ISUA Inlar zat

A thawhleh hnu vana a lawn leh hma  ni40 chhung ah Khan voi 8 zet a inlar a ni.

Matt 28:9-10 Thlang kal hmeichhe hnenah

John 20:19  Chumi nî, Chawlhkâr ni hmasa ber tlai lamah chuan, Juda hotute an hlauh avânga zirtîrten an awm khâwmna kawngkâte an khâr hnû chuan, an zîngah Isua a lo ding a, an hnênah, “In chungah thlamuanna awm rawh se,” a ti a. 

Luke 24:36 Chûng thûte chu an sawi mêk laiin amah Isua ngei chu an zîngah a lo ding a, an hnênah, “In chungah thlamuanna awm rawh se,” a ti a. 37 Anni erawh chuan an râp a, an hlâu êm êm a, thlarau hmû-ah an inngai a. 

Luke 24: 38-39 Ani chuan an hnênah, “Engati nge in mangan? Engah nge in rilrûah rinhlelhna a lo awm?39 Ka kutte, ka kephahte hi en rawh u, keimah ngei kha ka ni alâwm. Mi en chiang ula, mi han dek teh u, thlarau chuan ruh leh taksa pawh a nei lo va, kei erawh chuan in hmuh angin ka neih hi,” a ti a. 

Luke 24:42-43Tichuan, sangha hem hmin hrang khat leh khawithlâr an pê a.43 Chû chu a lâ a, an hmuh laiin a ei ta a. 

Mark 16:9 Chawlhkâr ni hmasa ber zîng taka a thawhleh khân, a kawchhûng ata ramhuai pasarih a hnawh chhuahsak tâk Mari Magdalini hnênah a inlâr hmasa ber a. 

Luke 24:13-3213 Ngai teh, khami nî tak khân an zînga mi pahnih chu Emmau khua an tihah chuan an kal dâwn a, chû khua chu Jerusalem aṭangin mêl* sarih a ni. 

Luke 24:49 Ngai teh u, Ka Pa Thutiam chu in chungah ka rawn thlentîr dâwn e; amaherawhchu, chung lam aṭanga thiltihtheihnaa thuam in nih hmâ chuan Jerusalem khawpuiah hian châm reng ang che u,” a ti a. 

Mark 16:14; John 20:26-31 Chumi hnûah chuan sâwm leh pakhatte hnênah châw an kîl laiin a inlâr ta a; a thawhleh hnûa amah hmutute thu rêng rêng âwih duh lohva, an rin loh leh an thinlung sak avâng chuan a zilh ta a. 

John 20:26 Ni riat hnûah chuan zirtîrte chu in chhûngah an awm leh a, Thoma pawh a awm vê a. Isua chu a lo kal a, kawngte chu kalh tlat a ni si a, an zîngah a lo ding ta a, an hnênah, “In chungah thlamuanna awm rawh se!” a ti a. 27 Thoma hnênah chuan, “Ka kut te hi han en la, i kut zungṭangin han khawih teh; i kutin han ban la, ka nâk hi zen rawh le. Ring lovin awm suh la, ring mai rawh,” a ti a. 28 Thoma chuan a chhâng a, “Ka Lalpa leh ka Pathian i ni!” a ti a. 29 Isuan a hnênah, “Thoma, nang chuan mi hmuh avângin i ring a. Hmu lova ringte chu an nihlawh e,” a ti a.