Fiam thu
Phunchawng zu dawr pakhatah hian tlangval pahnih hi an lo titi a, an lo ri hlut mai a...
Tlangval 1: “Ṭhianpa, tlai tin hetah hlir hian ka hmu che a, hmun dangah i in ngai miah nange?”
Tlangval 2: “Aw, hmun dangah ka in ngai lo, hetah hlir hian ka in ṭhin. Nang pawh tlai tinin hetah hian ka hmu che a, hmun dangah i in ngai bik lo ani maw?”
Tlangval 1: “Ni ve tho e. Keipawh hetah hlir hian alawm ka in ṭhin. Hmun dang ka dawr ngai lo,”
Tlangval 2: “Ti daih ila, kan in hmu zing sia, khawi khua nge i nih reng reng a?”
Tlangval 1: “Kei chu Sairang khua ka nia. Nang khawi khua nge i nih?”
Tlangval 2: “Keipawh Sairang khua tho alawm ka nih! A va mak ve, engtinnge kan inhriat loh theih a. Sairang khua a zim tehlul nen,”
Tlangval 1: “Sairang khua ve tho maw i nih a! Sairang khawi vengah nge in awm?”
Tlangval 2: “Keini chu Sairang Dinthar vengah kan awm. Nang zawk, khawi vengah nge in awm?”
Tlangval 1: “E heee, keini pawh Dinthar vengah tho alawm kan awm! Tunge i pa hming, engtinnge kan inhriat loh theih zawk a!”
Chutih lai tak chuan zu in tur midang pakhat hi a rawn lut a; in neitupa hnenah chuan, “In thawm a va ṭha ve, chutia in rik tak hlut mai?”
In neitupa chuan, “An tihdan ngaite bawkin Mapuia te unau an rui leh tawh a nih kha,”... 😅
Crd:Bengkhuaia
Comments
Post a Comment