CNA le tui dinhmun

MILAI PAWLIN KAN THEIHTHIAM LO THEU MI BIK CU KAN THINLUNG HI A SI HMANG E.

Hmel thleng a theih loh ziaza thleng a theih 

🦴Mi kan va tehnak zawn te hi antlinlonak an siatnak bik zawnte ihsin a si duh viau, milai ti tafam cu tling, tlak, fel, famkim, ti mi tehfung ihsi cun tehtlin theih mi kan um a zum um lo. Kan soisel kan do dal kan phiar rero țheumi pawl hi kan mah ai ih sang deuh, hlawhtling deuh le kan bang lo deuh mi an rak si duh zet. An si țheh ti nak cu a si lo aw. 

🎯Kei cu nan lakah a tling lo (perfect)  bik mi ka si, ka pheh aw ve paih lo. Mi țhenkhat hi cun inhai lo zet bet ding, cu miah ka tha a nau lo, ka si dan tawkte hi ka pawm aw thiam. Huatu an um bangin duh tu tla an um ding. Huatnak hi huatnakih ka va lehrulhve nak ding san a țulnak ka thei lo. Hua lo tu i rakhua tu cu nan bang lak men.

  

🐒Mi țhen khat cun, mi, anțhat nak zawnte va hmuh kan ta hratin, mai țhatnak zawnte ih mi va teh anhmang. Sunlawih cawisang awk cu zo khalin kan tlin lo ciau, kan mitsungah ziang tiat hnawmhnawk a um ti lam check fel hngakin, mi mitsungih hnawmhne fate va hmuhtumsak a awl te. Lal Jesu cun thinlung hrisel lo, thianghlim lo pawl hi cu a dimdawih ve lem lo👉👉“Na unau hnenah ‘Unau, zangfah tein na mit sungih mithnawm kha ka lo coih sak pei,’ tiah ziangtinso na ti thei? Nangmah mit sungih thingtum hman na hmuh thei si lo! Mi titer aw pawl! Hmaisabik ah nan mit sungih thingtum kha suahta uhla cuih hnuah nan unau mit sungih mithnawm kha coih dingah ṭha tein nan hmu ding,” tiah a ti.(LUKA 6:42)

A kha fualfo ko, a khengfuh curco fawn👉Mi titer aw pawl! (ti ro ri in si a ti) Hmaisabik ah nan mit sungih thingtum kha suahta uhla cuih hnuah

nan unau mit sungih mithnawm kha coih dingah ṭha tein nan hmu ding,” a ti👉 NAN MITSUNGIH THING TUM 👈 cu ti a si ah cun, mithnawm kan kawl ngiaungiau mi hi a rak te ve lo men thei . Hmuanthlang pa kan cem aw!🤭

Nang CHIN fahniang, nang Mizo pa, nang Hakha pa, nang Falam pa, nang Tedim pa, nang Chin pa, nang ka rual duh, unau pa, unau nu, thu kan ruat tlang pei, kan unau pai mithnawm cawihtu dingah sualnak nei lo deuh pawlin hmai run tuang țhupțho uhla, cu tin kan hngak indoh tu pawlih mithnawm cawihtu dingah teh tling tlak ngai teh kan um ve ce pei maw aw?

Kan mai mit sungah thingtum pi a rak um sawn pangah cun kan thianfai hmai sat dingah Jesu cun a duh. Cawit țul tukih kan ruat mi hngakin kan mah sawn riangri tla hi cawih țul mi kan rak si ziar thei, kan rak nei tum sawn tla a si thei.

Paul cun hi tin inzirh, 

Mi nahsuahnak nei in, mah ih zawn lawng ruat ih, mah ih hminṭhatnak lawng hawl in zianghman tuah hlah uh. Pakhat le pakhat tangdorawk tonnak thinlung nei uhla midang hnakin ka ṭha deuh tiah ziangtik hmanah ruataw hlah uh.(FILIPI 2:3)

🦴🍖Kan thinlung hin inbum rero tla a si thei.

“Milai ih thinlung cu

zoso a theithiam ding?

Ziangdang hnakin mibum hmang bik a si;

Damter dingah a har zet,

a natnak a besia tuk!

Keimah Bawipa in

milai ih thinlung cu ka hmu ih

an sunglam thil ka hniksak.

Mikip an nuncandan in ka zoh ih,

An tuahmi vekin ka tuah rul ve,” a ti.

JEREMIAH 17:9-10

A u nau pawl a huatu cu Vanramah kan hmuh a zum um lo.

Hakha pa in a unau Falam pa hua cing in, Tedim pa in a unau Hakha pa hua cing in, Falam pa in a unau Mizo pa hua cing in!!  cu ti cing cun vanram luh kan tum ciau a bang si khawh. A theih ngai kei maw? A unau a huatu cu mithat a si ih mi thattu sungah cun kumkhua nunnak a um lo ti nan thei.

1 JOHAN 3:15