Mifingte chanchin

NI SUAHNAK LAMIH MIFIM PAWL

Magi + Lal, Arsi thuhla zir pawl, mifim

Mathai in Mifim a ti mi English ih magi ti mi țongkam hi (Majai+ mifim or Lal rel nak ah hman mi țongkam a si ih, 

Falam Bible cun, English ih Magi ti mi țongfang hi Arsi zoh thiam ti in anlet ih a fuh nasa a si.

Mathai 2:1 ah cun👉Jesuh cu Herod in Judea ram ah siangpahrang a țuan lai ah, Judea ram Bethlehem khua ah a suak. A rei hlanah nisuahnak lam ihsin arsi zohthiam pawl Jerusalem khuapi ah an ra ih,( ti in kan hmu)

Mizo bible cun hi tin a ngan, MATTHAI 2:1Matthaia 2:1 (MGB)  Tin, lal Heroda a lal laia, Judai rama Bethlehem khuaa Isua a lo pianin ngai teh, khaw chhak lam ata mi fingte Jerusalem khuaah an lo kal a, ( mifing pawl ti in a ngan thung)

MIFIM PAWL PAZIAT AN SI?

Mifim pawl thu hlaah theih dan a bang aw lo.

1.A then in pahnih an ti

2.A then in pathum an ti

3.A then in pali an ti

4.A then in hleihnih an ti

5.Bible in Arsi zohthiam pawl a ti.

HLAN SAN HISTRY IH KAN HMUH DAN

1. Kum zabi 8 nak, san lai , Hlan lai thuanthu (histry) ngan nak cabu pakhat a si mi,  Chronicles accepta latina barbary ti mi sungah cun Mifim pawl hi mi pathum3 an si, ti in, anhmin tiang ngan mi tla hmuh ding a um.

1. Balthasar

2.Meltiar

3.Casper pawl an si ti in.

A si nan hi mi record , mifim pawl hi pathum an si maw si lo ti mi nemngheh nak Bible ah hmuh ding dang a um lo .

2. Roman Cathacom of Domitila ti mi Bang (wall) hruangkulh parih milem suai mi ah cun mifim pawl hi milem zuk Pali4 an tar lang ti a si.

3. Cathacom of Peter and Marselina ah cun, pa hnih2 bangin an ngan ve.

4. Surian tradition ah cun mifim pawl hi minung hleihnih12 bangin theih an si ve thung.

Ziangkhal le Bible hin Mifim pawl hi paziat ciah an si ti a ngan lang lo ruangah, mifim pawl.hi a zat theih an si lo ti hi a san nak a si.

Pahnih ihsin hleihnih karlak an si thei ti hin ngaih dan tuah seh la, a fel thei in a zum um.

MIFIM PAWL HI KHUI RAM IHSIN RA HA AN SI, ZIANG VEK MINUNG HA AN SI?

1. Ngaih dan tampi a um, kohhran hmaisa pawl in mifim pawl hi Persian mi an si ding tiah an ruat .

2. Mi țhenkhat pawl cun mifim pawl hi Surrian hmar sak lam Kumokkene hmun lam ihsin ra mi an si ding ti in zumtu khal an um ti a si.

3. Mi țhen dang leh cun mifim pawl hi Bybilon lam ihsin a ra mi an si ding tiah an zum (Zumsan Arsi lam thiam mifim an tam)

4. A țhen cun, Arabia or Surria ram thlaler hmun ihsin ra mi an si ding ti ah zum tu khal an um la la. (An zum san cu Sui, rimhmui, Beraw pawl, hi ramah hin sumdawn nak tuah an tam, an lar zet)

Justin Myrter 

5. MILAR TAK: Justin Myrtar khal khan AD 160 vel ih a cangan mi ah khan mifim pawl hi Arabia lam ihsin Lal Heroda hnenah an ra tiin a rak ngan ve.

6. Tertulian khalin  AD110 velah Mifim pawl hi Damusca le Arabia lamih sin ra an si a zum thu a rak ngan ve.

7. Climent of rom khalin AD 96 velah khan Korin khaw mi pawl hnenih a cakuat ah beraw le mura rimhmui hi Arabia thawi pehpar mi thil ah a rak ngan lang ve ti a si.

Ziang khal a si le, Mifim pawl hi zoha an si, khui ihsin ra ha an si? Ti cu a phi ah cun theih feng an si lo , ti hi a si tho tho a si cu.

 Mifim Pawl Hi

Zo vek an si. Ziang vek an si ti, khuiram ihsin ra mi an si ti theih an si hai lo a si cu.

A ciang mi cu Mifim mi lian pawl khalin Zesu hi bawkkhupin cibai an buk t a si ( an buk thei), ti hi mifim pawl hnenihsin kan zir suah thei mi a si.

MIFIM PAWL LE TUU KHAL PAWL IN ZISU CIBAI AN BUK RUAL MAW?

A san nak cu👉 Rual lo ti hi a si.

Tuu khal pawlin naute Zesu cibai an buk dan thuhla cu luke in hi tin a ngan:

Luke 2:16-20 👉A umzia cu Tuu khal pawl cun, Cawrawl pek nak kuangsungih naute kha an va hmu Cuticun manhlap zet in an feh ih Mari le Josef le caw rawl einak kuang sungih a itmi naute cu an va hmu. Tuukhal pawl in naute an hmuh tikah vancungmi in cuih naute thuhla an simmi cu an hnenah an sim. Tuukhal pawl ih simmi thu a theitu hmuahhmuah cu an mang a bang ngaingai. Mari in hi thu hmuahhmuah cu ha zet in a ciing ringring ih thuk zet in a ruat. Cule tuukhal pawl cu an kir ih an hmuhmi le an theihmi pawl ruangah Pathian thanghatnak hla sak phahin an tlung. Vancungmi ih a rak sim cia vekin a kim heh a si.

MIFIM PAWLIN CHI BAI AN BUK DAN.

Zesu hi kum2 tlun a si zo zum a um.

Khai lai ah kalauk in khual antlawng.

Mifim pawl hi a tlun lam ram pawl an ratnak si awm hmang dingih kan rel mi ihsin ra an si ding ruangah, khai laiah motor vanzam cycle a um lo, ( sanghawng sau hi an khualtlawn nak bik a si) ruangah Tuu khal pawl thawn an dinhmun a bang aw lo, cibai tla an buk tlang lo ti hi a fiang cih mi a si.

Mifim pawlin Zesu cibai an buk ve hrawnghrang hi Zesu Kumhnih luan a si zo ding hi an zum dan a si.( Background Herod in Kumhnih hnuailam naute a rawt)

Mathai 2:1 Jesuh cu Herod in Judea ram ah siangpahrang a țuan lai ah, Judea ram Bethlehem khua ah a suak. A rei hlanah nisuahnak lam ihsin arsi zohthiam pawl Jerusalem khuapi ah an ra ih,

A tawp nak ah cun:::::

1. Nisuah nak lamihsin mifim pawl hin Harsatnak tam pi pahtlangin Naute cibai an buk........Zesu cibai buk dingah ziang harsat nak ha na tawn tlang ve?

2. Naute Zesu cibai a buk ngah zo tu pawl cun, tui hlan anlamzin hlun an nunhlun lamzinah an kir sal nawn lo.