Beram Pu & Mifingte

Khrismas hman hmsakberna hun AD 336

View all

The "first Christmas" refers to both the original birth of Jesus, described in the Bible with Mary and Joseph traveling to Bethlehem, and the first recorded Christian celebration of Jesus' birth, which occurred in Rome on December 25, 336 CE, during the reign of Emperor Constantine. Early Christians didn't initially celebrate Jesus' birth, focusing more on Easter, but by the 4th century, they adopted December 25, a date linked to pagan winter solstice festivals like Saturnalia, to formalize the holiday. 

1. PAKHATNAK - CIBAI BUK.

Zesu cibai buk hmaisabik tu pawl cu Tuukhal pawl le Mifim pawl kha an si ( Khrismas lawm hmaisa bik tu pawl an si, a ti theih awm e)

Khrismas sermon ah a tel lo lai um lo, a tel lo cun Khrismas a famkim thei lo ti theih tluk a si mi cu, Tuukhal pawl le Mifim pawl thu hla hi a si.

TUU LE A KHALTU THU HLA.

Bibleah tuu le a khaltu thuhla hi a langtam zet, Bibleah ranvulhih eihawl hmaisabik kan hmuh mi cu ABEL  a si ( Gen 4:2) Cuih hnuah a naupa Abel a hringsal. Abel cu tuukhal a si ih Kain cu lothlo a si.

Bible👈👉 cun ABEL cu tuukhal a si a ti. Cu ruangah Abel hi Tuukhal  hmaisak cu ABEL a si, ti a si.

Bible Tuu ti mi cafang hi OT ah vawi 152 NT ah vawi 41 a lang. Cun Tuu khaltu ti hi OT ah vawi61alang, NT ah vawi 17 a um.

TUU KHAL 

Zesui pian thuhla thawi pehpar aw mi TUU khal pawl, Luke cun ti hin a ngan👇👇👇

Luke 2:8-14👉Cutawk ram sungah cun tuukhal ṭhenkhat pawl cu zan ah an tuu pawl kil in an um. Bawipa ih vancungmi pakhat cu an hnenah a lang ih Bawipa ih sunlawinak cu an parah a rung tleu. An ṭih ngaingai; asinain vancungmi cun, “Ṭih hlah uh! Nan hrangah thuthangṭha ka run keng; cuih thuthangṭha cu mi hmuahhmuah hrangah lungawinak ngaingai a si. Tuih zan rori ah David khuasung ah nanmah Runtu Bawi Khrih a suak zo. Cumi hminsinnak ah hitiin a si ding: Naute cu puan in an tuam dingih caw rawl einak kuang sungah an hlum nan hmu ding,” tiah a ti.

Hmakhat teah cuih vancungmi thawn hmunkhat ah vancung ihsin vancungmi burpi an rung lang ih Pathian thangṭhatnak hla an sak.

“A sang bik van ahkhin

Pathian cu thangṭhat si ko seh;

A duhdawtmi minung pawl umnak

leilung ahhin remnak

leeng ko seh,” tiah an ti.

LUKA 2:8-14

👆👆👆👆

Luke cun,👉Cutawk ramsungah Luke 2:8👈 a ti mi 👉ramsungah)👈ati mi cu  Greek in -χώρᾳ-chóra-an ti ih cu cu mirangin region)- ti a si, umzia cu, Bethlehem kiangkap hramlak hmun pakhat, hramlak ram pakhatah, ti nak a si.

Cui hramlak ram cu Ram Neitu bik um lo, ram palaileng, lentlang, buannel, ti vek pungsan khi a si ih, cu mi ram or hmun cu Tuu rual ranrual zokhalin antlanlen tir theinak hmun ram vek khi a si.

TUUKHAL PAWL HMUNRAM PAHNIH A UM

 Cun , tui sun ni can ah hin, ramthianghlim ti mi Israel ramah khin 👉 Tuu khaltu pawl mual " (an tuu khalhnak mual tinak a si) ti mi enkawl bik mi ram hmun hnih Hmarlam le Simlam ah a um,

1. Hmar lamah cun  Roman Catholic kohhran pawlin Tuu khal tu pawl mual ti mi , enkawl bik mi ram an nei ih.

2. Sim lam pang khalah greek Orthodox kohhran pawl khalin Tuu khal tu pawl mual ti in, hmun pakhat enkawl mi an nei ve, ti a si.

Tu ah khui mi sawnha Tuu khal pawlih tuu an khalhnak si sawnpei? ti mi cu zohman in an thei lo, ti si.

Hi mi ih kan hmuh thei mi cu, an nih lo khal kohhran dang dang pawlin tuu khal pawl hmunram ti in hmun ziangmaw tizat khal tuah cawpin enkawl hai khal sehla, a thupi sawn mi cu Jesu hi leitlunah a rungpian tak tak a si, Vantirhkoh pawlin Tuu khal pawl hnenah an rak sim a si, ti hi rinhlelh ding a um lohzia a lang tir.,

BETHLEM KIANGKAP DAVID IH TUU KHAL NAK

Tui hlan ihsin BETHLEM Dai kiangkap vel hi Davidih tuu khalh nak hmun le ram a rak si, 

BETHLEM khua ah hin tuisun ni tiangah thlatang canah cun vur a tla țheu ti a si. Vur (snow) in BETHLEM hi a khuh ve țheu ti a si. Tuu khal pawl tuu khal nak hmun le ram lawng te ah vur a tla dah ciah ve lo a si hmang. Vur in a cim ban ve lemlo a si hmang.

Mithiam țhenkhat pawl cun, Zesu hi thlatang lai can ih suak a si an zum lo, Kannaan ram a hlum lai deuh sawnah a suak ah an zum.

Tuu khal pawlin tuu an riahpi țheu can hi, March thla ih sin November thla kiangkap hrawnghrang pawlah hin a a si țheu hmang.

Cu ti a si ruangah, mitam pi in Jesui pian ni thla an zum dan hi, mi țhenin may ni 20, mi țhen in April 20 si lo le April 21 a si ding ti ah an zum.

Ziang khal vek khal va si seh, a ni cu December ni 25 tengteng a si lo a si khal ah, Zesu hi leitlunah a rungpiang a si ti cu a fiang  a si. Cu cu kan theihfeng ding sawnih thupi cu a si.

TUU KHALH LEH ISRAEL NUN

Tuu khal ti mi hi Israel pawlhrangah cun thilthar a si lem lo, an nunah a bet ti theih sawn khi a si, Anpa anthlah tu pawl kan zoh a si le, Jacob+Israel ihsin thawkin Tuukhal ih pumcawm aw an rak si hrimhrim, David khal Tuu khal a si. 

MI MAN, MI AWLTHAWNG PAWL A HMANG DAH LO.

Tuu khal hna hi hnasang le hna zahum a si lo. Tuu khal ding hin cathiam sang si tla a țul lemlo. Tuu khalh hna hi Zirsang lo, thiam nak nei lemlo pawl ih țuan țheu mi hna a si. Tuu khal ding hin, cathiam, zirsang mi si a țul lo,

Cu ti vek cu a si nan Zesu pian thuhla ah khan Tuu khal pawl hi Zesu hmuak hmaisa tu an si thu, kan hmu. Amah Zesu khal khan ti hin a rak sim,👉 Johan 10:11 Jesuh in, “Thungaite in ka lo sim: Tuu inn sungah sangka in lut lo in hmundang in a kai ih a luttu cu rukru le damiah an si.

Kei cu tuukhal ṭha, tuu hrangih a nunnak a pe siangtu ka si.” 👈 a ti.

Jesui lakah milian mifarah a um lo, hna niam bik țuantu le mi farah mi zonzai, mi niam bik te tiangin mi zo khalin Zesuh hi cibai an buk thei a si, ti hi Tuu khal pawl nunah hin kan zir suak thei a si.

Cun Zesu hi mi man ngaingai mi awlthawng ngai ngai pawl hnenah hin a puansuak aw lem lo, cu pawl khi a ko kan hmu lem fawn lo, Tuu khal pawl khal, zianghman ti lo le zaangzel takih an um hruahhri lai canah si loin, tuu khalih anbuai vutvo emem lai can ramah an tuu kilvengin an riahcilh cu ti vekih tuu hrangah pimpe aw in tikcu can anhman lai canah si an hnenah thuthang țha a thlen . Example Peter.........pawl a kawh thu hla.......

THUAWIH NUN

Le, Tuu khal pawl nun ih kan hmuh mi cu, thuawih nun a si, van tirhkoh in an sim bangin thu awih takin, rinhlelh nak tel lo in A pian nak lam panin cibai buk dingin an feh suak mei a si.

Nang kei cun Pathian thu hi awi mei le zum mei hi harsa kan ti țheu, ziang si maw makdanglam le finfiah nak thil pakhat khat kan hmu lo a si ah cun zum harsa pawm harsa kan ti țheu.

Zesu Cibai buk ding hin thiam nak sang, si nak sang din hmun țha, hi bang pawl neih a țul cuang lo. Rinum le ngawitlawm awk a thupi, hi pawl hi a mah cibai buktu dingah Zesu hin a duh a si, Pathian hmaiah milian farah thlei dan a um cuang lo. Cu ruangah nang le kei mi zawnzai te pawl khal hi a mah cibai buk dingah Zesu hin in iai lo a si. Ngaitlawm aw nun leh thin lung phah niam awte in Zesuh cibai kan buk ve kei uh le.