Hla

 ,

 

 

 

 

 

 

1. Bawi Khrih duhdawtnak ih ta cu, ziangso in then thei ding,

          Harsatnak le retheinak khalin in then thei lo ding;

          Riahsiatnak le lungngainak khal ka hmaiah thleng seh,

          Bawi Khrih duhdawtnak ih ta cu in then thei lo ding.

                   Ka phatsanlo ding khawvel mi hmaiah,

                   Ka zahpilo ka phuangsin ding;

                   Ka damnak kross thu hi,

                   Nanhar tihnung le;

                   Tiduhdahnak rung thleng hmanseh,

                   Bawi Khrih duhdawtnak ih ta cu in then theiu lo ding.

2. Thihnak nunnak Vancungmi le Lalnak thiltitheinak,

          Sannak thuknak thil um mi hin in then thei lo ding;

          Tihal rilrawng le tlasam in taklawng in um hman ning,

          Bawi Khrih duhdawtnak ih ta cu in then thei lo ding.

3. Zumtu hmaisa fehliampawl cu lei lalpawl hmai le,

          Thihnak namhar le sahrnag hmai khalah an zam lo;

          Bawipa kan lamah a tan cun zoso in do thei ding,

          In duhdawttu Bawi Khrih ruangah nehtu cungnung kan si.

 

 

 

 

 

 

1. Kan Pathian a tha, kan Pathian a tha,

          Pathian dang hmuah hmuah hnak in;

          Bawi hmuah hmuah lakah Bawibik cungnungbik,

          Kan Pathian atha a tha hleihluan,

                   Haleluijah, aw haleluijah,

                   Ka nunnak Bawipa thangthat aw;

                   Ka sualnak in ngaithiam ka natnak in damter

                   Kan Pathian a tha, a tha hleihluan.

2. Kan Pathian a tha, kan Pathian a tha,

          Amah hnak ih tha a dang umlo;

          Khawvel mawinak le sunlawinak hnakin,

          Kan Pathian a tha, a tha hleihluan.

3. Kan Pathian a tha, kan Pathian a tha,

          Misualbik kan hrang a tha hleihluan;

          Minung ih hnon mi in hnong siang lo tu,

          Kan Pathian a tha, a tha hleihluan.

1. Bawipa cun nau bangin in um,

          Induat a tangah in pom;

          In thlahthlam sianglo a kutnem in in hruai,

          Nundan mawi tuah ding tuah lo ding,

          Tongdan ding tiangin in sim,

          Thutak lamzin thlun dingmi in tuahsak.

                   Hitluk duhdawt ngaihsaktu vanhnuai ah,

                   An umlo hawl hman ningla ton ding um lo;

                   Ka kiang nai ah a um camcin,

                   Keimah bom ding a hreh lo,

                   Ka kulhpi Bawipai tang ah um a nuam.

 

2. Ka tul ka hai ka duh mi hmuah,

          Ka dil ka ngen tik can ah,

          In mawhthluk sianglo in ngaihsak thinsau in,

          Ka tul ka sam mi thil hmuah in,

          Ka hrang ui mi a nei lo,

          Nitin ten Mana thar in in cawm theu.

3. Tha nau bom tul ka si can ah,

          Khulfung lo in in bawm theu;

          Bawpai ngaihsak mi si hi cu a nuamtuk,

          Ka to, ka din ka thawh can ah,

          Thlah lo in in hruai camcin,

          Bawipai faduat kilven mi ka si e.

                             BAWIPAN A MINUNGPAWL

                             New Country,     Tem:130,   Tr:+9       

1. Bawipa’n a minungpawl in hngilh thei dah lo,

          Kan vansan tah lai ah in hnem theu;

          Tih hlah uh, zam hlah uh nan Pathian ka si,

          Rinsantlak Pathian nung kan nei.

                   In cawmtu Bawipa, In bawmtu Bawipa,

                   Kan ningzah, mualphonak in hup phen;

                   In cawmtu Bawipa, in bawmtu Bawipa,

                   Haleluiah Amen.

2. Lungrethei le cau ih kan um lai can ah,

          Van a sang, lei a pit, thim a tlung;

          Hmanseh kan Bawpai lam kan hawi sal tikah,

          Lungawinak khua a vang sal theu.

3. Sum le pai, ei le in, kan hruk ding hnipuan,

          Kan tul dan in in pe, in cawm theu;

          Kan thlaksamnak zawnah Bawipa a cang vai,  

          A lennak centu kan si ee.

1. Bawipa kan hrangah hin a tha,

          Kumkhaw nun kan neih theinak ding;

          A fapa neihsun cu thing Kross parah,

          Nang leh kei luatnak sangka in on sak.

                   Thangthattlak sunlawihtlak Bawipa na si,

                   Millian farah in thlei ding cuang lo;

                   Bangrep in in zohtu kan Cung Mangbawi,

                  Kumkhua in na hminmawi kan thangthat ding.

2. Bawipa kan hrangah hin a tha,

          Ei ding leh hruk ding in petu;

          Kan tul mi ziangkim rem in ruat sak maw,

          A malsawm kan don mi a luangliam ee.

3. Bawipa kan hrangah hin a tha,

          Tihphannak kan ton lai khal ah;

          Amah in in kil a tang ah in cawi,

          Kan beunak kan himnak Bawipa na si.

 

 

                             BAWIPAI REMRUATNAK

                              Country Sing-along,  Tem:132,   Tr:0          

1. Bawipai remruatnak kan theithiam lo,

          Kan thatnak dingih in hruai dan hi;

          Vansiat le malmaknak in kan ruat,

          A si lo kan Bawipan nun in zirh.

                   A canah tahnak hawrkuam hmun ah,

                   A canah lungawinak tlangsang ah;

                   A canah sawisel le donak thawn,

                   Kan thatnak dingin Bawipan in hruai.

2. Kan tah le aihram Bawipan  in siang,

          Kan rinnak thangtertu sawn an si;

          Kan neih thinglung khal an hloral theu,

          Bawipa rinsan kan thiamnak dingah.

3. Sunnak le zatlak kan ton a tha,

          Thinpit le vansang in um hmanning;

          Bawipan in  rul in pe leh sal theu,

          Lungawi thusim kan thiamnak ding ah.

                             BAWIPA THAWI UM TLANG A NUAM

                             New Country,     Tem:133,   Tr:+5          

1. Bawipa thawi umtlang a nuambik,

          Bawipa thawi len tlang a nuambik;

          I hruaitu Bawipa a si,

          Ka tihzetmi hi leiharnak;

          In dodaltu mi hmuah hnakin,

          A cakbik Pathian a si.

                   Maw ka nunnak Bawipa thangthat,

                   A hmin thianghlim cu hrilsin naw;

                   Miphun kipin in lawmpi uh Bawipai thatnak,

                   Bawi hmuahhmuah lak ah Cungnungbik;

                   Thu neitu lakah a sang bik,

                   A thianghlim.. Pathian a si.

 

2. Kan cung ninu le zan thlapa,

          Arsi phunkim le siruk rawltawm;

          Kan hmuhmi thil ziangkim hi,

          Tlun ih a zuangmi van vate;

          Leiih a  vak mi ramsa phunkim,

          Kan Pathian.. kut suak an si.

3. Kan Pathian kutneh mawi ka hmuh in,

          Ka nunnak hnangamnak in a khat;

          A ropitnak an langter,

          Kan Pathian ih maksak zia hi;

          Zo in so maw a thei kim dah ding,

          A tumbik..Pathian a si

1. A har a har ee hi lei kan nun hi,

          Beidonnak lawng a si;

          Nun nawmnak hawlin kan nun a liam,

          Duhkim um thei si lo aw a har ee.

                  Pathian thu lawng hi ee, ka hrang lungawinak,

                  Ka colhdamnak le ka hnangamnak;

                  Ka beidon canah thinnomnak ka sar theu,

                  Ka damsan cu Pathian thu lawng a si.

2. Ninghan riahsiatnak tahnak sumzing pi’n,

          In zel maw leitlun ah;

          In hruaikir ding van Zion nuam ah,

          Harsatnak ram cenglan ding in siang lo.

3. Zumtu hmaisapawl nundan cuan ve hman,

          Lei parmawi tlan lo in;

          An nun liam tiang Bawipai hrang tuan in,

          A nung Pathian thu lawng an hrang damnak.

1. Leitlun ah lungawi a kim thei lo,

          Par bangin a ziamral sal theu;

          Neih tam in riahsiat a kiam cuang lo,

          Bawipai thaw lawng lungawi a famkim.

                   Ka lungawi maw Bawipa,

                   Van lam nunthup in pek hi;

                   Khawvel min an siarthiam lo,

                   Khawvel min an theithiam lo,

                   In pek mi lungawinak cu cuai ve lo,

                   Lungawinak a si, nelrawn ramcar sa khal ah,

                   A par mawi a cuai cuang lo.

2. Khawvel min tampi an neih hman ah,

          An hrangah ziang tham a si lo;

          Kei ka hrang ah thil ziangte khal hi,

          Na hmel engmawi kei i hmuh tertu.

3. Lungsiatnak sum pi’n in zel hman seh,

          Bawipa in thil thar in tuah sak;

          Nelrawn ah lamzin in sial sak i,

          Tidai thiang kan hrangah a luan ter.

                             DUHDAWTTU CUNG PATHIAN

                             Country Sing-along,   Tem:136,   Tr:+6       

1. Duhdawttu Cung Pathian a tha ee,

          Mi hmuah hmuah hrang khalah a tha e;

          In cawmtu in hruaitu ziangkim hi,

          Amai ta Amai hrang Amai ruang ah.

                   Zangfahnak lawng ziangkim hi a zangfahnak,

                   Kan nung kan cangvai thei hi a zangfahnak;

                   Nitin in in cawm a rah theu a can te ah,

                   Phan ding um lo zangfahtu Pathian kan nei.

2. Tlunzuang le ramsapawl cawm theu tu,

          Tum-aw-cawp Pathian in in um pi;

          Kan nun ih tulsammi tinkim in,

          Kan dong e! kan cen e! a zangfahnak.

3. Thinphang le mangbangin um hlah uh,

          Ni le thla dinter thei Pathian kan nei;

          Amai kut le thusuak lawng zoh in,

          Hnangamten leng uhsi Haleluijah.

                             HI LEILUNGTLUN MI CUN

                             60’s Guitar Pop,   Tem:130,         Tr:+6

1. Hi leilungtlun mi cun kan tlin lo fel lo zia,

          Kan sualnak thatlonak in hmuh in, in hnong theu;

          Hmanseh ziangtluk misual mi khal hi,

          Khrih hnen kan thlen tikah,

          Zanfahnak in nan sualnak ka ngaidam zo in ti.

                   Kan tlinnak le kan mawinak bik cu,

                   Jesuh Khrih lawng a si;

                   Amah cu kan hrangah dingfelnak le fimnak,

                   Kan thianhlimnak le tlennak ah in siamsak,

                   Kan hrang a sunglawi hlei ce ee, Aw! Jesuh.

2. Siahkhawng, hlawhhlang, uire, hnonmi misualpawl in

          Ngaidamnak le lungawinak an co Jesu hnenah;

          Phurrit phur le zonzai rethei min,

          Colhdamnak an hmu theu,

          Duhdawttu Jesu cu kan ziangkim ih kan ziangkim,

3. Pathian ih zangfahnak ramri a nei ve lo,

          Sual ih fan mi thatnak ziang neilo hi in hril hi;

          Sual cu karh in thihnak thlen hmanseh,

          Nunthar Jesuh in pe,

          Sual a karhnak hmunah zangfahnak a luangliam ee.

                             A SIAT THEILO MI THUTAK

                             Country Suffle,  Tem:130,  Tr:+4        

 

1. A siat theilo mi thutak rosunglawi thabik kan nei,

          In pe kan Bawipan a va sunglawi em;

          Suan ding neilopawl hrangah suantlak umsun cu a si,

          Rel ding neilo hrangah reltlak thuthangtha.

                   Mi vanthabik kan si e Halleluiah,

                    Inn tha cu sak theih hmanseh Innsang nuam cu;

                    Sak a theih lo Innnuam cu,

                    Bawipai sakmi Inn a si,

                    Bawipa thaw cun meipi sung khal a nuam ee.

2. Milai hrangih thil harsa bikih kan ruah theu mi hi,

          Bawipai kutcak lang fiang tertu an si;

          Na thei fiang zo maw zumtu,

          Tha te in vun ruat sal hman,

          Jehovah neitu kan si Haleluijah.

3. Rethei le farahpawl tla nan lungawi uh Bawipa ah,

          Zawnruattu Pathian kan hnen ah a um;

          Nitin kan hrang tha bikin,

          Lam in hruai theu Bawipa in;

          Remruattu Pathian kan nei Haleluijah.

                             KAN HAWL HLAN AH   

                             New Country,     Tem:132,   Tr:+9         

1. Kan hawl hlan ah Bawipa’n in hawl hmai sa,

          Kan kawhhlan in a maan in ko hmai sa;

          Kan hril hlan ah lei pian hlan in in hril,

          A va mak em kan Bawipa a mak ee.

                   A zangfahnak kan lam pi ding,

                   A thatnak kan au pi sin ding;

                   Santlailo pawl zawn in ruattu,

                   Halleluiah A hmin sunglawi sin seh.

2. Kan that le kan famkim can hngak lo in,

          Kan sual lai ah Khrih ah thiam in co ter;

          Eden ih kan hliamhma in tuamdam i,

          A hmai ah cak le no in kan leng ee.

3. Nunnak tiva kapah Aman in hruai,

          Hramhrinng lakah in bawk in cawl ter i;

          Kan nunnak cu nitin in in siamthar,

          A lennak centu ah in tuah Amen.

                       KANNIH CU PATHIAN IH KIL VENMI

                           Countempt Rock,   Tem:130,   Tr:+7          

                   Kannih cu Pathian ih kilven mi kan si.

                   Tlukbahnak, phunzakip lakah in kel veng;

                   A va nuam em ngaihsaktu tha kan neih hi,

                   Pathian thatnak centu fahniang kan si.

1. Ka theihhngilh lai can khal ah,

          Bawipa cun in theihhngilh lo;

          Ka phatsan lai can khal ah thinsau tein,

          Bawipa cun a tang dai ah duatte in in pawm ih,

          Amah um lo sehla maw ziang kan cang ding.

2. Ka semhlan in i thei ih ka hrangih kum le can khal,

          Na cabu sungah khumcia in a rak um zo;

          Na hnen ihsin khuiah so maw Bawipa ka tlan thei ding,

          Na huham cu lei le van ah a khat si.

3. Ka thinlung saduhthah mi hi leitlun parmawi lakah,

        Tello dingah Bawipa nang cun in hum ih;

        Leidan ah rethei hman ning ziangkimah nehtu kan si,

          Bawipa a tel cun khui hmun khal ah a nuam.

                   

 

                             BAWIPAI KUTCAK LAWNG

                                      6-8 Soul,   Tem:54,   Tr:+2 

1. Bawipai kutcak lawng a hngaktu cu,

          Zion lungpi bang hnin lo in;

          Thlisia hrang leh tilet tho in a cim ban lo,

          Kan harsatnak hmuah Bawipa sim uh;

          Kan zawn in ruattu Bawipa a si,

          Amah cu kan himnak kan beunak lungpi a si.

                   Bawipa lawng hi in Bawm thei tu,

                   Milai hnenah ka harsatnak ka sim lo ding;

                   Simtlak um sun Bawipa a si,

                   Sim man hlabik Bawipa a si;

                   Khua tlai dahlo Bawipa cu a rin um si.

2. Tha bang le cau ih phurrit phurmi,

          Ka hnen ra uh nan phur a zang ding;

          Jesu’n in ko daite in to men nawn hlah,

          A hnen thlengtu an mualpho dah lo;

          Ziangkim neitu Bawipan in um pi,

          Kan tlasam lo ding rualthabik Jesuh kan nei.

                       THLAWSUAH PETU PATHIAN HNEN

                             60’s Guitar Pop,   Tem:128,   Tr:+7          

1. Thlawhsuah petu Pathian hnen,

          Thlacam kan daithlang sualmaw?

          Inn sungsang ah thlacam nun hi kan nei maw?

          Rethei le vansan can lawng ih,

          A biatu kan si sual maw?

          Inn sangah Khrih a lal maw?

          Thlacam nun hi kannei maw?

                   Thlacam cu in neitu Pathian hnenih,

                   Seherh lungduh thu nuam rel tlang hi a si;

                   Zo khal sualnak sir-aw cingin,

                   Ka hnen thla a camtu cu;

                   Ka ngaithiam hai dingih,

                   An ram ka damter ding a ti.

 

2. Khrih ah zumtu nu le pa thlacam nun hi kan nei maw?

          Inn sungsang ah thlacam kan daithlang sual maw?

          Ziang thil khal tuah kan tum tik ah,

          Bawipai lungkim pi kan tul;

          Zumtupawl kan raithawinak cu thlacam nun hi a si

3. Zumtu hmuahhmuah in thlacam, Nun in innsang ding uh si;

          Inn sungsang ah Jesuh Bawi a si ah cun,

          Mi dangin Bawi Khrih thei lo in;

          Leitlun nomnak tlan hman seh, Zumtupawl inn sungsang cu;

          Bawipa kan thangthat thei ding.

                      JESUH JERIKHO KHUA A FEH LAIAH

                             60’s Guitar Pop,   Tem:128,   Tr:+8   

1. Jesuh Jeriko khua a feh laiah,

          Hnah hringzetmi theikung pakhat a hmu;

          Hmanseh a rah lo Bawipan a camsiat,

          Rah suah lo zumtu si tih a nung e.

                   U le nau kan nundan zohsal uh si,

                   A rah lo mi theikung bang kan si sual maw?

                   Kan zumnak cu kan tuahnak in langsuak seh,

                   Cutin miin Bawipa an thangthat ding.

2. Mitin ka nun hi ca bangin in siar,

          Kan tleunak cu mi hmuh ah tleu suak seh;

          Ci bang al in thaw seh, kan nun hi mi hrangah,

          Kan nun ah Bawipai sunlawinak lang seh.

3. Zumtu ti aw si nun ih lang si lo,

          Kaa lawng ih zumtu ti aw kan tam;

          Bible siar paih lo, thlacam paih si lo,

          Pathian thinnatertu men kan si.

                             BAWIPA A PATHIAN IH NEITU

                             Country Walzt,   Tem:145,   Tr:+6

1. Bawipa a Pathian ih a neitu miphun cu,

          Thlawsuahnak le malsawm comi an si;

          Kan Pathian ih a hril mi a miphunpawl cu,

          Suah man nei le mi hual vantha an si.

                   Bawipa lawng hi Pathian tak le,

                   Biak tlak Pathian a nung rundamtu;

                   Amah a nei ih tihzah a cawisangtu cu,

                   Bawipa’n a cawisang in mal a sawm theu.

2. Bawipa tih hi fimnak ih hram le malsawmnak,

          A mah do le mihngal an mualpho ding;

          Bawipa Pathian hnawngih Pathian dang hriltu le,

          Milai rinsantu cu camsiat an si.

3. Ram le ram miphun le miphun an do-awk cun,

          An hlawhtling in ram ah dinsuak lo ding;

          Bawipa rinsantu le cawisangtu miphun lawng,

          Hnin theih lo mi Zion tlang vek an si.

                        HI LEITLUN HRINGMI KAN NUN HI

                           Christmass Walzt,   Tem:85,   Tr:0          

 

 

1. Hi leiltlun hringmi kan nun hi, ziangso a si,

          Phenthlam men le tikhu, zing mero vek kan si;

          Nun khat te lawng kan nei, nundang kan nei silo,

          Kan nun sankhat te hi Bawipai hrang hmang uh si.

                   Damsan dang le nunsan dang,

                   Kan nei lo leitlun ah hin;

                   Bawipai thupek thlun le a hnatuan ti lo cu,

                   Cuiruangah a nungtu cun;

                   Mai hrang nung ding kan si lo,

                   Kan hrangah thi ih thosal;

                   Khrih hrang nung ding kan si.

2. Leitlun ah hnatuan tha hril ding tampi hman seh,

          Bawipai hnatuan lawng hi hna sunglawibik um sun;

          Mi in tuan duh lo in hnong in tlansan hmanseh,

          Kei le ka innsang cun Bawipa lawng kan rian ding.

3. Nitin kan nundan in thuthangtha sim uh si,

        Kan taksa thi thei ah, Khrih hmelmawinak lang seh;

        Ka lawngih ring zetih sim le rel men aiin,

        Kan tuah kan tuannak le nun ih sim a tha sawn.

     A THARSAL THEU ZINGTIN IN                                                                               60’sGuitar Pop,   Tem:130,   Tr:+8

 

 

1. A tharsal theu zing tin in,

          Bawipai rinumnak, kan cem hlohral theh lo hi;

          A ngilneihnak a si, cung ninu thlapa bang len,

          A tlang kan tlunah;

          A velneihnak cu misual kan damnak.

                   Kum a liam in a thlum sinsin ih,

                   Khua a rei in a thaw sinsin ee;

                   Bawipai rinumnak a thatnak kan hrangah,

                   Kum a liam in a thlum sinsin ee.

2. Kan sual tikah nun in sim, in hrem in vuak theu,

          Bawipan in tuahmawh hnu ah;

          A man in tuamdam sal,

          Nun simnak cu kan thatnak kan felnak a si;

          Pathian faduat a ro co tu kan si.

3. Thlarau ih hruaimipawl cu Pathian fa kan si,

          Siar cawk lo thlawsuah;

          Hmuifu nitin in vur kan co,

          In hnem kan beidon canah in hmuh a hmel mawi;

          A vawrhlam kut cu kan nehnak a si.

                             NGAI UH DUHDAWTNAK

                             80’s Pop,   Tem:130,   Tr:+7        

1. Ngai uh duhdawtnak aw nem cun,

          Sual ih pil zo hnu leitlun mi tla;

          Jesuh Khrih thisen thianghlim zarah,

          Van hmun thianghlim luh ding in siang e.

                   Sunglawi sin ko seh runtu Jesuh,

                   Kan hrang hremhmun thihnak tuar in;

                   Nunnak thar ah cun in hruai kai zo,

                   Van khua le ti ih um kan si.

2. Thangthat siseh aw nei mi hmua’n,

          Cem ni nei  lo in duhdawtnak cu;

          Tlangsang ramro nelrawn ram tiang,

          Thangthatnak zaihlamawi cu thang seh.

3. Lut uh, a duh mi hmuah lut uh,

          Nunnak sangka mawi cu an ong zo;

          Cui hmunah cun tahnak a um lo,

          Zaihlamawi in van inn khi a khat.

         

                             A LAK IN KAN TUAR LO

                          Country 8beat,   Tem:136,   Tr:+1

 

1. A lak in kan tuar lo, a lak in kan na lo,

          A lak in kan sung lo Zion fa cu;

          Kan tuarmi ziangkim hi, lukhawng an nei si i,

          Tuarnak hi van lam thlirnak tukverhmawi an si.

                   Tahnak zanthim ah a hmel a mawi sin,

                   Sahrang puk le meipi sungih phuang-awtu;

                   A mipawl hmuhsuamnak kan tuar caan ah,

                   A pai vawrhlamah dingin a mipawl in tuar pi.

2. Amah duhdawttu le a kawhmi hrang ahcun,

          Sunnak le vansiatnak a um nawn lo;

          Kan sun kan caanmi khal a let za’n in rul sal,

          Bawipa cu kan thlawsuah hmuifu hrampi a si.

3. Zanlam ah riah dingin tahnak a rung thleng theu,

          Hmanseh zingah lungawinak a thlengsal;

          Ninghan, riahsiat, beidon, tahnak in in neh lo,

          Lungawinak, nehnak in kan nun lam in hruai sawn.

                             SUAL TEMTAWNNAK HNUAIAH

                             Disco2,   Tem:122,   Tr:+7          

1. Sual temtawnnak hnuaiah cun lengin,

          Ka nunnak runtu ngaiin a rum;

          Hmanseh Jesu cun thing Kross par ihsin,

          Miluat nan si tin thu a phuang.

                 Tlennak Thisen aw, Jesu Thisen aw,

                 Lei leh van remnak thi a luang zo;

                Thangthatnak thawinak hlan ding mi lawng hi,

                 Ka tuan ding um sun cu a si.

2. Jesuh Thisen cu ka ro thabik,

          Pathian hmun thianghlim ka thlen theinak;

          Vankhua ti lawmtu Jesuh Thisen cu,

          Ka suan ding um sun cu a si.

3. Thisen thlet mi lamzin tluan thlun in,

          Feh uh van inn pannak lam a si;

          Thisen Thisen tin vanah bang loin,

          Tlen cia mi hmuah zai kan rem ding.

                   [Hlimin au uh aw zaihla rem in aw,

                   Pathian thawn kutkai in kan leng zo;

                   Cui nunnak thu cu hmuntin le ramtin,

                   Thang in leitlun hi rem leng seh.]

                         BAWIPA’N THU A SIM AH CUN

                              60’sGuitar Pop,   Tem:130,   Tr:+4         

 

1. Bawipa’n thu a sim ah cun,

          Thlipi tilet tho an dai;

          Sual thimzing khal eng ah an cang,

          Thiang Thlarau a cangvaih cun,

          Tap leh aihrampawl an hni,

          Lungawi hnangamnak an hmu.

                   Maw Bawipa kan Bawipa thusim aw,

                   Sualnak thlihrang in in nuai ee..;

                   Kan cahnak leh kan nehnak,

                   Bawipa nangmah lawng na si,

                   Kumtluan in kan lo tul ee Immanuel.

 

2. Bawipai huham a suah cun,

          Thiput leh mina an dam;

          Ramhuaipawl khal tih in an tlan,

          Thuthangtha thlennak kip ah,

          Lei hi vanram ah an cang,

          Tahnak in hmun an co lo.

3. Cawcang le kiosapawl khal,

          Tualkhat ah an lengza ih;

          Semmawng leh rulpi tual an cai,

          Remnak siangpahrang na si,

          Nangmah ah huatnak a hlo;

          Thleidannak a um nawn lo

1. Kan nunnak ah Pathian lawng lalnak co seh,

          A tello in zoso ei thei in thei um;

          Kan ei kan in thei khal hi ee Amai ruang a si,

          Kan titheitawk Amah sunlawih thangthat hi.

            Hlir sin uh law  suangsin  uh law,

            Zunram thiar thei, ei le in thei in tuahtu Pathian;

            Van le leitlun thangkhawk sehlaw, a sunlawinak in

            Kan ti thei sun, a sunlawinak hrang si seh.

2. Sunlawinak hi Pathian lawngin co hramseh,

          Tu tiang kan nungdam hi Amai ngilneihnak;

          Kan tuah kan tuan thei khal hi e Amai ruang a si,

          A sunglawi ee Haleluijah hlir sin uh.

3. Kan nun lamtluan ih laireltu kan Pathian,

          Ziangvekso maw kan si ih in theih ringring;

          Lungawi hmangam teih kan um hi Amai ruang a si,

          Zai le lam in Haleluijah hlir sin uh.

                             NUN MANNEI BIK

                             New Country,     Tem:130,   Tr:-5        

1. Nunman neibik cu Jesuh neitu kan si,

          Sum le pai ih lei theih si lo laksawng sunglawibik;

          Ziangtluk tiangin a tha cotu lawng in an thei,

          Semsuahmi thil hmuah ai in neih a manhla bik,

                   Jesu ai-awh theitu zohman um lo,

                   Amah hnak ih thasawn zianghman um lo;

                   Thisen sunglawi ih in lei zo ruangah,

                   Kan thih, nun ah Amai ta kan si.

2. Ngun, sui neitu in ngun, sui an buaipi theu,

          In leh lo dawr neitu in an neihmi an buaipi;

          Jesu neitupawl cun Jesu Khrih kan buaipi,

          At cilh le buaipi tlak cu Jesu lawng a si.

3. Simon Peter le a rualpi thapawl thawn,

          An sur le Lawng an kaih mi nga zeizawng an tlansan;

          Jesu hmungahtu le a theifiangtupawl cun,

          An neih mi ziangkim tan in Jesu dung an thlun.

1. Thangthattlak le cawimawi tlak bik kan Pathian,

          A fimnak in thilmawi tintian a siam e;

          Ni nu, thlapa, arsi in a mawinak hi an phuang e,

          Thangthattlak Pathian thangthat uh si,

                    Sunlawih tlak, Aw kan lo thangthat,

                    Farah, milian, mi aa le mifim thleidang lo Pathian;

                    Kan tul mi kan ei in, kan sam mi ngaihsaktu,

                    Zai in awi ning kaa in fak ning Pathian tha.

2. Kan hrangah hin Pathian neih hi a tha e,

          Khuihmun khalah Amah thangthat a nuam e;

          Kan nun kan sungril zate kan lungthin le Thlarau in,

          Thangthattlak Pathian thangthat uhsi.

3. Thangthattlak mi Pathian sunlawih dingah hin,

          Ka neih taksa ka kut, ka ke a tawi e;

          Van va iang thla nei ningla, zuangin thangthat ka nuam e,

          Sunlawihtlak faktlak kan Pathian tha.

1. Ka nunnak ih pakhatnak Jesuh,

          Thil ziangkim tlun ih pakhatnak Jesuh;

          Nunnak zalam tluan ah hin,

          Mangbangnak  ka ton canah,

          I pawm i cawi i dom theutu Jesu.

                   Jesuh cu ka nunnak, Jesuh cu ka fimnak,

                   Jesuh cu ka cahnak, ka ceiawknak;

                   Ziangkim cem can ih a thar pe saltu,

                   Jesuh cu ka nunnak ih pakhatnak.

2. Lot ih mit bang leitlun hi thlir cun,

          A thutak ihsin pial hloh a awl e;

          Hmanseh Abraham nun bang,

          Vanlam khi zoh sawntu cun,

          Lennak hnak in Jesuh hi an hril sawn.

3. Lei hnatuan ah tuan tha an tam e,

          Hmanseh kei le ka innsungsang hi cun;

          Kan Cung Pathian rawng lawng hi,

          Kan thih tiang kan bawl sin ding,

          A that kan thungrulh theisun Amah rian.

                             VAN ZION FANU FAPA

                             Comtempt Rock,   Tem:130,   Tr:-9      

1. Van Zion fanu fapa rual pawl,

          Tho uhsi, Bawipa thangthat uhsi;

          Kan thazang zaten suah in lam uhsi,

          (Kan Pathian thangthat hi a thabik,

          Kan Pathian thangthat hi a nuambik

          Thangthattlak Jesuh Khrih thangthat uh,

          Thangthat uh, thangthat sin uh;

          Cungnungbik Bawi)

                   Sangsin ah hliruh,

                   Ziangkim tuahtu Bawi cu;

                   Pathian mi khawthiang cu hlir sin uh,

                   Kan damnak le kan ziangkim;

                   Bawipa cu thangthat uh si.

2. Mihrek in thangthat duhlo hmang seh,

          Kanni cun kan thangthat sinsin ding;

          Van Zion hlathar sakin kan lam ding.

3. Kan damnak, kan sibawi tumbik le,

          Kan damnak, kan thuthen Bawi tumbik;

          Kan dam, kan luatnak Bawi cu thangthat uh.

                       DUHDAWTNAK IH IN HAWLSUAKTU

                             Country Walzt,   Tem:148,   Tr:

 

1. Duhdawtnak ih in hawlsuaktu,

          Zangfahnak ih in rundamtu;

          Ngilneihnak ih in cawisangtu,

          A maktuk ee, ka sim thiamlo;

          Hi tluk ih in lainattu hi,

          An sim pialral ram hman ah an um lo.

                   A lu tlunih hling lukhum le,

                   An vuaknak vual le hliamhma ah;

                   Tidam in kan um zo, Haleluijah,

                   Lei le van tong in a daih lo;

                   Pathian duhdawtnak runglang mi,

                   Fapa Jesuh Khrih ah cotu kan si.

2. Mifimpawl mualphoter ding le,

          Milianpawl ningzakter dingah;

          Santlailopawl in ko khawmtu,

          A va mak em simthiam a har;

          Duhdawtnak tlun i duhdawtnak,

          A zangfahnak cu kan nunnak a si.

3. Kan sualnak le palhnak bangin,

          Kan tlun ah in thungrul singlo;

          Mitha bangih in kilkhawitu,

          Nitin kan tul le kan sam mi;

          Uimi neilo in in pe theu,

          Bawipa a tha a tha sunglawi sinseh.

 

1. Sersiamtu cung Pathian na duh bang,

          In ser aw, nang beltuahtu na si;

          Na duhnak hmunkip ah in hruai aw,

                   Bungbel thianghlim  hmantlak si dingin,

                   Nan tuah, nan tong nan umnak kip ah;

                   Ti thianghlim aw uh Bawipai hrang ah,

                   Nan cetdan cu Khrih thu thawn mil seh.

2. Mi piangthar zumtupawl kan nun ah,

          Jesuh Khrih thinlung hi um hram seh;

          Bawipai hmel phentu hmuah hlon uh si.

3. Bawipa in kan khua le kan ram ah,

          Nun thianghlim hmang ih hnatuan a duh;

          Bawipai hrang ah ti thianghlim aw uh.

4. Zumtu kan nun thianhlim lo ruangah,

          Mi tampi pianthar duhlo an um;

          Kan sualnak Bawipa in ngaithiam aw.

 

 

                  MIPIANGTHAR NU LE PA U LE NAU

                             New Country,   Tem:128,   Tr:+4          

 

 

 

 

1. Mi piangthar nu le pa, u le nau,

          Kan nundan, kan caantha liamcia mi tla;

          Pathian hmaiah siartlak, lomtlak a si maw,

          Kan lamzin zoh fiangsal uhsi.

                   U le nau nitin kan nun kan tuah tuan mi,

                   Kan zohsal ngam ding maw thuthen ni ah;

                   Kan lamzin zohsal in kan sualnak hmuah thawn,

                   Bawipai hnen ah kir leh uh si.

2. Mi tampi len le hminthannak ah,

          Lot bangin mah le nomsak duhhamnak thawn;

          Kan khat thlang maw unau zohhman kan ram hi,

          Kan Pathian thinlung a na lo maw.

3. Rawngbawltu nun le mipi nun khal,

          A cautheh mikip buangbuarnak in kan khat;

          Maw Bawipa na mipawl diknak thutak zin ah,

          In hruai in kan ram in thangharh aw.

1. Pathian zoh ah mithi mina,

          Bawrhhlawh tenum sual ih khat hnu;

          Selinglet theh thatnak nei lo kan si,

          Bawipai zangfahnak sunglawi cun;

          Ti thei mi kan neih lo lai ah,

          Kan hrang ziangkim in tuah tuansak Haleluijah.

                   Jesuh Khrih lawng ka suang sin ding,

                   A zangfahnak ka suang sin ding;

                   Kan tuah tuan mi zianghman a um si lo,

                   Kan tuah thei mi ka ti khal hi;

                   Bawipai tuah mi lawng an si theh,

                   Kei ka suanding um sun hi cu;

                   Bawipa lawng a si.

2. Kan sim kan phuan kan rel can ih

          Hlawhtlinnak kan hmuh theu mi hi;

          Kan fim ruang le simthiam ruangah si lo,

          Hlawhtlinnak neitu Pathian in;

          Zangfahnak ih tuanmi a si,

          A tel lo cun titheimi ziang kan nei si lo.

3. Ziangtluk a hrang na tuan hmanah,

          Ziangtluk a hrang na tuar hmanah;

          Kan hrang a tuan a tuarnak hngilh men hlah,

          Ziangtluk Amah cu duhdawt in;

          Na pekawknak cu tam hman seh,

          In duh ruangih a nun a liam cu hngilh hrim hlah.

                         BAWIPA THANGTHAT HI A NUAM

                             Happy Reggae,   Tem:82,   Tr:+2

1. Bawipa thangthat hi a nuam in a tha,

          Sun le zan in Bawipa thangthat uh;

          Kan zawn in ruattu kan Pathian a si, Bawipa thangthat.

                   Zing can ah, sun can ah, zan can khal ah,

                   Bawipa cu thangthat uh, lungawi in;

                   Bawipai fa le in Bawipa thangthat uh A men.

2. Kan taksa thinlung, kan Thlarau hrangah,

          Damnak sii tha Bawipa thangthat uh

          Van khi a tuah ih, leilungpi a uk, Bawipa thangthat.

3. Kan sungkua kim in, lungawi zaihla thawn,

          Bawipai’ hmai ah kun in bia uhsi;

          Kan innsang damnak kan thlawhsuah hram cu, Thangthat zaihla.

                          THIAMTAWK TE IN KARUAT SAL

                             Country Sing-along,   Tem:124,   Tr:0          

 

1. Thiamtawkte in ka ruat sal theu,

          Bawipa na duhdawtnak;

          Van sunlawinak hmuah tlansan in,

          Nunnak tiang in petu;

          Kumkhua nunnak sunglawi in pe,

          Nitin kan tul mi ziangkim thawn;

          Ka ning theilo na hmin fak hi Halleluiah a men.

              Maw ka Bawipa na duhdawtnak le na thatzia hi,

              Ka simthiamlo lei mi anka hin a daih  si lo;

              Ka ti theitawk na hmin fakih zaihi a si aw ka Pa,

              Ka phulo e, ka phu hrimlo hitluk duhdawtnak hi.

2. Maw ka Bawipa nang cu Pathian,

          Cak le ziangkim ti thei;

          Ti umlonak ramcar hmanah Lungpi’n ti suahter in,

          Rawl umlonak ramcar hman ah;

          Theih dah lo van mana sang thawn,

          Fa le cawmtu Pathian na si, Aw a va mak em.

3. Maw ka Bawipa nang cu na tha,

          Ngaidam na paih si i;

          Kan sualnak le atnak tamtak khal in ngaithiam theu

          Nitin thlemnak lakah in hum;

          Zingpeng kan zawh zik caan hmanah,

          Nun dandik in zirh ih lam dikah in hruai sal theu.

                         KUM CAN SAUPI THLARAU MITCAW

                             Country Suffle,    Tem:130,     Tr:+3

 

 

1. Kum can saupi thlarau mitcaw kebai in,

          Damnak hawlin hi lei ah kan vak kan vai;

          Si thatha le sibawi sangsang kan pan na in,

          Thinlung taksa damnak kim kan hmu thei lo.

                   Jesuh lawng hi kan damnak,

                   Thinlung taksa damlo mipawl tho thlang uh;

                   Na zumnak in fahniang damter na si zo,

                   Tho thlang law ka lo damter a ti.

2. Mipharpawl cu Jesui’ hmin in an thiang ih,

          Jesui’ hmin an theih cun khawsia khal an tlan;

          Natnak hmuahhmuah Jesuh in a damter theh ih,

          Damlopawl in a thu in damnak an hmu.

3. Duhdawt fanu, fapa ngaithiam na si zo,

          Na natnak cu Jesuh in a lo damter;

          Thianglamtah ah duhdawtnak thisen a luang ih,

          A zumtu hrang damnak si tha bik a si.

 

 

                            

                             TIPISEN CU TUM HMAN SEH

                             Rock&Roll Suffle,   Tem:145,   Tr:+4

1. Tipisen cu  tum hmanseh, Jordan tipi lian koseh,

          Isarael fa an pil lo, an fenhlo cung lo;

          Hremhmun meipi alh hmanseh, seol khawpi rum koseh,

          Bawi Khrih zarah kan phang lo kan pumpelh zo si.

                   Jehovah shamah, Bawipa’n in umpi,

                   Jehovah Nissi Bawipa cu kan thantar;

                   Jehovah Jireh khawkhan saktu kan nei,

                   Kan hna a ngam Jehovah Salom.

2. Kan ralpawl cu tam hmanseh, kan velin in kulh ko seh,

          Kan ralbawi cu khrih a si, a cak mi Pathian;

          Jehovah Rahfa Bawipan, Tuu bangin in khal in hruai,

          Phannak tihnak kan nei lo, Jehovah Shalom.

3. Tlangrai natnak phunkim in in ciim in zeltheu hmanseh,

          Jehovah Rapha Bawipa damtertu kan nei;

          Tlaksiat le beidonnak in in nuai in vuaiter hman seh,

          Immanuel Pathain in cat loin in um pi.

                            

 

            LEI LE VAN SERSIAM PATHIAN

1. Lei le van sersiam Pathian,

          Ni le thla sersiam Pathain;

          Ka nunnak thaw i petu ka Pathian,

          Ni tlangin ruah a surter, fur caanah rawl i khumter;

          Ka thangthat thawmlian sunglawi ka Bawipa.

                   Maw Bawipa, ka lung a awi,

                   Nitin in lung i awiter;

                   Ka nun sung hmuah na hmin ka thangthat ding,

                   Tum ring thawn ka lo thangthat;

                   Lamnak thawn ka lo thangthat,

                   Haleluijah na hmin tha sunglawi seh.

2. Can sunglawi khua in khansak,

          Nitin lungawi can in pe;

          Bawipai hnenah lungawi thu ka simding,

          Lungawi raithawinak pe in,

          Ka Bawipa ka cawisang ding;

          Ka cahnak hmuahhmuah thawn ka thangthat ding.

3. Veikhatkhat ei ding neilo,

          Vei khatkhat sin ding neilo;

          Sihmanseh Bawipai thatnak ka ruah ih,

          Vani h a zuangmi vate le;

          Ramlak lili par te in

          Ka nunnak nitin in tha in tlungter.

                   

                        DAMLAI HRING NUN AH

                             70’s Disco,   Tem:120,   Tr:+6

1.     Damlai hringnun ah lungawi kim theilo,

          Tlaksamnak le nun beidongnak a si;

          Khrih Jesuh a neitu lawng in lungawinak kim le,

          Thinlung hnangamnak kan co hleice ee;

          Hmuh thiamlo nun lungawinak.

                   Kei cu phan ding ka neilo,

                   Harsat mangbangnak cu thleng hmanseh;

                   Keimah ih a nung mi Bawi Khrih ruangah,

                   Tuardan ka thiam si, in hruaitu a mah a si.

2. Hi leiram cu ee nun a famkim lo,

          Bawipai siam Salemthar khawpi nuam ih;

          Kan thlen hnu lawng ah famkim ding,

          Ziangkim neitu le pe theitu, Amah kan nei hnu hi cun,

          Nun lungawinak thup kan nei.

3. Leitlun mithmuh ah fel si lo hman ning

          Felnak Bawi Jesuh Khrih ka neih ah cun;

          Pathian in mifel ah in pom, minung ruahdan hnakin,

          Pathian ruahdan ka ngaisang sawn si;

          Nun hahdamnak ka nei zo.

4. Leidip ih tuahmi hringmi kan nun ah,

          Leilung ah kirsal in ziamral hmanseh;

          Ka Thlarau cu Amai hnenah,

          A kirsal ding si ti ka theih hnu cun, buai ding a um lo;

          Ka thlennak ding ka thei fiang.

         

 

                BAWIPAI SUNLAWI ZIA LE MAKSAK

                             Country Suffle,    Tem:124,   Tr:+4

1. Bawipai sunlawi zia le maksak zia hi,

          Leimi anka ih phuan cawk rual si lo;

          Mifim fimnak in a ruatsuak ban dahlo ding a mak ee,

          A ropitnak in lei le van a khat ee.

                   Sunlawi thangthat upatnak cu kumkhua na ta siseh,

                   Kan Pathain cu kan hrang a tha tuk ee;

                   Thilsiam tinkim in thangthatseh,

                   Sersiamtu Bawipa cu Haleluijah..

                   Haleluijah Amen.        

 

2. A cahnak in leilungpi a din ih,

          Tlangsang hawrkuam tha in maurua parmawi le;

          Van ruah daifim thlithiang cirhti luang le tifinriat thawn,

          A thatnak in lei le van a khat ee.

3. Kan cung ninu thlapa van arsi khin,

          A ropitzia a kutneh an langter;

          Nunnak neimi le nunnak neilo ziangkim sersiamtu Bawi,

          A thangthatnak in lei le van hngawrsuak seh.

                   

                       HI HLAN MITHIANGHLIM PAWL

                             Christmass Walzt,   Tem:88          ,   Tr:-1

1. Hi hlan mithianghlim pawl nun daan khi,

          Siangpahrang thinhengnak khal tih lo in;

          An do an ral pawl an hmai ah an zaam theu,

          Raldonak ah mihrat khawkheng an si.

                   [Cui pawl cun hi leilungtlun hi an hrangah,

                   Umnak tlakah an ruat lo]2

2. Tlang le lungpuk sungah an ceng theu,

          Mifarah sin ding neilo pawl bangin;

          Tuu vun le kel vun sin in an vakvai theu,

          Camsiat mi bang lung ih denthat an si. 

3. Hi lei mawinak lenglam thil an hmu,

          Thlarau khawvel ih ceng pawl an si;

          Catuan daih ropitnak sawn an hmuh ruangah,

          Leitlun hi umnak tlak ah an ruat lo.

4. Tih le harnak lakah an hnangam,

          Leitlun uk tui hmaiah an zam lo;

          An hrang Pathian laksawng pek ding an hmu fiang,

          An nunnak Khrih hrangah an hmang cem sawn.

            ZUMTUPAWL THLAHTHLAM MI

 

1. Zumtupawl thlahthlam mi, thlacam rawngbawl hi a si,

          Langsar pumkhawm rawngbawlnak;

          Ka paih kan duh kan tam nan,

          Langsar lomi rawngbawlnak, thlacamtu mi an mal ee,

          Thlarau vanruah sur dingah zumtu thlacam mi kan tul.

                   Ka hnenih thlacam lotu ram le miphun hnenah,

                   An mah bawm dingin kei ka man nan;

                   Maw zumtu nang le kei,

                   Kawhnak aw Bawipan’ in hngak,

                   Kan Pathian cangvai seh,

                   Thlacam dingin tu tho uh.

2. Kan biakmi Pathian cun in thei kan tul kan sammi,

          Kan au-nak aw hi in hngak,

          Kan duhnak kimter dingah;

          Ninu thlapa a dinter Joshua au-nak aw ruangah;

          Kan rampi damter dingah kan Pathian hi au uh law.

3. In bawm theilo dingin kan Pathiann kut a tawi lo,

          Kan au-nak thei lo dingin kan Pathian hna a set lo;

          Thinlung kuai le tangdor in,

          Thlacam uh Pathian hnenah,

          Bawipai kutcak lang sinseh, kan ram in kan tul tuk ee.

Share this:

•  X
•  Facebook

Loading...

Related

HMUHDAN BANGAW LOMarch 20, 2014In "SERMON"

THLARAU LAM THANNAK DAWNKHAMTUJuly 9, 2014

KRISTIAN LUNGRUALNAKFebruary 23, 2014

August 24, 2015Leave a Reply

« PreviousNext »

Leave a comment

View Full Site

Blog at WordPress.com.