Rom 6

Asile ziangtinso kan ti ding? Pathian ih zangfahnak karh sinsin seh tiah sual kan tuah vivo hrih ding maw?

ROM 6:1

2 Tuah naisai hlah! Sualnak ah kan thi zo ih ziangtinso a sungah kan um thei nawn ding?

Pathian zaangfah nak cun, kan that le fel ruangah si lovin, kan nih sualthlah, dinhmun nei lo, camsiat, khak tuar, hmahnai khat, sual man thi ding mi si nak ih ta cu, a zaangfah nakin inrundam si khawh ih, rome 6:1 Asile ziangtinso kan ti ding? Pathian ih zangfahnak karh sinsin seh tiah sual kan tuah vivo hrih ding maw?

Umzia cu rom 5:20 ah khan Daan a ra thlen tikah sualnak karhtertu ah a cang. Sikhalsehla sual a karhnak hmunah cun Pathian ih zangfahnak khal a karh sinsin ve. 👈  a ti si khawh 👉

Sikhalsehla sual a karhnak hmunah cun Pathian ih zangfahnak khal a karh sinsin ve,  ti a si tikah, cu ti a si le, Pathian zaangfah nak hi a thukin a kau pamsi, kan sual sinsin kei, sual tampi kan tuah sinsin kei ih, cu le Pathian zaangfah nak khal a karh sinsin ko ding , ti nak a si lo pei maw?( ti can khi a si)

A thusim mi a fiang nak dinghrangah Paul cun thusut nak a tuah ih, a simfiang cih țheu. 

 Rom 6:2 Tuah naisai hlah! Sualnak ah kan thi zo ih ziangtinso a sungah kan um thei nawn ding? (Ti in amah Paul in a let)

Cu ti a si le, Sualnak ah kan thi zo ih ziangtinso a sungah kan um thei nawn ding Ti umzia cu, ziang a si? Kan ti le

👉👉👉👉 thi ti mi hi ziang a si? Kan ti a si le, ANS// thi ti mi cu minung taksa leh minung thlarau an țhenawk mi khi, thi ti mi cu a si. Kan taksa hi kan thlarauin a suahsan tikah, taksa leh thlarau a peh zawmawk nak a cem, cu tikah mi thi ah kan cang. Cu tikah Thaw kan thaw nawn lo, cu cu tisa taksa lei ih kan thih dan cu a si.

🎯 thlarau lam thi, ti mi ve thung cu Pathian Thlarau le minung thlarau a pehzawm awknak a cat, a cem , cu mi cu thlarau lam thi ti mi cu a si. 

Thuk deuh in kan sim a si le, Minung sualih a tluk ni ihsi khan Pathian thlarau le minung thlarau a pehzawm awk nak a cat, a thi, a rak cem, cu cu thlarau lam thihnak ti mi cu a rak si.

:2 Sualnak ah kan thi zo ih ziangtinso a sungah kan um thei nawn ding? Ti umzia chu,

🎯 sualah kan thi zo si,  ti mi a umzia cu👉👉👇

(Hi thu hi minung hlun thihnak thu a si)

Kan minung hlun Adamah mi sual a si mi, sual man thiding kan si nak ah khan, kan sual mawh hmuah² a zaten Jesun kan sual man leiba kross parah inpek sak zo,👉👉👉👍👍 leiba peksak ti umzia cu,  a nau tual that tuar ai a u in a tuar👈👈👈 👍👍 cu vek ciah cun Pathian hmaiah nang le kei misual rualin kan tuah țuan ve mi a um lo, cui Jesu thihnakah mi thi kan si zof ih, a phum nakah phumin kan um zo, a thawhsal nakah amah a zum tu cu Zaangfahnakin nunthar pek kan si zo, cu ruangah, kan tuah țuannak trl lo amah Jesui in tuahsak mi ringin, Jesui ruangah sual fa sinak thawn kan peh zawmawk nak a cat zo, sualnak thaw cun țhen in kan um zo, cu ruangah sual ih uk mi kan si nawn lo, sualfa si nak salsungin mi luat kan si zo, sual thawn țhen in kan um zo ruangah👉 (cu ti a si tikah) ziang tin sual ah cun kan um thei nawn ding. Sual thawn kan peh parawk nak cu a cat zo, a cem zo, a thi zo si. Ti nak a si.

Paul cun minung hlun, sual thawn țhenin an um nak thu thawn pehparin a simfiang nak dangah hi tin a sim

Gal 2:19-19 ah👉Daan thuhla ahcun kei cu mithi ka si; Pathian ah nung dingin daan in kei cu i that zo a si. A thinglamtah parah kei cu Khrih thawn thahmi ka si zo. Curuangah a nungtu cu kei ka si nawn lo; ka sungih a nungtu Khrih sawn a si. Atu ih ka nun hi cu i duhdaw ih ka hrangah a nunnak a petu Pathian Fapa rinnak in ka nung a si.

Gal 6:14 khal ah hi tin a sim bet👉Kei hrangah cun kan Bawipa Jesuh Khrih thinglamtahnak siar lo uar ding dang zianghman ka nei lo. Ziangahtile Khrih thinglamtah ruangah leilung hi ka hrangah khenbet a si zo ih kei khal leilung hrangah khenbet ka si ve.

A sim duh mi cu a Adamih a minunghlun sual le Paul cu an țhenawk zo,  Adamih sualfa a si nak le Paul cu Zesuk Khrih ruangah pehzawmawk nak an nei nawn lo, ti nak a si.

Sual ah thi Khrihah nung ti mi cu, kan fiangsin nak ah🎯🎯Nu le pa țhenawpawl hi an thi maw? Kan ti a si le👉

Thi lamlam hlah e, an nung ko si ti uh law. A si nan an țhenawk zo hnuah cun an zawmawk nak cu a cat zo, a cem zo . Ziang hman pehpar awk nak an nei nawn lo, ti nak khi a si.

Cu🎯 bang tuk cun, khui tawk ah ciah si sualah kan thihnak cu, khui hmunah si kan thi kan ti a si le,👇👇👇👇

3 Khrih Jesuh thawn kan pehzom awknak in a sungih hnimmi kan si tikah a thihnak sung khalah hnimmi kan si tihi nan hngilh maw si?( stanbible cun hi tin a ngan ve👉

bAsilole kannih Khrih Jesu ih baptisma a cotupawl hmuahhmuah hi a thihnak ah baptisma kan co a si ti nan thei lo maw?(( ti in

👆👆👆 cu ti a si le, khuitawkah maw kan thi? Kan ti a si le, Khrih Jesuh thawn kan pehzom awknak in a sungih hnimmi kan si nak ah khan le a thihnak sung khalih hnimmi kan si nak ah khan a si, ti in bible in in sim.

 

4 Baptisma kan lak tikah amah thawn phummi kan si ih a thihnak ah khal kan ṭawm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.^a

BAPTISMA THU HLA

Baptisma thuhla hi malten vunsim sau hnik sehla,

👆 Bible sungah hin tihnim pek( baptisma)  ti mi hi,  kan hmuh hmaisat bik nak cu Mathai 3:11sungah a si

Cu cu Baptisma pe tu Johan thuhla ah khan a si ih, Mathai 3:11 sungah khan kan zah a si le, ti hin kan hmu🎯 Nan sualnak nan sir aw ti theihnak ah kei cun tidai thawn baptisma ka lo pe, asinain keimah hnu ih a ra dingmi pa cun Thlarau Thianghlim le meisa thawn baptisma a lo pe ding. Amah cu kei hnakin a tum deuh ngaingai; kei cu a kedam kengtu hmanah ka tlak lo.

 

Baptisma ti cu tisungah hnimphum, ti nak a si.

Cuti a si le, Baptisma co ti mi hi zianghrangah a si?  Rundamnak co nak hrangah a si maw. Kan ti a si le,

Baptisma Johan in a pek nak san kan hmuh mi cu, an sualngai thiam an si nak hrangah a si lo, rundam an co nak hrang khalah a si lo, an sual nak an sir aw a si ti theih nak hrangah a si . Cu ti a si le Baptisma co ti sul lam cu, an sual an sir aw a si ti theihnak hrangah ti nak a si.

 

4 Baptisma kan lak tikah amah thawn phummi kan si ih a thihnak ah khal kan ṭawm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.^a

TUI KA NUNG CU KEIMAH KA SI NAWN LO.

Cu ruangah Paul cun hi tin a sim, Gal 2:20 Curuangah a nungtu cu kei ka si nawn lo; ka sungih a nungtu Khrih sawn a si. Atu ih ka nun hi cu i duhdaw ih ka hrangah a nunnak a petu Pathian Fapa rinnak in ka nung a si👈 a ti, cu ti a si le, Amah thawn phum mi kan si a thihnak khal kan țawmpi ve ti mi umzia cu, 

Paul kha a tak ramah Rom ralkapin Jesui rualin an kai ve ih kross ah khengbetin an phum ve ti nak a si lo, Paulih minunghlun sualnak mawh hmuahhmuah nghah a si nak kha,  Zesui parah a si ih, Zesui tuarnak kha Paulin a aiawhsaknak a si ti  țawmpi ve ti nak sawn a si. 

NA PHUNKIM, THAH HREH UM A TUARTU CU JESU A SI A LUAT TU CU KAN MAH.

Example 👉 mi pakhat hin thin cancer nat nak a vei , cu pa cu a thin an thleng a si lawngah nung ding a si, a nun nak ding hrangah thin hlan tu a neih a țul, ti nak a si cu.

Cu pa cu a thuhla a fanuin a theih tikah a zaangfak tukih, ka pa hi keimah rori in ka runsuah a țul a si, ti in (a tawi zawngin kan sim a si le)  a thin cu a pa hrangah a pek, 

Sim duh mi cu, cu pa in a neih mi a thin cu țang kai nak um lo thihpi ding lawng kha a si lai ah, a fanu in a pek mi a fanu thin ruangah a tharin nunnak a co. Cu vek ciah cun, nang le kei hi Jesuk Khrih ruangih nunthar nei tu, a nung mi kan si. Kan minung hlun cu Jesui thihnakah khan thah in a um zo ih. A phum nakah phum bet in a um zo.

🎯🎯🎯Phum zo mi pawl, that zo mi mithi pawl hi zo hman an thosal dah nawn kel lo. Adam hmaisa in kan minung hlun si na hnuah² thah le phum hlohin a um zo.

A thih nak cu ka thihnak, a phum nak cu ka phum nak, a thawh sal nak cu ka thawh sal nak kan ti, hi mi hi a dik lo mi cu a thawhsal nak ah hin kan mi nung hlun a thosal ve ah kan ruat țheu.

Thawhsal nak ah hin, mi nung hlun thawhsal nak a tel nawn lo, munung hlun cu a thi a tho sal nawn. 

Ka pu a thi a ra thosal nawn lo, Ka pi a thi a nih khal a thosal nawn lo, 

A si le ziangruangah an tho sal nawn lo si pei, kan ti a si le ANS// an thi ruangah pan teh.

Paulin a sim sawn mi cu Baptisma kan lak tikah amah thawn phummi kan si ih a thihnak ah khal kan ṭawm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.^a   a ti  👉umzia cu mi nung hlun, kaih thawh lam si nawn lo in , thawhsal ni a thlen tikah a thosal ding mi kan neih mi nunnak hi a si a thawhsal nak ih tih nun ih kan um nak cu. amah ah nunthar (rundamnak kumkhaw nunnak) a nei zo tu pawl cu, cui nun thar thawn kan lei taksa hi thi hman seh la nunnar ih nung fing mi kan nei, kan tho sal ve leh ding, a ti nak a si.

🎯Cu ti a si le Baptisma co ti mi sul lam cu, 

Baptisma kan co naksan cu rumdam kan si nak ding hrangah a si lo, rundamnak  cotu kan si zo ruangah sawn kan co a si.

A phum nak ah kan minung hlun a thi zo, a phum nak ah phum beh in a um zo, a thawksal nak ah a tharin nuntir kan si zo. Rundamnak pek kan si zo, piangthar kan si zo, ti nak khi a rak si.

☑Hminsin Baptisma co hi pian tharnak tla a si lo.

###################

5 A thihnak ahkhan amah thawn a thi tlangmi kan si ruangah thihnak ihsin thawhter a sinak ah khan kannih khal kan tel ve ding.

 

6 Kan nun hlun cu Khrih thawn thinglamtah parah khen cih a si zo ti kan thei; cumi cu sual in a khatmi kan nunnak hlunih pum cu a siatral ṭheh ding tinak a si. Cutiin sualnak ih sal kan si nawn lo.

 

7 Ziangahtile mi pakhat cu a thih tikah sualnak in a parah thu a nei nawn lo.

 

8 Khrih thawn kan thih tlang ruangah a nun khal amah thawn kan nung tlang ding tiah kan zum.

 

9 Khrih cu thihnak ihsin thawhter a si zo ih a thisal nawn lo ding, ti kan thei; thihnak cun a parah thu a nei nawn lo.

 

10 Cule sual thu ahcun kumkhua daih in a thi ih atu a nun hi cu Pathian ah a nung a si.

 

11 Cuvek ṭhiamṭhiam in nannih khal sual thu ahcun mithi kan si tiin siseh, nunnak thu ahcun Khrih Jesuh zaar in Pathian thawn pawlkom in kan nung tiin siseh, ruat aw uh.

12 Taksa hiarnak kha nan thlun lonak dingah a thi theimi nan taksapum cu sualnak in uk nawn hlah seh.

 

13 Nan taksaṭhen ziangkhal thil ṭha lo sual tuahnak ah nan hmang lo pei. Cuhnakin thihnak ihsin nunnak ih thawhtermi bangin nan ziangzongza Pathian hnenah pe aw sawn uhla nan nunnak zate thawn thil ṭha tuahnak ah hmang sawn uh.

 

14 Sualnak cu a lo uktu bawi si nawn hlah seh; ziangahtile daan hnuai ah nan nung nawn lo, Pathian zangfahnak hnuai ah nan nung zo a si.

Dingnak Ih Sal Nan Si

15 Cuti asile ziangtinso a si ding? Daan hnuai ih um lo in Pathian zangfahnak hnuai ih kan um ruangah sual kan tuah hrih ding maw? Tuah hrimhrim hlah!

 

16 Nannih in mi pakhatkhat hnenah a sal si dingin le a thu ngai dingin nan pe aw a si ahcun, cuih a thu nan ngaimi cu nan bawi a si ih nannih cu a sal nan si ko; cucu fiang zet in nan thei zo a si. Sualnak ih thu nan thlun asile sualnak ih a suahpimi cu thihnak a si ruangah thihnak nan tuar ding; asinain Pathian ih thu nan thlun ahcun Pathian thu thlun ih a suahpimi cu remnak a si ruangah Pathian thawn rualremnak nan co ding.

 

17 Sikhalsehla Pathian hnenah thangṭhatnak um ko seh! Ziangahtile nannih tla cu sualnak ih sal nan rak si dah nain atu ahcun zirhnak nan ngahmi sungih thudik kha nan thinlung zate in nan thlun zo.

 

18 Sualnak ihsin luattermi nan si ih dingnak sal ah nan cang zo a si.

 

19 (Nan thei thei deuh ding tiah nitin hmanmi ṭong ka hman hi!) A hlanah cun a ṭha lomi tuahnak ah nan taksaṭhen cu a baalmi le a ṭha lomi ih sal ah nan pe aw. Cuvek ṭhiamṭhiam in atu ahcun a thianghlimmi tuahnak ah nan taksaṭhen cu a zate in dingnak ih sal si dingin pe aw uh.

20 Sualnak ih sal nan rak si lai ahcun dingnak ih ukmi nan si lo.

 

21 Cutiih sualnak sal nan si ruangah ziangtal hlawknak nan ngah maw? Nan ngahmi cu kha vek thil sual nan tuah ruangah atu ningzak ih nan um hi a si. Cubangtuk thil ih hlawhman cu thihnak a si!

 

22 Sikhalsehla atu ahcun sualnak ihsin luattermi nan si zo ih Pathian ih sal ah nan cang zo. Nan hlawkmi cu Pathian hnenih hlanmi nunnak thiang a si ih cumi in a suahpimi cu kumkhua nunnak a si.

 

23 Ziangahtile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.