ROM 6:1-23 Hrilhfiah nak
ROM 6:1:23
Rome bung 6 hi , chang 1-in chang 23 tiang a um ih.
Cu mi sungah Rom bung6:1:14 sung tiang thuah hin , Sual Ah kan Thi, Khrih Ah kan Nung ti mi thu Paulin fiantir nak a neih mi thu a si.
Rome🎯🎯 bung 5: sungah khan Pathian thawn rualrem nak, kan co dan thu kha simfiang nak a rak tuah zo ih,
Pathian le milai karah ih pehzawm awk nak a cat zo mi, Fapa Jesuk Khrihih thihnak ruangah Pathian thawn rualremnak kan co leh sal dan thu, Adam hmaisa-ah khan Adamih te sinfa mi hmuahhmuah Pathian ih hmelma ral ah kan cang ,Pathian le mi lai peh zawmawk khal a cat, a thi zo a si. Cu mi kha Adam neta Jesuk Khrih ah cun Pathian in a zaangfah nak le ngilneihnak duhdawtnak ruangah a fapa Zesuk Khrih cu kan sual leiba rulhnak ngaihdamnak ah hmangin Pathian hmai kaah thiam co tir mi kan si thu, rom bung5 sungah khan kan zirngah mi a si ih🎯🎯Cuntin Rom bung 5: ah cui thu cu a sim țheh hnuah 👉 Rom bung 6 sungkhal ah simfiang nakin a run peh cih vivo ih.
👇👇👇👇
Rom bung 6 thu hi, a bikin 6:1-14) sungah hin👉 Adamhmaisa sungah Sual ih a thi zo mi kha Khrihah nuntir sal kan si leh nak thu, in theihtir , 👉
Cu ruangah🎯Adam hmaisa sungah cun mi zokhal hi, Sualah arak thi zo mi, kan si ih,
Hmaseh la, tu ah cun Zaangfahnak ruangah
🎯Adam neta Jesuk Khrihah cun mizo khal, Jesu ka hrang a thi a thosal zo ti zumtu cu, nuntharin Jesuk Khrih sungah kan nung zo a si, ti mi thu hi ,Rom bung 6 1:14 hin in zirh duh mi a si.
1.🎯
ROM 6:1-23
1 Asile ziangtinso kan ti ding? Pathian ih zangfahnak karh sinsin seh tiah sual kan tuah vivo hrih ding maw?👉👉ti in Rom chang 1: ah kan hmu.
Asile 👈 asile, asiah cun , cuti a si le, ti vek țawngfang pawl hi, kan simcia zo mi, kan relcia zo mi, thupi pakhat-khat, a pehzawmin simfiang sal kan duh tikah kan hman țheu mi țawngkam conjunction (n) a si ih.👉
🎯🎯 Rom 6:1 thu ah, 👉Asile👈 , ti mi, thu hi ziang si?ziang si a sullam? Ti mi a fiang thei nak ding hrangah👇👇👇👇
Rome👉👉 bung 5:20 ih sin 21 kan zoh ta pei, 👉 Rom 5:20-21👉 Daan a ra thlen tikah sualnak karhtertu ah a cang. Sikhalsehla sual a karhnak hmunah cun Pathian ih zangfahnak khal a karh sinsin ve.
21Curuangah sualnak in thihnak thawn minung in uk vekin Pathian ih zangfahnak in dingnak thawn minung cu in uk ve; cuticun kan Bawipa Jesuh Khrih zaar in kumkhua nunnak sungah in hruai a si.))) Ti a si.
Umzia cu thlahtu Adam hmaisa ah khan mi hmuah-hmuah hi Pathian hmaiih kan si nak cu Adamah mi sual, Adamah bawhsiatnak ruangah thiam lo co, Adamah mi sualih puan, Adamah sual ruangih Pathian camsiat mi thiam lo co, Adamah sual man thi ding, cu mi cu milai pawl Adamah kan dinhmun cu a si.
🎯🎯 Adam tluksiatnak sual ruangih mi hmuah-hmuah cui Adam ih sual kan kai sawn dan, a peh par awk dan cu, kau deuhin kan simfiang a si le
Tah thim nakah, nu pakhat cun nu le pa suahsual nak ruangah AIDS nat a nei.👉 cui AIDS nat nei tu nu pakhat cun naute a hring, cui naute cu a pian le ve ten AIDS nat kha a nei ve maw ti kha, an check ve tikah aids nat kha a nei ve a si, ti hmuh suah a si , 👉Cu ti a si le, ziangruangah naute cun AIDS hrik cu a nei ve si pei? Sual a tuah ruangah a si pei maw? Ti zik bangta seh la , sual tuah thei dinhmun a si hrih si lo, A si lo le ziang ruangah si pei ?
ANS//Nau te hin sual a tuah ruangah si lo in, a paitu a nu in hi nat hi a vei ruangah a fahin a nui sual rah a tuar ve ti nak a si ko. Naute in a thil ti sual le a tuah sual ruangah si lo in a nui ruangah hi nat hi a run nei ve ti nak a si.
Cu bang ciah cun,
Original sin, nang le kei Pathian hmaiih mi sual thiam lo co , sual nak ruangih thi ding mi kan si nak hi, Sual kan tuah ruangah si lo in, Adam ih thlah kan si ruangah sawn a rak si.
Cu ruangah nang le kei hin sual kan tuah thiam ni ihsi thawkin Pathian hmai kaah mi sualah kan rung cang a si lo ih, Sual nak kan tuah thiam ni ih si lawngin mi sual si nak runnei thawk khal kan si fawn lo. Sam hla ngan tu cun hi tin a rak sim 👉👉 ((Sam 51:55eNgai hnik, kei cu mawhsualnak thawi hrinsuah ka si ih,
Sual thawn ka nu in i pai.)) 👈 A ti.
Nuipum sung ih sin Sualih pai kan rak si zo daih a si cu, Umzia cu 🎯 Setanih bum nak ruangih Evi le Adam tei bawksiat nak sual nak ruangah khan leitlunah sual a lutih, cui ruangah lei tlunah a piang zo le a piang hrih lai ding pawl hmuahhmuah tiangin cui sual nak cun leitlun hmuahhmuah a fansuak țhen zo ruangah ah, leitlun pi hi sualin a uk țheh zo ruangah. Mi zo khal cui original sual thaw cun a pehpar aw mi ah kan rungcang țheh ti nak a si . A luat kan um lo.
Cu ruangah Pathian hmai ka ah cun Adam hmaisa ih mi nung hmuah-hmuah pawl cu, sual man thi dingih thu țhen mi kan si țheh. Ti nak a si.
Tah țhim nakah🎯🎯👉Malaysia ah a um mi, chin mi pakhat in mi a that, cui tualthatpa mi sualpa cu an kai, cu tikah Malaysia cozah cun cui mithat pa cu ziang miphun a si ti anzingzawi tik ah, chin miphun kawlram ti hi anhmuh mi cu a si, cu tikah chin mi zaten kaih țheh ih kawlram ih kuat țheh ding in thu an țhen.
Malaysia ih a um mi chin mi zate mi sual an si lo nan, an sual țheh tinak tla a si lo nan, sual nak a nei lo pawl khal siseh, sual a tuah lo tu khal siseh, chin mi a si mi poh poh cu kaih țhehih kawlramih kuat ding an si țheh. Ziang ruangah sual nei lo pawl khalin cui thupek cu tuar ve ding an si? kan ti a si le, sualnak a tuah tu mi sual pakhat ruangah a si. Cu ruangah Malaysia um chin mi pawl cun an duh ah duh lo ah Chin mi an si nak le kawlram mi an si nak cu kawlram ih kuat an tawn nak ding san cu a rak si.
2.🎯A FIANG SIN NAK AH.
HEBRAI MI, NAUPIANG CU MIPA A SI AH CUN THAH ÈšHEH DING.
Adang lehah cun Exd 1: 8,16 kan zoh a si le👉 8 Cuih caan ah Josef ih thuhla thei dah lotu mi thar pakhat Izipt ram ah siangpahrang a cang.
16 An hnenah, “Hebrai nunau in fa an hrin ih nan tuamhlawm tikah naute cu mipa asile nan that pei; nunau a si ahcun nan that lo pei,))
Cu👆 mi sul-lam cu👉Egypt siangpahrang in a ram sungah nausarpawl (nurse) hnenah thupek a tuah mi cu, Hebrai nu nau in naute mipa a hring a si ah cun nan that țheh ding a si, ti a si.
Egypt ramsungih siangpahrang thupek cu Hebrai pawlin fa an nei a si le, mipa fa a si ah cun thah țheh ding ti a si, Mosia a rung piang ve, naute Mosi cun thihpi tlak sualnak zianghman tuah mi a nei lo nan, Egypt ramih piang Hebrai mi, cui tlunah mipa fa a si ruangah Mosia kha thah ding mi a si.
👉Cu ciah cu a si, Pathian hmaiih milai kan din hmun cu, Adam cithlah kan si ruangah kan tuah lo kan ti tel lo cithlah ih kan sawm mi sualfa (sual dum kai) Adam thlah kan si nak hi kan thihpi ding mi cu a rak si ve.
1.🎯 Adam hmaisaih nang le kei sual ruangih Pathian hmaiih kan dinhmun cu , thiam lo co, sual ruangih thi ding mi, camsiat zo mi , khak tuar , din hmunih um kan si lai ah.
2. 🎯Cui din hmunih a ding mi, mi lai pawl cu, Adam neta Zesuk Krih cun a Pai hmai ih Adam hmaisa ih kan si nak, kan tuar ding mi sual mawh hmuah hmuah pawl cu azaten a bo a bang um lo in amah Jesu rori in kan sual mawh hmuah hmuah pawl cu a taksa rori in, in phurhsak țheh ih, kan ai awhin Pathian hmaiah a nunnak le a thisen hlan in kai awhin in thih sak ih, kan sual mawh lei ba hmuah-hmuah cu in pek sak ruangah. Cu le cui thu cu a zumtu pawl hmuah-hmuah cu a fa ah in co hlang ih, cu ti cun sualnak salsungih sin mi luat ah kan cang.( mi luat ah in tuah) Tuah Pathian in nang le kei hi bulpak in Mg Mg in ziang a tuah, Tan Tan in ziang a tuah ti in thu in țhen nawn lo. Ziangruangah a si kan ti a si len , ZAANGFAH NAK ruangah a si,
ZAANGFAHNAK ti mi umzia cu, kan phu ruangih kan neih mi si lo in, kan phu lo tuk ruangih kan ngah mi khi a si.
Tah țhim nak ah, mi pakhat in sumdawng mi lian a sum le pai a it ruangah a suam ih, a that, cu tin a sum le saw cu a laksak țheh, leh hnuah cui tualthat tu pa cu kaih a tawng, cui tualthat tu mi pakhat cu rorel sak ding a si. A hrangih thu țhen sak nak a tawn thei ding mi pawl cu, kumkhua thawngtlak or thih dan pek ti pawl an si. Cu tin a thu hla an rel ni a thlen tikah sihni (judge) in a zaangfak tuk lawmmam, a thu an anhun țhen tikah judge in a zaangfak tuk ih ruangah luatnak a pek.
🎯Hi lai that tu pa hi a fel tuk ruang le a phu ruangah a luat a si ti bang seh la a dik pei maw ?
ANS//Dik lo e,
Zaangfahnak um zia cu hi mi hi a si, fel lo, famkim lo, mi sual kan si cingin, kan phu lo luatnak co tir kan si nak, kan phu lo cing in miding fel na si in ti nak, kan phu lo cing in nunnak inpek nak hi bang pawl hi zaangfaknak umzia cu a si. Amen.
###################
Asile ziangtinso kan ti ding? Pathian ih zangfahnak karh sinsin seh tiah sual kan tuah vivo hrih ding maw?
ROM 6:1
2 Tuah naisai hlah! Sualnak ah kan thi zo ih ziangtinso a sungah kan um thei nawn ding?
Pathian zaangfah nak cun kan nih sualthlah, dinhmun nei lo, camsiat, khak tuar, hmahnai khat, sual man thi ding mi si nak ih ta cu, a zaangfah nakin inrundam si khawh ih, rome 6:1 Asile ziangtinso kan ti ding? Pathian ih zangfahnak karh sinsin seh tiah sual kan tuah vivo hrih ding maw?
Umzia cu rom 5:20 ah khan Daan a ra thlen tikah sualnak karhtertu ah a cang. Sikhalsehla sual a karhnak hmunah cun Pathian ih zangfahnak khal a karh sinsin ve. 👈 a ti si khawh 👉
Sikhalsehla sual a karhnak hmunah cun Pathian ih zangfahnak khal a karh sinsin ve, ti a si tikah, cu ti a si le, Pathian zaangfah nak hi a thukin a kau pamsi, kan sual sinsin kei, sual tampi kan tuah sinsin kei ih, cu le Pathian zaangfah nak khal a karh sinsin ko ding , ti nak a si lo pei maw?
A thusim mi a fiang nak dinghrangah Paul cun thusut nak a tuah ih, a simfiang cih țheu.
Rom 6:2 Tuah naisai hlah! Sualnak ah kan thi zo ih ziangtinso a sungah kan um thei nawn ding? (Ti in)
Sualnak ah kan thi zo ih ziangtinso a sungah kan um thei nawn ding? Ti umzia chu,
👉👉👉👉 thi ti mi hi ziang a si? Kan ti a si le, ANS// thi ti mi cu minung taksa leh minung thlarau an țhenawk mi khi, thi ti mi cu a si. Kan taksa hi kan thlarauin a suahsan tikah, taksa leh thlarau a peh zawmawk nak a cem, cu tikah mi thi ah kan cang. Cu tikah Thaw kan thaw nawn lo, cu cu tisa taksa lei ih kan thih dan cu a si.
🎯 thlarau lam thi, ti mi ve thung cu Pathian Thlarau le minung thlarau a pehzawm awknak a cat, a cem , cu mi cu thlarau lam thi ti mi cu a si.
Thuk deuh in kan sim a si le, Minung sualih a tluk ni ihsi khan Pathian thlarau le minung thlarau a pehzawm awk nak a cat, a thi, a rak cem, cu cu thlarau lam thihnak ti mi cu a rak si.
:2 Sualnak ah kan thi zo ih ziangtinso a sungah kan um thei nawn ding? Ti umzia chu,
🎯 sualah kan thi zo si, ti mi a umzia cu👉👉👇
Adamah mi sual a si mi, sual man thiding kan si lai ah khan, kan sual mawh hmuah² a zaten Jesun kan sual man leiba kross parah inpek sak zo, cui Jesu thihnakah mi thi kan si zo ih, a phum nakah phumin kan um zo, cu ruangah, Jesu ah mithar kan si zo ruangih, sual thawn kan peh zawmawk nak a cat zo, sualnak thaw cun È›hen in kan um zo, cu ruangah sual ih uk mi kan si nawn lo, sualfa si nak salsungin mi luat kan si zo, sual thawn È›hen in kan um zo ruangah👉 ziang tin sual ah cun kan um thei nawn ding. Sual thawn kan peh parawk nak cu a cat zo, a cem zo si. Ti nak a si.
Paul cun a simfiang nak dangah hi tin a sim
Gal 2:19-19 ah👉Daan thuhla ahcun kei cu mithi ka si; Pathian ah nung dingin daan in kei cu i that zo a si. A thinglamtah parah kei cu Khrih thawn thahmi ka si zo. Curuangah a nungtu cu kei ka si nawn lo; ka sungih a nungtu Khrih sawn a si. Atu ih ka nun hi cu i duhdaw ih ka hrangah a nunnak a petu Pathian Fapa rinnak in ka nung a si.
Gal 6:14 khal ah hi tin a sim bet👉Kei hrangah cun kan Bawipa Jesuh Khrih thinglamtahnak siar lo uar ding dang zianghman ka nei lo. Ziangahtile Khrih thinglamtah ruangah leilung hi ka hrangah khenbet a si zo ih kei khal leilung hrangah khenbet ka si ve.
A sim duh mi cu leitlun le Paul cu an țhenawk zo, leitlun le Paul cu pehzawmawk nak an nei nawn lo, a ti nak a si.
Sual ah thi Khrihah nung ti mi cu, kan fiangsin nak ah🎯🎯Nu le pa țhenawpawl hi an thi maw? Kan ti a si le👉
Thi lamlam hlah e, an nung ko si ti uh law. A si nan an țhenawk zo hnuah cun an zawmawk nak cu a cat zo, a cem zo . Ziang hman pehpar awk nak an nei nawn lo, ti nak khi a si.
Cu🎯 bang tuk cun, khui tawk ah ciah si sualah kan thihnak cu, khui hmunah si kan thi kan ti a si le,👇👇👇👇
3 Khrih Jesuh thawn kan pehzom awknak in a sungih hnimmi kan si tikah a thihnak sung khalah hnimmi kan si tihi nan hngilh maw si?
👆👆👆 a ti, cu ti a si le, khuitawkah maw kan thi? Kan ti a si le, Khrih Jesuh thawn kan pehzom awknak in a sungih hnimmi kan si nak ah khan le a thihnak sung khalih hnimmi kan si nak ah khan a si ih, ti in bible in in sim. Cu cu a thih nak cu kan thihnak a phum nak ah phum ka si, kan ti țheu mi kha a si. Cun hi tin chang li nak ah a sim peh
4 Baptisma kan lak tikah amah thawn phummi kan si ih a thihnak ah khal kan á¹awm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.a
Hi thu,👆 hi kan fiang tlang thei nak dingah ti hin vun sim kau leh seh la, Bible ah tihnim pek( baptisma) ti mi hi, kan hmuh hmaisat bik nak cu Mathai 3:11sungah🎯 Nan sualnak nan sir aw ti theihnak ah kei cun tidai thawn baptisma ka lo pe, asinain keimah hnu ih a ra dingmi pa cun Thlarau Thianghlim le meisa thawn baptisma a lo pe ding. Amah cu kei hnakin a tum deuh ngaingai; kei cu a kedam kengtu hmanah ka tlak lo.
MATTHAI 3:11
Baptisma ti mi cu tisungah hnimphum, ti nak a si.
Cuti a si le, Baptisma co ti mi hi zianghrangah a si? Rundamnak co nak hrangah a si maw. Kan ti a si le,
Baptisma Johan in a pek nak san kan hmuh mi cu, an sualngai thiam an si nak hrangah a si lo, rundam an co nak hrang khalah a si lo, an sual nak an sir aw a si ti theih nak hrangah a si . Cu ti a si le Baptisma co ti sul lam cu, an sual an sir aw a si ti theihnak hrangah ti nak a si.
4 Baptisma kan lak tikah amah thawn phummi kan si ih a thihnak ah khal kan á¹awm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.a
Amah thawn phum mi kan si a thihnak khal kan țawmpi ve ti mi umzia cu,
Example 👉 mi pakhat hin thin cancer nat nak a vei , cu pa cu a thin an thleng a si lawngah nung ding a si, a nun nak ding hrangah thin hlan tu a neih a țul, ti nak a si cu.
Cu pa cu a thuhla a fanuin a theih tikah a zaangfak tukih, ka pa hi keimah rori in ka runsuah a țul a si, ti in (a tawi zawngin kan sim a si le) a thin cu a pa hrangah a pek,
Sim duh mi cu, cu pa in a neih mi a thin cu țang kai nak um lo thihpi ding lawng kha a si lai ah, a fanu in a pek mi a fanu thin ruangah a tharin nunnak a co. Cu vek ciah cun, nang le kei hi Jesuk Khrih ruangih nunthar nei tu, a nung mi kan si. Kan minung hlun cu Jesui thihnakah khan thah in a um zo ih. A phum nakah phum bet in a um zo.
🎯🎯🎯Phum zo mi that zo mi mithi hi zo hman an thosal dah nawn kel lo. Adam hmaisa in kan minung hlun si na hnuah² thah le phum hlohin a um zo.
A thih nak cu ka thihnak, a phum nak cu ka phum nak, a thawh sal nak cu ka thawh sal nak kan ti, hi mi hi a dik lo mi cu a thawhsal nak ah hin kan mi nung hlun a thosal ve ah kan ruat țheu.
Thawhsal nak ah hin, mi nung hlun thawhsal nak a tel nawn lo, munung hlun cu a thi a tho sal nawn.
Ka pu a thi a ra thosal nawn lo, Ka pi a thi a nih khal a thosal nawn lo,
A si le ziangruangah an tho sal nawn lo si pei, kan ti a si le ANS// an thi ruangah pan teh.
Paulin a sim sawn mi cu Baptisma kan lak tikah amah thawn phummi kan si ih a thihnak ah khal kan á¹awm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.a 👉umzia cu mi nung hlun, kaih thawh lam si nawn lo in , thawhsal ni a thlen tikah amah ah nunthar (rundamnak kumkhaw nunnak) a nei zo tu pawl cu, nun thar thawn kan tho sal ve ding, a ti nak a si.
🎯Cu ti a si le Baptisma co ti mi sul lam cu,
Baptisma kan co naksan cu rumdam kan si nak ding hrangah a si lo, rundamnak cotu kan si zo ruangah sawn kan co a si.
A phum nak ah kan minung hlun a thi zo, a phum nak ah phum beh in a um zo, a thawksal nak ah a tharin nuntir kan si zo. Rundamnak pek kan si zo, piangthar kan si zo, ti nak khi a rak si.
☑Hminsin Baptisma co hi pian tharnak tla a si lo.
###################
5 A thihnak ahkhan amah thawn a thi tlangmi kan si ruangah thihnak ihsin thawhter a sinak ah khan kannih khal kan tel ve ding.
6 Kan nun hlun cu Khrih thawn thinglamtah parah khen cih a si zo ti kan thei; cumi cu sual in a khatmi kan nunnak hlunih pum cu a siatral á¹heh ding tinak a si. Cutiin sualnak ih sal kan si nawn lo.
7 Ziangahtile mi pakhat cu a thih tikah sualnak in a parah thu a nei nawn lo.
8 Khrih thawn kan thih tlang ruangah a nun khal amah thawn kan nung tlang ding tiah kan zum.
9 Khrih cu thihnak ihsin thawhter a si zo ih a thisal nawn lo ding, ti kan thei; thihnak cun a parah thu a nei nawn lo.
10 Cule sual thu ahcun kumkhua daih in a thi ih atu a nun hi cu Pathian ah a nung a si.
11 Cuvek á¹hiamá¹hiam in nannih khal sual thu ahcun mithi kan si tiin siseh, nunnak thu ahcun Khrih Jesuh zaar in Pathian thawn pawlkom in kan nung tiin siseh, ruat aw uh.
12 Taksa hiarnak kha nan thlun lonak dingah a thi theimi nan taksapum cu sualnak in uk nawn hlah seh.
13 Nan taksaá¹hen ziangkhal thil á¹ha lo sual tuahnak ah nan hmang lo pei. Cuhnakin thihnak ihsin nunnak ih thawhtermi bangin nan ziangzongza Pathian hnenah pe aw sawn uhla nan nunnak zate thawn thil á¹ha tuahnak ah hmang sawn uh.
14 Sualnak cu a lo uktu bawi si nawn hlah seh; ziangahtile daan hnuai ah nan nung nawn lo, Pathian zangfahnak hnuai ah nan nung zo a si.
Dingnak Ih Sal Nan Si
15 Cuti asile ziangtinso a si ding? Daan hnuai ih um lo in Pathian zangfahnak hnuai ih kan um ruangah sual kan tuah hrih ding maw? Tuah hrimhrim hlah!
16 Nannih in mi pakhatkhat hnenah a sal si dingin le a thu ngai dingin nan pe aw a si ahcun, cuih a thu nan ngaimi cu nan bawi a si ih nannih cu a sal nan si ko; cucu fiang zet in nan thei zo a si. Sualnak ih thu nan thlun asile sualnak ih a suahpimi cu thihnak a si ruangah thihnak nan tuar ding; asinain Pathian ih thu nan thlun ahcun Pathian thu thlun ih a suahpimi cu remnak a si ruangah Pathian thawn rualremnak nan co ding.
17 Sikhalsehla Pathian hnenah thangá¹hatnak um ko seh! Ziangahtile nannih tla cu sualnak ih sal nan rak si dah nain atu ahcun zirhnak nan ngahmi sungih thudik kha nan thinlung zate in nan thlun zo.
18 Sualnak ihsin luattermi nan si ih dingnak sal ah nan cang zo a si.
19 (Nan thei thei deuh ding tiah nitin hmanmi á¹ong ka hman hi!) A hlanah cun a á¹ha lomi tuahnak ah nan taksaá¹hen cu a baalmi le a á¹ha lomi ih sal ah nan pe aw. Cuvek á¹hiamá¹hiam in atu ahcun a thianghlimmi tuahnak ah nan taksaá¹hen cu a zate in dingnak ih sal si dingin pe aw uh.
20 Sualnak ih sal nan rak si lai ahcun dingnak ih ukmi nan si lo.
21 Cutiih sualnak sal nan si ruangah ziangtal hlawknak nan ngah maw? Nan ngahmi cu kha vek thil sual nan tuah ruangah atu ningzak ih nan um hi a si. Cubangtuk thil ih hlawhman cu thihnak a si!
22 Sikhalsehla atu ahcun sualnak ihsin luattermi nan si zo ih Pathian ih sal ah nan cang zo. Nan hlawkmi cu Pathian hnenih hlanmi nunnak thiang a si ih cumi in a suahpimi cu kumkhua nunnak a si.
23 Ziangahtile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.
Comments
Post a Comment