge a fapa mai a nih theih?” a ti a.

46Tu man kam khat mahin an chhâng thei lo va, chumi a chin chu tu man thu dang rêng rêng an zâwt ngam tawh hek lo.

Cross refencing pa2 na...

Sam 102:25-27 "25Nangin lei hi hmâna i siam a ni,

Vân pawh i kutchhuak a ni e.

26Mahse, an boral ang, nang erawh chu i awm kumkhua dâwn a,

I hmaah chuan silhfên angin an chul ang a,

Puan ang maiin i hluihlâwn ang a,

An ral vek ang.

27Nang erawh chu a ngai reng i ni a,

I kumte chuan kin ni a nei lo vang."

Hei hi tlangval tawngina tia ziah ania... Pathian hnena tanwgitaina ani...

Pathian in he tawngtaina hmang vek hian isua chu a chawimawi a....

Hebrai 1:8-14 "8Fapa thu a sawi erawh chuan heti hian a ti:

“Aw Pathian, i lalṭhutthlêng chu a awm kumkhua ang.

I ram rorêlna chu rorêlna dik a ni. 

9Felna i ngaina a, dik lo i hua a,

Chuvângin, Pathian, i Pathian chuan

I ṭhiante aiin duhsakna hriak a thih ta bîk che a ni.”

10Heti pawh hian a ti bawk:

“Aw Lalpa, a tîrah nangin lei hi i siam a,

Vânte pawh khi i kutchhuak a ni. 

11Chûngte chu an la boral ang a,

Nang erawh chu i awm reng ang.

Chûng zawng zawngte chu silhfên angin an la hlui ang a,

12Puan angin i zial ang a,

Silhfên angin i la thlâk ang.

Nang zawng i ngai reng a,

Kin ni i nei lo vang.”

13Vântirhkoh zînga tu hnênah nge,

“Ka ding lamah lo ṭhu rawh,

I hmêlmate

I ke nghahchhanah ka han siam ang e,”

a tih ngai? 

14Vântirhkoh zawng, thlarau chhandamna changtute rawngbâwlsak tûra tirh an ni lâwm ni?"

Hei hi Pathian tawng Kam chhuak ani...

He chang ah hian chu Vantirkoh thuthlung hlui a sawi chu Vantirkoh nilovin a Vantirkoh zawng zawng aia chungnung a fapa ani, a rual lei leh van siam tu chu ani tih Kan hmu thei ani....

Ani Chuan engvangin Israel mite khan an pathian Biak hi in a hriatloh ni... A then in Trinity ani tih  an hriat si chuan?

 Matthaia 11 ah hian a Chiang ani..

"25Chumi lai chuan Isuan heti hian a ti a: “Aw, ka Pa, lei leh vân Lalpa, nangin mi fing leh mi thiamte lakah hêng thu hi i thup a, mi mâwlte hnêna i puan avângin ka fak a che.  26A ni, ka Pa, chutiang chu ṭha i tih zâwng tak a ni. 27Ka pain engkim mi kawltîr tawh; Pa chauh lo chuan tu man Fapa hi an hre lo; Pa pawh chu Fapa leh an hnêna Fapain a puan duhnate chauh lo chuan tu man an hre lo." 

"Fapa in a va inpuan duhnate chaulo chuan tu man and hre lo" angel Anga inlar thin isua kha lalte te leh zawlneite Henan a va inpunna  mite chauhlo khan chuan an hrelo ani chu...

"nangin mi fing leh mi thiamte lakah hêng thu hi i thup a"  tih ziak ani si a..

🙏🙏🙏