lai hla

1. Dam sung nun hi ka vun ruahsal tik ah,

          Leitlun le a sungih thil um mi hi:

          An mawinak le an par that lai tla hi,

          Seherh tlak an um lo an ziam mai theu,

                   Vancung ah khin maw ka Bawi Jesuh,

                   Nangmah siar lo ziang dang so ka neih ih;

                   Nangmah ka lo neih hnu ah hi cun,

                   Leitlun khal ah hai mi dang ka nei lo.

2. Ka thinlung le ka taksa pawl tla hi,

          Cak lo in tum suk sinsin hman seh la;

          Bawipa cu ka cahnak thazang a si,

          Amah lawng kumkhua ka tul mi a si.

3. Duhmi a tam thlaler leiram hi,

          Duh thusam bang an kim thei si lo;

          Hmanseh Bawipa nang ka hnen na um cun,

          Nun a kim zo hai mi dang ka nei lo.

4. Jesuh nei si lo ih len hnak cun,

          Amah neih hi a tha a sunglawibik;

          Hnangamnak le daihnak kim in petu,

          Jesuh cu ka ziangkim ih ka ziangkim.

1. Damlai thlaler leitlun ka khual tlawnnak,

          Lei sualrit phur in nitin ka vak vai;

          Ka nun sung colhdamnak hawl hman ningla,

          A um lo rundamtui hnen lo cun.

                   Jesuh lawng kan hrang hnangam daihnak a si,

                   Rethei mi le phurhrit phur mi hrangah;

                   A hnen lawngah hlim le lawmnak a um,

                   Kei cun ka thlun sin ding vanram tiang.

2. Lei sum le saw len le hminthannak ah,

          Duh thusam bang kim thei ti a um lo;

          Tah le buainak tamter tu men an si,

          Leitlun no khah ti ni a um si lo.

3. Zokhal hi ti a in tu hmuah hi cu,

          An ti a halsal ding Jesu’n a ti;

          Nunnak tinung a luang Kross ah cun,

          Ra cawl uh lungdam te’n kan leng ding.

                             MI ZONZAI PAWLIN

                             Newcountry,       Tem:132,   Tr:+5

1. Mi zonzai pawlin Amah cu an zoh ih,

          Ziangtik can khalah an ning a zak lo;

          Bawipa na eng hnuaiah nunnawmnak an sar theu,

          Na tangnem ah thinnuam te in an cawl.

                   A thatnak ka ruah ah Bawipa a tha tuk e,

                   Kei tello in a um thei nan;

                   Misual bawrhhlawh hi Jesu’n in zahpi lo,

                   Cu hnakin ka kiang um hi nuam a ti.

2. Minung fimnak le cahnak hmanglo dingah,

          Pathian in mi aa caklo a hril hrim;

          Hriamhrei cahnak si lo minung fimnak tello,

          Nehtu cu Pathian Thlarau a si.

3. Duh ding tlak um lo runtu Bawi nang lo cu,

          Sualsal ah nuamcen dingin i sianglo;

          I kiltu a si ka hnangamnak bik cu,

          Jesu in kei hi i hngilh lo hi.

                     

                     KA PAI HNENIH KA TLAN HNU

                      New Country,   Tem:130,   Tr.+2

1. Ka pai’ hnenih kan tlan hnu, ka neihmi hlawnthil a cem,

          Fapa tlanhlo lamtluan ah duhdawttu hman neilo in;

          Hmanseh ka pai’ mitthli cu, hul ni neilo in a luang,

          A duhdawtnak in in thlir, a tangnuam ih kir dingah.

                   Duhdawtnak, duhdawtnak, cung Pathian ih duhdawtnak,

                   Ramri a neilo thukin a sanzia hi;

                   Tifinriat hnakin a thuk, van hnakin a sang sawn si,

                   Damsungin ka au pi ding, cemni neilo duhdawtnak.

2.     Profet pawlin an rak sim cemtheilo duhdawtnak thu,

          Dungthlunpawl khalin an phuang a hrek hman an sim thiam lo;

          Ca sungih ngan cawk lole ka ih sim cem theilo mi,

          Cung Pathian ih duhdawtnak kan thlarau taksa damnak.

3. A felnak ka phu ban lo , a fimnak ka ruat ban lo,

          A cahnak a maksak si lennak in a khat Pathian;

          Duhdawt tlak lo in duhdawt, zangfah tlak lo in zangfah,

          Ka duhdawt mi ka fahniang tin in ko a va mak em.

4. Minung cun milian mitha sungkhat unau kan duhdawt,

          Sihmanseh cung Pathian cun a mai ralpawl in duhdawt;

          A fapa neihsun in pe van nunnak co thei ding ah.

KAN NO LO LAI CANTHA

                             New Country,   Tem:130,   Tr:+2

1. Kan no lai cantha cu par bangin an ziam theu,

          Lak kirsal theih seh hlan ih kan can;

          Rundamtu theilo hnenah au pi dingin kan can tha,

          An liam zo si maw Bawipa in ngaithiam aw.

                    Na no lai ah a lo tuahtu thei aw,

                    Na cantha hmuah lot bangin na hloh pang ding;

                    Ringzet in au in an sualnak theihter aw,

                    Mumek aw bangin au aw na cahlai ah.

2. Kan pi le pupawl cu, rundamtu theilo in,

          An nunnak cem in thlanmual an liam;

          Kirsal thei mi si haiseh runnak thu simsal ka duh,

          Can in mi a hngak si lo maw a pawi e.

3. Felnak ih mi tampi a hruai kir saltu cu,

          Van ih arsi bang tlaitluan in an tleu ding;

          Ngaihnikuh ka ra cing ding mikip tuan man pe dingin,

          Kei Alpha le Omega cu ka si e.

          

                             BAWIPA NA MALSAWMNAK

                             Country Walzt,   Tem:150,  Tr:+6.

1. Bawipa na malsawmnak kan dawn mi hi,

          Siar cawk ding a si lo a luangliam e;

          Thil ziangkim hi kan hrang tuahmi an si,

          Kan kil thei tawk thlawsuahnak in run pe.

                   Mifim,  mithiam, ziangthei lo te khal hi,

                   Anmah le tawk cio in fimnak na pe;

                   Inn le lo ziangtinkim kan hmuh mi hi,

                   Bawipai hnenih kan ngah mi lawng an si.

2. Thingkung, hrampi, pangpar kan hmuh mi hi,

          Sersiamtu Cung Pathian tuahmi an si;

          Thlaihnah ei ding tinkim kan hmuh mi hi,

          Bawipai’ hnenih kan ngah mi lawng an si.

3. Fa le hnenih thiltha ui lo tu cun,

          Thil hmuahhmuah hnakih tha Jesuh in pe;

          Kan tuah kan tuanmi hi Bawipa lo cun,

          Rahsuah hlawhtlingter theitu an um lo.

                             BAWIPAI SALTHA LENG LE VAL

                             Country Sing-along,   Tem:136,   Tr:+5        

 

1. Bawipai saltha leng le val, nu le pa u le nau tla,

          Kan ram mipi in Pathian kan biakdan hi;

          Tha te in vun ruat hman uh phun le hnam cawsannak ah,

          Pathian hmin phaw ah hmangin kan hlo a si.

                   Maw Pathian kan ram hi,

                   In dungtun siang hram hlah aw;

                   Na mipawl kan sualnak hi in ngaidam aw,

                   Na hrangih rinum le,

                   Nun hlan awtupawl hmangin,

                   Kan sualnak in theihter in in thangharh aw.

 

2. Milian, mifim nitin in an karhsin kan ramah hin,

          Pathian thutak hi an hnawl an do sinsin;

          Thutak  ih hruaitu kan tul kan mipi an hlo theh thlang,

          Maw Pathian kan ram mipi hi in hruai aw.

3. BawiKhrih ralkap tla tho in kan ram hi vun cuan hnikuh,

          Phun le hnam danih Pathian kan biak thluh hi;

          Kan zawhmi lamzinpi hi hlohralnak lamzin a si,

          Pathian thutak lam hmuh thei hruaitu kan tul.

4.   Ziangtheilo mipipawl cun hruaitu dungthlun in an feh,

          Kan Pathian ninghannak hi vun ruat hman uh;

          Ka mipawl cu theihnak an neih mal ruangah an hloral,

          Hruaitu Pathian tih kan tul kan ram mipi’n.

                             

                       HI LEITLUN AH KHAW HMUNHNGET

                             Country suffle,   Tem:130,    Tr:+2      

1. Hi leitlunah khaw hmuhhnget kan nei lo,

          Kutsaklo kan hrang van khawpi ah;

          Remcia inn sui khawpi kan nei,

          Cui hmunah cun kan thleng leh ding.

                   Hi lei harsatnak ngai lo in,

                   Mi thianghlimpawl thawn kan leng ding;

                   Mitthli tlak lunglen a um lo;

                   Aw ziangtluk a nuam cui hmun cu.

2. Hi leitlun kan nunnak a cem tikah,

          Zion rum inn khat\r mawi an ong ding;

          Jesuh le thluntu kan hmu ding,

          Cui hmumah kan lawm a kim ding.

3. Deirel ari tu ah rung vang thlang aw,

          Leitlun harnak hi suahsan kan duh;

          Kan hrang na remmi khawpi cu,

          Na tlenciapawl in kan ngai e.

                             KA BAWIPAI DUHDAWTNAK                    

                             60;s Guitar Pop,   Tem:130,         Tr:-1

1. Ka Bawipai duhdawtnak maksak cun,

          Sualnak le thihnak lam ka thlun laiah;

          In runsuak ih nunnak ro sunglawi in pe,

          Cutin a dungthlun thei dingin in tuah.

              Dam sungin ka thlun ding ka Bawipa cu,

              Leitlun mi’n hmuhsuam in nautat hmanseh;

              Ka hrilsawn ka Bawipa leitlun thil dang hnakin,

              Har hmanseh lungawi in ka thlun sin ding.

2. Kross thu cu hloral mi hrangah atthlak,

          Rundam mi hrang Pathian thiltitheinak;

          Hi lei daan ih thlirtui hrangah mualphonak,

          Sihmanseh ka phuangsin ding Kross thu cu.

3. Leitlun min theilo in do hmanseh,

          Buainak le ti duhdahnak tam hmanseh;

          Ka kirlo ding hmai lamah ka fehsinding,

          Ka hmaiah nunnak suilukhuh a um.

                            

                               .

                             NGAI HMAN UH KAN RAM HI

                             Country Walzt,   Tem:150,   Tr:+6       

 

1. Ngai hman uh kan ram hi,

          Bawipai ram thar dinsuak thei dingin;

          Mitin mah le insang kir in zohsal uhsi,

          Liamcia mi kan cantha vial te cu ziang ti tha,

          Bawipai sakmi innsang din in tho thlang uhsi.

                   Kei le ka innsang cun,

                   Bawpai hna lawng si kan tuan ding;

                   Abraham, Jakop, Noah bang,

                   Bawipai hrang maicaam din uhsi,

                   Cu tin kan ram tlusia dintharsal a si ding.

2. Ngai uh fanau tla hi,

          Bawipai pekmi ro sunglawi an si;

          Nu le pa tla Bawipa thangthat va hngilh hlah uh,

          A petu Bawipai mithmai tha tongsal dingin;

          Nu le fa kilkhawi hi Misionary kan si.

3. Job bangih pa fel tha,

          Hanah bang nu tling kan va tul em;

          Thlarau cituhtu le cawmtu Bawipai hrangah,

          Bawipai din mi innsang hlawhtling nomnak Vanram,

          Cutin kan ram tlusia din tharsal a si ding.

                             BAWIPA NA KILVENNAK RUANGAH

                             Country Walzt,   Tem:150,   Tr:+4

1. Bawipa na kilvennak ruangah,

          Nung tlaklo le mi bawrhhlawh hi;

          Nunnuam le hahdam ten in colhter theu,

          Ziang theilo ih kan ih laiah,

          Khawvan canah in thoter theu,

          Nitin ni thar sungah kan nunnak in hruai lut.

                    Kan nun hruaitu Bawipa nangmah na si,

                    Damlo thihzik vansan kan ton canah;

                    Nun hnangamnak in pe kan hrang bawmtu na si,  \                     Sunlawih thangthattlak cu Bawipa nangmah na si.

2. Ei le in kan hmuhnak dingah,

          Van in daifim na tlakter theu;

          Kan taksa damnak ah ni na suahter,

          Na hnen kan thlen theinak dingah,

          Fapa Jesuh cu in run pe,

          Kan hrang thatnak dingin ziangkim thu in relsak.

3. Caklo rethei bawmtu na si,

          Mitcaw, kebai hruaitu na si,

          Pa neilo cawmtu le bawmtu na si,

          Mi zohkhal thleidan neilo ih,

          Ni suah, ruahsur tertu na si,

          Na van tukverh ongin nitin in in cawm theu.

            

                             BAWIPA NA KILVENNAK RUANGAH

                             Country Walzt,   Tem:150,   Tr:+4

1. Bawipa na kilvennak ruangah,

          Nung tlaklo le mi bawrhhlawh hi;

          Nunnuam le hahdam ten in colhter theu,

          Ziang theilo ih kan ih laiah,

          Khawvan canah in thoter theu,

          Nitin ni thar sungah kan nunnak in hruai lut.

                    Kan nun hruaitu Bawipa nangmah na si,

                    Damlo thihzik vansan kan ton canah;

                    Nun hnangamnak in pe kan hrang bawmtu na si,  \                     Sunlawih thangthattlak cu Bawipa nangmah na si.

2. Ei le in kan hmuhnak dingah,

          Van in daifim na tlakter theu;

          Kan taksa damnak ah ni na suahter,

          Na hnen kan thlen theinak dingah,

          Fapa Jesuh cu in run pe,

          Kan hrang thatnak dingin ziangkim thu in relsak.

3. Caklo rethei bawmtu na si,

          Mitcaw, kebai hruaitu na si,

          Pa neilo cawmtu le bawmtu na si,

          Mi zohkhal thleidan neilo ih,

          Ni suah, ruahsur tertu na si,

          Na van tukverh ongin nitin in in cawm theu.

    BAWIPAI’ TUURUAL TLA

                             Country Suflle,  Tem:130,   Tr:+4

1. Bawipai’ tuurual tal thinphang hlah uh,

          Immanuel Pathian cu;

          Kan hnenah a um atu khalah,

          Thinphang in um nawn hlah uh.

                   Thlise hrang le tisuar kan tonah,

                   Kan kiangah a um camcin,

                   Bawipa Jesuh hi in bawm dingin,

                   Thang uh, Bawipa a cang ding.

 

2. Kan harsatnak hmuah Amai hnenah,

          Thlen uh in bawmtu a si;

          Kan phurrit, kan vansannak hmuah cu,

          In sawng thei Bawipa Jesu’n.

3. Ziangkim ah Bawipa rinsantu cu,

          Leitlun thilah an buai lo;

          An zeizongza in Amai hnenah,

          An hlan an nun tiang khalin,