SAKAWLH

HUN HNUHNUNG A LO LANGTUR BIBLE IN A SAWI SAKAWLH HI KHAWVELAH HIAN A LANG TAWH EM TU NGE A NIH?

Tawitawka chhanna ah chuan la langrih lo tih hi a ni. Bible a hunhnuhnung chhinchhiahna hrilh lawkna tamtak kan hmuh te hi a takin kan khawvelah hian a thleng famkim mek reng chu a ni a. 

Khawvel hun hnuhnung a thil lo thleng tur, Zawlneite lo puanlawk leh, Thupuan hrilhlawkna te leh Isuan alo sawilawk te chu kan khawvel huntawng hian kawng tinrengin a dai dik famkim ta mek a, thleng lo a awm tawh lo tih theih ani ta,  khawvel hun hmawra indona nasa tak lo chhuak tur te pawh chu, Middle east buaina leh Europe leh ram hrang hrang a buaina leh indona tharum thawhna taidarh zel chuan, khawvelah a indona nasa zawk a hring chhuak chho zel dawn niin alang ta, khawvel sorkar lian te chuan indona hmarua ralthuam tha neih chu an intlansiakna anita mek bawk a, heng hi Pathian huntiam hun hmawrah hman chhuah in a awm ngei ang. 

Bible hrilhlawkna hun hnuhnunga thil thleng tur Isua puanlawk, Thupuan hrilhlawkna,  Zawlneite leh Tirhkote  puanlawk te a thleng dik ta mek a.  Thupuan hrilhlawkna bik hi in thlur bing  dawn teh ang. Thupuan hrilhlawkna thleng dik tur hian, heng ka han tarlan lo hi chu kawng dang dap ta ila adang awm thei tur avang viau ani. 

Thupuan 13 : leh Thup 14 : hian Sakawlh chungchang asawi tam viau a, chhut thiam chuan chhut rawh se, tiin min hrilh avangin, Bible atanga kan zir chian hi thil poimawh tak ani, lo ngaihthah ngawt tur chi niin alang lo ani, Sakawlh a kan puh hi a in anglo hlawm viau a, thenkhat chuan mihring a sualna hnathawh hi sakawlh chu ani mai ti pawl an awm a, thenkhat in Setana hi ani an ti bawk a, thenkhat in Roman Pope hi Sakawlh chu ani e, an tive bawk a, Bible atanga kan zir chhuah atul ta a, Bible in Sakawlh atih hi enge ni tih hi kan hriatfiah atul awm e. Daniela 7: kan en chuan, Babylon empire, Media & Persia empire, Greek empire, Roman Empire te kan hmu a, heng khawvel sorkar thuneihna leh rorelna te hi,  Bible chuan, Sakawlh atih te chu anni vek hlawm ani. 

Daniela 7: atang hian, Sakawlh chu khawvel sorkar rorelna leh thuneihna thil sawina atan Bible in a hmang tih kan hre thei ta ani. Sakawlh chhinchhianna poh chuan, khawvel sorkar hrang hrangin, a khualehtui mimal tinte a chhinchhiahna Unique identification a kawk ani tih alang fiah thei nghal mai awm e. Tin  Sakawlh chhinchhiahna hian Lei leh hralh theihna leh theihlohna a control tih Thup 13 : 17 kan hmu bawk. Lei leh hralh thua thuneihna neitu leh hremna pe theitu chu sorkar thuneihna rorelna ani tih a chiang nghal mai awm e. 

Thupuan 13 : 11-18  ah hian khawvel hun hnuhnung ah, sakawlh dang Lei atanga lo chhuak. Beramno ki ang 2 nei kan hmu leh a. He sakawlh dang Lei a țanga lo chhuak hi. Sevenday Adventist te chuan USA sorkar niin an hmeh bel țhin a, hei pawh hi rinthu leh belhchian tur awm lo a ni ve tho mai a ni a, a chhan chu, USA hi sakawlh lo ni dawn tase, ama ram khualehtui te chungah bak rorelna thuneihna kengkawh theihna a nei lo, UNO pawh hi khawvel mi tin chitin chunga thuneihna kengkawh tu tur anih avangin Hei hi a ni mai anga han ti tu pawl te pawh an awm ve țhin, amah erawh chu UNO a khawvel sorkar thawhhona pawh hi sakawlh anih a rinawm loh. A chhan chu UNO hian thiltih theihna hi an nei nep hle a, na takin kan dem a ni tih vel hi buaina khirh taktak chungthu a an thu sawi dan tlangpui kan hriat theih te chu an ni a. A taka remna an thlentheih hi hmuhtur avang hle.👇

Daniela 7: a Sakawlh hnuhnung ber hi, Roman Empire hi, Sakawlh sen tak Lu 7 leh ki 10 nei. Thup 17:3-9 in asawi Hmeichhia punsenduk leh senlar sin chuanna Sakawlh sentak  kha niin alang a, he hmeichhia hi, Roman Pope leh a kaihhruai Khawvel huapa Sakhua in zawm khawmna One World religion anih hmel viau, Tui tamtak chunga thu Nawhchizuar ropuitak, ami ngaihchinna wine a hnam zawng zawng hrai ruitu a thutna Tui chu, mite mipuite hnamte tawng te annih thu kan hmu ani, Khawvel pumpui huapa thuneihna kengtu tur ani tihna ah ngaih theih ani ang. Thup 17: 3-9 leh Thup 17: 1-2 hi thil thuhmun sawidan hrang mai niin alang. .. Khawvel sorkar roelna leh sakhua chu thukhat vua in a kal dawn niin alang. 

He sakawlh hmasa lu 7 leh ki 10 nei hi Roman Empire kha niin angaih theih ani a, Roman empire kha, 476 AD vel ah khan alo tlusawp tawh a. Khawvel hun hmawr ah EU in atho chhuak leh ta mek bawk anih hi, he sakawlh thihpui khawp hiala hliam lo dam chhuak leh ta hi. Dan 7 : 20-24 in asawi Ki 10 zing atanga ki 1 te tak te lo chawrchhuak ahma a ki 3 rawn tawn thlawn tu atih hi, VATICAN CITY atanga Roman POPE thuneihna lo dingchhuak leh tur anih hmel ang. 

Thup 13 : 11-18, sakawlh dang Lei atanga lo chhuak Beramno ki ang 2 nei hian, mitin chitin alian ate, a rethei, a hausa, in bawih leh bawih lo te, sakawlh hmasa thihpui khawp hiala hliam lo damchhuak leh ta chu mitin chibai abuk tir tih kan hmu ani. Sakawlh number chhianchiahna neih tirtu tur chu ani bawk dawn tih ani. hei hian Khawvel huapa sorkar hrang hrang hmalak hona, United Nations Organization hi anih duhmel ta viau UNHCR hmalakna hnuai ah khawvel ramtin in Biometric Identification kalpui anita mek bawk anih hi. Beramno ki ang 2 hian, khawvela REMNA LEH MUANNA thupui ber a a neihna hi anih duh hmel viau bawk. 

Khawvel sakhua zawng zawng leh sorkar rorelna in an chung en vek, Roman Pope hmalakna chuan, khawvela remna leh muanna chu a thupui ber ania, remna leh muanna buaipuina chuan One World Religion chu a hrin chhuah anita mek bawk anih hi,  UAE khawpui Abu Dhabi Abrahamic family house ah, 4feb 2019 ah khan Islam sunni Muslim leader leh Pope chuan inpumkhatna atan agreement an signed tawh anih kha, an inpumhatna hming ah CHRISLAM an vuah ani. 14--15sept 2022 khan KAZAKAKHSTAN  7th Congress of leaders of World Traditional of religions. 100 leaders 50 nations tanga kalkawm  Judaism, Christian, Buddhist, Islam etc, te chuan, World religion conference an nei ho anih kha. World religion Conference hi vawi tam tak neih ho thin ani tawh. 

WCC (World Council of Churches) hmalakna pohin a thupui ber chu remna leh muanna bawk ani, UNO pohin khawvela remna leh muanna thlen tir, mihring intluktlanga nun, retheihna umbo, Climate change, Environment siam that, Global warming tih chu athupui ber ani, he kawvela remna leh muanna buaipui na hian, sakhua intluktlanna (Religious pluralism) ah khawvel a hnuk lut ta mek bawk ani. 

He Thupuan 13: in asawi sakawlh chhinchhiahna hi mi zawng zawng in an nei vek ang tih kha kan Bible sawidan ani. Mitin chitin alian ate a rethei a hausa, bawih leh bawih lote pawhin an nei vek ang tih ani, Thup 13 : 16 he chhinchhiana nei velo, mi tlemte. Leilung piantirh atanga, Beramno nunnabua hming chuang an awmve bawk ang, chung mite chuan, sakawlh leh alem chu chibai an buk velo anga, chhinchhianna chu an neive lo bawk ang, tih chu Bible sawidan chu anita ani. Thup 13: 16-18  Sakawlh number leh a chhinchhiahna nei velo te chuan an lei in an hralh ve thei dawn lo tih min hrilh bawk, hei hi thenkhat in Lei leh hralh khap tiin an sawi thina, KHAP anilo theih ve lohna tih ani. Pathian mi thlante chuan  khawvel changkanna leh nawmsakna hi an hmang tangkai ve thei dawnlo tihna anih duh hmel viau. 

Bible hrilhlawk  khawvel hunhmawra thleng tur te chu a thleng dik ta mek a. Daniela 12 : sawilawk angin, khawvel hun hmawr tawpna thlen dawn ah mihring a hriatna finna tihpun anih tur te chu kan tawng dik ta mek bawk anih hi, mitin in Computer tenau Smartphone kan hum ta deuh vek mai anih hi, Khawvel finna leh thiamna sang chho zel ah Computer khawvel internet khawvel ah kan cheng ta, mek a, he Biometric identity enrolment hi UN hmalakna hnuaiah kalpui ani a, India ramah pawh UIDAI hmalakna in Aadhaar tiin kalpui ani ta mek a, United Nations UNHRC hnuai ah, World Bank finance in, Unique Biometric Identification for Development (ID4D) atan 2021 khan, Usd1.5 billion 35 countries tan hmanral ani a, Indonesia ram atan pawh Usd250 million hman ani, khawvel ram hrang hrang ah kalpui chhoh zel ani a, kan ram thenawm Myanmar leh Bangladesh ah pawh kalpui ani. 

Sakawlh chhinchhiahna number 666(six trio) hi mihring chal emaw  kut dinglama ziaka hmuh theih a, tarlan kulh tura kan ngai anih chuan kan chang thelh deuh awm e, chhut thiam chuan chhut rawhse atih angin, mihring chal ah emaw kut ah emaw 666 (six trio) number hi ziah lan nise, chhutchian angai hauh lo ang, Khawvel hun hnuhnung mihring finna leh thiamna technology changkang tak hmang hian unique Identification mitin number hrang theuh feltak neih tir, an biodata kimchang tak nena chhinchhiah a  atul huna enfiah zel theih tur hi a kalphung tur chu anih a rinawm. 

He mitin te unique identity Biometric enrolment number leh  Bank A/c nen thlunzawm chhoh zel niin, mitin Bank A/c neih tir veka Digital currency in, cashless society a, khawvel kal chhoh zel chu an tarket anita mek a, keini India ramah pawh kalpui tum anih thu parliament session ah khan Finance minister Pi Nirmala Sitharaman khan apuang anih kha, Conspiracy theory New World Order 2030 hnulam atang chuan hemi hawia khawvel kalpui tumna Passport leh Visa ngailo a, khawvel hi awlsam taka inpawh tawn theihna tura he biometric Id data hi khawvel pum in share tawna awlsam zawk a hman tangkai nitura thlirlawkna te pawh chu atakin arawn thleng dik chho zel dawn anih hmelta viau anih hi.